ਫਗਵਾੜਾ 9 ਨਵੰਬਰ (ਲਾਲੀ )

* ਸਵੱਛਤਾ ‘ਚ ਸਹਿਯੋਗ ਕਰਨ ਪਿੰਡ ਵਾਸੀ – ਸਰਪੰਚ ਰਿੰਪਲ ਕੁਮਾਰ

: ਇੱਥੋਂ ਦੇ ਨਜਦੀਕੀ ਪਿੰਡ ਵਜੀਦੋਵਾਲ ਵਿਖੇ ਗ੍ਰਾਮ ਪੰਚਾਇਤ ਵਲੋਂ ਮਗਨਰੇਗਾ ਸਕੀਮ ਅਧੀਨ ਵਿਕਾਸ ਦੇ ਕੰਮ ਮਨਰੇਗਾ ਕਾਮਿਆਂ ਵਲੋਂ ਜੰਗੀ ਪੱਧਰ ਤੇ ਜਾਰੀ ਹਨ। ਚਲ ਰਹੇ ਕੰਮਾਂ ਦਾ ਜਾਇਜਾ ਲੈਣ ਸਮੇਂ ਗੱਲਬਾਤ ਕਰਦਿਆਂ ਸਰਪੰਚ ਰਿੰਪਲ ਕੁਮਾਰ ਨੇ ਦੱਸਿਆ ਕਿ ਬਰਮਾ ਤੇ ਮਿੱਟੀ ਪਾਉਣ ਅਤੇ ਗੁਰੂ ਘਰ ਦੇ ਵਿਹੜੇ ਦਾ ਲੈਵਲ ਕਰਨ ਤੋਂ ਇਲਾਵਾ ਭੰਗ ਬੂਟੀ ਦੀ ਸਾਫ ਸਫਾਈ ਦੇ ਕੰਮ ਕਰਵਾਏ ਜਾ ਰਹੇ ਹਨ। ਉਹਨਾਂ ਨੇ ਦੱਸਿਆ ਕਿ ਨਵੀਂ ਗ੍ਰਾਮ ਪੰਚਾਇਤ ਵਲੋਂ ਪਾਰਟੀ ਬਾਜੀ ਤੋਂ ਉੱਪਰ ਉੱਠ ਕੇ ਵਿਕਾਸ ਦੇ ਕੰਮ ਕਰਵਾਏ ਜਾਣਗੇ। ਉਹਨਾਂ ਪਿੰਡ ਵਾਸੀਆਂ ਨੂੰ ਵੀ ਭਰੋਸਾ ਦਿੱਤਾ ਕਿ ਪਿੰਡ ਦੀ ਖੂਬਸੂਰਤੀ ਨੂੰ ਵਧਾਉਣ ਵਿਚ ਪੰਚਾਇਤ ਦਾ ਸਾਥ ਦੇਣ। ਜਨਤਕ ਥਾਵਾਂ ਤੇ ਕੂੜਾ ਨਾ ਸੁੱਟਿਆ ਜਾਵੇ ਅਤੇ ਆਲੇ-ਦੁਆਲੇ ਦੀ ਸਫਾਈ ਰੱਖਣ ਦੇ ਨਾਲ ਹੀ ਬੂਟੇ ਵੀ ਲਗਾਏ ਜਾਣ। ਇਸ ਮੌਕੇ ਮੇਹਟ ਹਰਦੀਪ ਮਾਨ, ਗੁਰਦੁਆਰਾ ਸ੍ਰੀ ਗੁਰੂ ਰਵਿਦਾਸ ਜੀ ਦੇ ਪ੍ਰਧਾਨ ਮਨਜੀਤ ਸਿੰਘ, ਬਲਿਹਾਰ ਲਾਲ, ਹਰਮੇਸ਼ ਲਾਲ, ਲਾਲ ਚੰਦ, ਮਨਜੀਤ ਕੌਰ, ਸ਼ਿੰਦੋ ਰਾਣੀ, ਲਛਮੀ ਦੇਵੀ, ਦਲਵੀਰ ਕੌਰ, ਬਲਵਿੰਦਰ ਕੌਰ, ਬਲਵੀਰ ਕੌਰ, ਦੇਸਰਾਜ, ਚਮਨ ਲਾਲ ਆਦਿ ਹਾਜਰ ਸਨ।
ਤਸਵੀਰ 002, ਕੈਪਸ਼ਨ- ਪਿੰਡ ਵਜੀਦੋਵਾਲ ਵਿਖੇ ਮਨਰੇਗਾ ਕਰਮਚਾਰੀਆਂ ਵਲੋਂ ਕੀਤੇ ਜਾ ਰਹੇ ਘਾਟ ਬੂਟੀ ਦੀ ਸਫਾਈ ਦਾ ਦ੍ਰਿਸ਼।