ਭੋਗਪੁਰ / ਦਸੂਹਾ (PPT NEWS) 

: ਭੋਗਪੁਰ ਅਧੀਨ ਪੈਂਦੇ ਪਿੰਡ ਲੁਹਾਰਾਂ (ਮ) ਦੇ ਅੱਡੇ ਤੇ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਮੌਕੇ ਦੁਕਾਨ ਦੇ ਮਾਲਕ ਕੀਰਤਨ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਲੰਘੀ ਦਿਵਾਲੀ ਦੀ ਰਾਤ ਇੱਕ ਨਵੰਬਰ ਨੂੰ ਉਹ ਆਪਣੀ ਦੁਕਾਨ ਬੰਦ ਕਰਕੇ ਘਰ ਗਏ ਸਨ। ਜਦ ਉਹਨਾਂ ਸਵੇਰੇ ਆ ਕੇ ਆਪਣੀ ਦੁਕਾਨ ਦੇ ਤਾਲੇ ਖੋਲੇ ਤਾਂ ਦੇਖਿਆ ਤੇ ਦੁਕਾਨ ਦੀ ਪਿਛਲੀ ਕੰਧ ਪਾੜੀ ਹੋਈ ਸੀ ਜਿਸ ਵਿਚੋਂ ਅਣਪਛਾਤੇ ਚੋਰਾਂ ਨੇ ਦੁਕਾਨ ਦੇ ਅੰਦਰ ਦਾਖਲ ਹੋ ਕੇ ਦੁਕਾਨ ਦਾ ਕੀਮਤੀ ਸਮਾਨ ਜਿਸ ਵਿੱਚ ਘਿਓ ਦੇ ਟੀਨ ਠੰਡਾ ਅਤੇ ਹੋਰ ਸਮਾਨ ਚੁੱਕ ਕੇ ਲੈ ਗਏ ਜਿਸ ਦੀ ਕੀਮਤ 25 ਤੋਂ 30 ਹਜਾਰ ਬਣਦੀ ਹੈ। ਜਿਸ ਦੀ ਦਰਖਾਸਤ 2 ਨਵੰਬਰ ਸਵੇਰ ਨੂੰ ਭੋਗਪੁਰ ਥਾਣਾ ਵਿਖੇ ਦੇ ਦਿੱਤੀ ਗਈ ਸੀ। ਜਿੱਥੇ ਕਿ ਇੱਕ ਹਫਤਾ ਬੀਤ ਜਾਣ ਤੇ ਘਟਨਾ ਸਥਲ ਵਾਲੀ ਜਗ੍ਹਾ ਤੇ ਕੋਈ ਵੀ ਪੁਲਿਸ ਮੁਲਾਜ਼ਮ ਮੌਕਾ ਦੇਖਣ ਨਹੀਂ ਪਹੁੰਚੇ।

ਬਾਕਸ

ਇਸ ਮੌਕੇ ਕੀਰਤਨ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਹਨਾਂ ਦੇ ਪਹਿਲਾਂ ਵੀ ਦੁਕਾਨ ਤੇ ਚੋਰੀ ਹੋ ਚੁੱਕੀ ਹੈ ਪਹਿਲਾਂ ਵੀ ਪੁਲਿਸ ਵੱਲੋਂ ਕੋਈ ਕਾਰਵਾਈ ਨਹੀਂ ਕੀਤੀ ਅਤੇ ਹੁਣ ਵੀ ਭੋਗਪੁਰ ਪੁਲਿਸ ਇੱਕ ਹਫਤਾ ਬੀਤ ਜਾਣ ਤੇ ਨਹੀਂ ਪਹੁੰਚੀ।