ਕਿ ਦੋਆਬਾ ਦੇ 5 ਵਿਧਾਇਕ ਚੋਂ ਮਿਲੇਗੀ ਕਿਸੇ ਨੂੰ ਕੈਬਨਿਟ ‘ਚ ਥਾਂ..? 

ਚੰਡੀਗੜ੍ਹ,18 ਮਾਰਚ,(PPT NEWS )–ਪੰਜਾਬ ਦੀ ਨਵੀਂ ਕੈਬਨਿਟ ਕੱਲ੍ਹ ਨੂੰ ਸਹੁੰ ਚੁੱਕਣ ਜਾ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਕੱਲ੍ਹ ਸਵੇਰੇ 11 ਵਜੇ ਨਵੇਂ ਬਣੇ ਮੰਤਰੀ ਰਾਜ ਭਵਨ ਵਿਖੇ ਸਹੁੰ ਚੁੱਕਣਗੇ। ਜਿਸ ਤੋਂ ਬਾਅਦ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕੱਲ੍ਹ ਨੂੰ ਹੀ ਦੁਪਿਹਰ 12:30 ਵਜੇ ਦੇ ਕਰੀਬ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਪੰਜਾਬ ਸਿਵਲ ਸਕੱਤਰੇਤ ਵਿਖੇ ਨਵੀਂ ਵਜ਼ਾਰਤ ਨਾਲ ਮੀਟਿੰਗ ਕਰਨ ਦੀ ਚਰਚਾ ਹੈ । ਜਾਣਕਾਰੀ ਅਨੁਸਾਰ ਅੱਜ ਰਾਤ  ਤੱਕ ਮੰਤਰੀ ਮੰਡਲ ਦੇ ਸਾਰੇ ਨਾਵਾਂ ਦਾ ਐਲਾਨ ਹੋ ਜਾਵੇਗਾ।ਕੈਬਨਿਟ ਵਿੱਚ ਕਿਸ ਨੂੰ ਜਗ੍ਹਾ ਮਿਲਣੀ ਹੈ ਇਸ ਨੂੰ ਲੈ ਕੇ ਚਰਚਾਵਾਂ ਜੋਰਾਂ ਤੇ ਹਨ। ਮੰਤਰੀ ਮੰਡਲ ਵਿੱਚ ਸਾਬਕਾ ਵਿਰੋਧੀ ਧਿਰ ਦੇ ਨੇਤਾ ਹਰਪਾਲ ਸਿੰਘ ਚੀਮਾ,ਅਮਨ ਅਰੋੜਾ ਅਤੇ ਕੁਲਤਾਰ ਸਿੰਘ ਸੰਧਵਾਂ ਦੇ ਨਾਮ ਲਗਭਗ ਤੈਅ ਹੀ ਹਨ। ਇਹਨਾਂ ਤੋਂ ਇਲਾਵਾ ਤੋਂ ਲਗਾਤਾਰ ਦੂਜੀ ਵਾਰ ਜਿੱਤਣ ਵਾਲੀ ਸਰਵਜੀਤ ਕੌਰ ਮਾਣੂੰਕੇ ,ਤਲਵੰਡੀ ਸਾਬੋ ਤੋਂ ਪ੍ਰੋਫੈਸਰ ਬਲਜਿੰਦਰ ਕੌਰ,ਅੰਮ੍ਰਿਤਸਰ ਪੂਰਬੀ ਤੋਂ ਬਿਕਰਮ ਮਜੀਠੀਆ ਅਤੇ ਨਵਜੋਤ ਸਿੰਘ ਸਿੱਧੂ ਨੂੰ ਹਰਾਉਣ ਵਾਲੀ ਜੀਵਨ ਜੋਤ ਕੌਰ ਅਤੇ ਕੁੰਵਰ ਵਿਜੇ ਪ੍ਰਤਾਪ ਤੋਂ ਇਲਾਵਾ ਨਾਭਾ ਤੋਂ ਗੁਰਦੇਵ ਮਾਨ,ਭਦੌੜ ਤੋਂ ਲਾਭ ਸਿੰਘ ਉਗੋਕੇ,ਖਰੜ ਤੋਂ ਅਨਮੋਲ ਗਗਨ ਮਾਨ,ਮੋਗਾ ਤੋਂ ਅਮਨਜੋਤ ਅਰੋੜਾ ਅਤੇ ਲੰਬੀ ਤੋਂ ਪਰਕਾਸ਼ ਸਿੰਘ ਬਾਦਲ ਨੂੰ ਹਰਾਉਣ ਵਾਲੇ ਗੁਰਮੀਤ ਸਿੰਘ ਖੁੱਡੀਆਂ ਦੇ ਨਾਵਾਂ ਨੂੰ ਲੈ ਕੇ ਵੀ ਚਰਚਾ ਛਿੜੀ ਹੋਈ ਹੈ। ਦੋਆਬਾ ਦੇ 5 ਵਿਧਾਇਕਾਂ ਚੋਂ ਕਿਸੇ ਵੀ ਵਿਧਾਇਕ ਤੇ ਕੋਈ ਚਰਚਾ ਵੇਖਣ ਨੂੰ ਸਾਹਮਣੇ ਨਹੀਂ ਆਈ ਹੈ।ਕੈਬਨਿਟ ਵਿੱਚ ਕਿਸ ਨੂੰ ਜਗ੍ਹਾ ਮਿਲਦੀ ਹੈ ਇਹ ਕੱਲ੍ਹ ਨੂੰ ਸਾਫ ਹੋ ਜਾਵੇਗਾ। ਪੰਜਾਬ ਦੇ ਮੁੱਖ ਮੰਤਰੀ ਛੋਟੀ ਕੈਬਨਿਟ ਦੇ ਚਾਹਵਾਨ ਹਨ। ਪਹਿਲੀ ਵਾਰ ਚ 10 ਦੇ ਕਰੀਬ ਕੈਬਨਿਟ ਮੰਤਰੀ ਬਣਾਏ ਜਾ ਸਕਦੇ ਹਨ ਅਤੇ ਬਾਕੀ ਮੰਤਰੀਆਂ ਦਾ ਐਲਾਨ ਬਾਅਦ ਚ ਕੀਤਾ ਜਾ ਸਕਦਾ ਹੈ।