ਮੁੱਖ ਮੰਤਰੀ ਪੰਜਾਬ ਤੋਂ ਜੰਗਲਾਤ ਵਿਭਾਗ ‘ਚ ਪਿੱਛਲੇ 1 ਸਾਲ ਤੋ ਹੋਈਆਂ ਨਿਯੁਕਤੀਆਂ ਅਤੇ ਬਦਲੀਆਂ ਦੀ ਜਾਂਚ ਕਰਨ ਦੀ ਮੰਗ 

ਗੁਰਦਾਸਪੁਰ 10 ਜੂਨ (ਅਸ਼ਵਨੀ) : ਮੁੱਖ ਮੰਤਰੀ ਪੰਜਾਬ ਜੰਗਲਾਤ ਵਿਭਾਗ ਵਿੱਚ ਪਿੱਛਲੇ ਇਕ ਸਾਲ ਤੋ ਹੋਈਆਂ ਨਿਯੁਕਤੀਆ ਅਤੇ ਬਦਲੀਆਂ ਦੀ ਜਾਂਚ ਕਰਨ ਇਹ ਮੰਗ ਬੋਧ ਸਿੰਘ ਘੁੰਮਣ ਮੁੱਖ ਸਲਾਹਕਾਰ ਜੰਗਲਾਤ ਵਰਕਰਜ ਯੂਨੀਅਨ ਪੰਜਾਬ ਅਤੇ ਸਾਬਕਾ ਜਨਰਲ ਸੱਕਤਰ ਪੰਜਾਬ ਸਟੇਟ ਫਾਰੈਸਟ ਆਫਿਸਰਜ ਅਸੈਸੀਏਸ਼ਨ ਨੇ ਮੁੱਖ ਮੰਤਰੀ ਪੰਜਾਬ ਨੂੰ ਲਿਖੇ ਇਕ ਪੱਤਰ ਰਾਹੀ ਕੀਤੀ ।ਮੁੱਖ ਮੰਤਰੀ ਨੂੰ ਲਿਖੇ ਪੱਤਰ ਦੀਆ ਕਾਪੀਆਂ ਪੱਤਰਕਾਰਾ ਨੂੰ ਦਿੰਦੇ ਹੋਏ ਘੁੰਮਣ ਨੇ ਕਿਹਾ ਕਿ ਜੰਗਲਾਤ ਵਿਭਾਗ ਵਿੱਚ ਨਿਯਮਾਂ ਤੇ ਕਾਨੂੰਨਾਂ ਨੂੰ ਛਿੱਕੇ ਤੇ ਟੰਗ ਕੇ ਬਦਲੀਆਂ ਤੇ ਨਿਯੁਕਤੀਆਂ ਕਾਂਗਰਸ ਸਰਕਾਰ ਦੇ ਸਮੇਂ ਤੇ ਕੀਤੀਆਂ ਗਈਆਂ ਜ਼ਿਹਨਾਂ ਸਿਲਸਿਲਾ ਅੱਜ ਵੀ ਜਾਰੀ ਹੈ । ਬੋਧ ਸਿੰਘ ਘੁੰਮਣ ਨੇ ਹੋਰ ਕਿਹਾ ਕਿ ਸਾਬਕਾ ਜੰਗਲਾਤ ਮੰਤਰੀਆਂ ਵਿਰੁੱਧ ਦਰਜ ਹੋਏ ਕੇਸ ਤੇ ਇਕ ਮੰਤਰੀ ਤੇ ਕੂਝ ਅਧਿਕਾਰੀਆਂ ਦੀ ਚੋਕਸੀ ਵਿਭਾਗ ਵੱਲੋਂ ਗ੍ਰਿਫਤਾਰੀ ਨੇ ਉਹਨਾਂ ਵੱਲੋਂ ਲਾਏ ਦੋਸ਼ਾਂ ਨੂੰ ਸਹੀ ਸਾਬਿਤ ਕੀਤਾ ਹੈ ਜਿਸ ਤੋ ਪੱਤਾ ਲੱਗ ਜਾਂਦਾ ਹੈ ਕਿ ਜੰਗਲਾਤ ਵਿਭਾਗ ਵਿੱਚ ਸਭ ਅੱਛਾ ਨਹੀਂ ਹੈ ਇਸ ਲਈ ਜਾਂਚ ਕਰਾਉਣਾ ਜ਼ਰੂਰੀ ਹੈ ਕਿ ਜੂਨੀਅਰ ਅਧਿਕਾਰੀ ਕਿਸ ਤਰਾ ਸੀਨੀਅਰ ਅਧਿਕਾਰੀਆਂ ਨੂੰ ਅੱਖੋਂ ਪਰੋਖੇ ਕਰਕੇ ਨਿਯੁਕਤ ਤੇ ਬਦਲੀ ਕੀਤੇ ਜਾਂਦੇ ਰਹੇ । ਪੱਤਰ ਵਿੱਚ ਹੋਰ ਵੀ ਕਈ ਤਰਾ ਦੇ ਦੋਸ਼ ਲਗਾਏ ਗਏ ਹਨ ।