ਗੜ੍ਹਦੀਵਾਲਾ (ਚੌਧਰੀ, ਪ੍ਰਦੀਪ ਕੁਮਾਰ )

9 ਅਕਤੂਬਰ : ਪੱਤਰਕਾਰ ਪਰਮਜੀਤ ਭਟੋਆ ਨੂੰ ਉਸ ਸਮੇਂ ਸਦਮਾ ਲੱਗਾ ਜਦੋਂ ਉਨ੍ਹਾਂ ਦੇ ਪਿਤਾ ਸ੍ਰੀ ਰਾਮ ਲਾਲ ਭਟੋਆ ਜੀ ਦਾ ਦੇਹਾਂਤ ਹੋ ਗਿਆ। ਬੀਤੇ ਦਿਨ 8 ਅਕਤੂਬਰ 2023 ਨੂੰ ਆਪਣੀ ਸੰਸਾਰਿਕ ਯਾਤਰਾ ਪੂਰੀ ਕਰਦੇ ਹੋਏ ਗੁਰੂ ਚਰਨਾ ਚ ਜਾ ਵਿਰਾਜੇ  ਸਨ।ਜਿਨ੍ਹਾ ਦਾ ਅੱਜ ਅੰਤਿਮ ਸੰਸਕਾਰ ਮਾਓੁਟਕਾਰਮਲ ਸਕੂਲ ਭੁੰਗਾ ਨਜਦੀਕ ਸਮਸਾਨਘਾਟ ਵਿਖੇ 1 ਵਜੇ ਕੀਤਾ ਗਿਆ। ਇਸ ਮੌਕੇ ਪੁੱਤਰ ਪੱਤਰਕਾਰ ਪਰਮਜੀਤ ਭਟੋਆ ਅਤੇ ਦੋਵੇਂ ਪੋਤਰੇ ਵਲੋਂ ਉਨ੍ਹਾਂ ਨੂੰ ਅਗਨੀ ਭੇਂਟ ਕੀਤੀ ਗਈ। ਇਸ ਮੌਕੇ ਫਰੈਂਡਜ ਪ੍ਰੈਸ ਕਲੱਬ ਗੜ੍ਹਦੀਵਾਲਾ ਦੇ ਸਮੂਹ ਮੈਂਬਰਾਂ ਅਤੇ ਇਲਾਕੇ ਦੇ ਪੱਤਰਕਾਰਾਂ ਨੇ ਪਹੁੰਚ ਕੇ ਉਨ੍ਹਾਂ ਤੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ। ਇਸ ਮੌਕੇ ਰਾਜਨੀਤਕ ਤੇ ਵੱਖ-ਵੱਖ ਸੰਸਥਾਵਾਂ ਦੇ ਆਗੂਆਂ ਨੇ ਵੀ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕੀਤੀ। ਇਸ ਮੌਕੇ ਸਮੂਹ ਰਿਸ਼ਤਦਾਰ ਤੇ ਪਿੰਡ ਵਾਸੀ ਹਾਜਰ ਸਨ।