ਸਿਹਤ ਮੰਤਰੀ ਨੇ ਸ਼ਿਵਕਰਨ ਚੇਚੀ ਨਾਲ ਕੀਤਾ ਅਫਸੋਸ ਪ੍ਰਗਟ

ਬਲਾਚੌਰ /ਕਾਠਗੜ੍ਹ (ਜਤਿੰਦਰ ਪਾਲ ਸਿੰਘ ਕਲੇਰ ) ਮਾਂ ਦਾ ਦਾ ਰੁਤਬਾ ਪ੍ਰਮਾਤਮਾ ਤੋਂ ਵੀ ਉੱਚਾ ਹੁੰਦਾ ਹੈ ਤੇ ਮਾਂ ਦੀ ਸਿੱਖਿਆ ਹੀ ਇਨਸਾਨ ਨੂੰ ਵੱਡਾ ਰੁਤਬਾ ਦੁਆ ਸਕਦੀ ਹੈ ,ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪੰਜਾਬ ਦੇ ਸਿਹਤ ਮੰਤਰੀ ਚੇਤਨ ਸਿੰਘ ਜੋਡ਼ੇਮਾਜਰਾ ਨੇ ਆਮ ਆਦਮੀ ਪਾਰਟੀ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਪ੍ਰਧਾਨ ਸ਼ਿਵਕਰਨ ਚੇਚੀ ਦੇ ਘਰ ਪਹੁੰਚ ਕੇ ਉਨ੍ਹਾਂ ਦੀ ਮਾਤਾ ਸਵਰਗਵਾਸੀ ਦਰਸ਼ਨਾ ਦੇਵੀ ਦੇ ਅਕਲਾ ਚਲਾਣਾ ਕਰਨ ਤੇ ਅਫਸੋਸ ਕਰਨ ਮੌਕੇ ਕਹੇ।ਉਨ੍ਹਾਂ ਨੇ ਮਾਤਾ ਦਰਸ਼ਨਾ ਦੇਵੀ ਦੀ ਮੌਤ ਨੂੰ ਪਰਿਵਾਰ ਲਈ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਦੱਸਿਆ ਤੇ ਕਿਹਾ ਕਿ ਇਸ ਦੁੱਖ ਦੀ ਘੜੀ ਵਿੱਚ ਸਮੁੱਚੀ ਆਮ ਆਦਮੀ ਪਾਰਟੀ ਸ਼ਿਵਕਰਨ ਚੇਚੀ ਜੀ ਦੇ ਨਾਲ ਖੜੀ ਹੈ।ਇਸ ਮੌਕੇ ਹਲਕਾ ਬਲਾਚੌਰ ਤੋ ਵਿਧਾਇਕਾ ਸ੍ਰੀਮਤੀ ਸੰਤੋਸ਼ ਕਟਾਰੀਆ ਨੇ ਕਿਹਾ ਕਿ ਸ਼ਿਵਕਰਨ ਚੇਚੀ ਨੂੰ ਇਸ ਰੁਤਬੇ ਤੱਕ ਪਹੁੰਚਾਉਣ ਵਿੱਚ ਮਾਤਾ ਜੀ ਦਾ ਵੱਡਾ ਯੋਗਦਾਨ ਹੈ।ਇਸ ਮੌਕੇ ਰੋਪੜ ਤੋਂ ਹਲਕਾ ਵਿਧਾਇਕ ਸ੍ਰੀ ਦਿਨੇਸ਼ ਚੱਢਾ,ਆਮ ਆਦਮੀ ਪਾਰਟੀ ਪੰਜਾਬ ਦੇ ਸਪੋਕਸਮੈਨ ਸਤਨਾਮ ਜਲਾਲਪੁਰ, ਅਸ਼ੋਕ ਕਟਾਰੀਆ,ਸੇਠੀ ਉਧਨਵਾਲ ,ਹੇਮ ਰਾਜ ਕਿਸਾਣਾ,ਰਾਮ ਨਾਥ, ਰਾਮਦਾਸ ਚੇਚੀ, ਓਮ ਪ੍ਰਕਾਸ਼, ਅਸ਼ੋਕ ਕੁਮਾਰ, ਹਰਮੇਸ਼ ਲਾਲ ਮਹੈਸੀ, ਸੂਬੇਦਾਰ ਪਰਮਿੰਦਰ ਚੇਚੀ,ਮੌਹਣ ਲਾਲ ਆਦਿ ਹਾਜਰ ਸਨ। ਕੈਪਸ਼ਨ: ਸਿਹਤ ਮੰਤਰੀ ਪੰਜਾਬ ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਸ਼ਿਵਕਰਨ ਚੇਚੀ ਨਾਲ ਅਫ਼ਸੋਸ ਕਰਨ ਵੇਲੇ ਦਾ ਦ੍ਰਿਸ਼