ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ)

2 ਮਈ – ਕੇ.ਆਰ.ਕੇ. ਡੀ.ਏ.ਵੀ. ਸੀਨੀਅਰ ਸੰਕੈਡਰੀ ਸਕੂਲ ਗੜ੍ਹਦੀਵਾਲਾ ਵਿਖੇ ਪ੍ਰਿੰਸੀਪਲ ਕੇਸ਼ਵਾਨੰਦ ਸ਼ਰਮਾ ਦੇ ਰਿਟਾਇਡ ਹੋਣ ਉਪਰੰਤ ਸਕੂਲ ਦੇ ਸੀਨੀਅਰ ਮਾਸਟਰ ਤਰਸੇਮ ਸਿੰਘ ਨੇ ਬਤੌਰ ਪ੍ਰਿੰਸੀਪਲ ਦਾ ਚਾਰਜ ਸੰਭਾਲਿਆ।ਇਸ ਮੌਕੇ ਸਕੂਲ ਦੇ ਸਮੂਹ ਸਟਾਫ ਵਲੋਂ ਤਰਸੇਮ ਸਿੰਘ ਨੁੂੰ ਇਸ ਅਹੁਦੇ ਨੂੰ ਸੰਭਾਲਣ ’ਤੇ ਵਧਾਈ ਦਿੰਦੇ ਹੋਏ ਉਨ੍ਹਾਂ ਦਾ ਸਕੂਲ ਪਹੁੰਚਣ ਤੇ ਨਿੱਘਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਪ੍ਰਿੰ. ਤਰਸੇਮ ਸਿੰਘ ਵੱਲੋਂ ਸਮੂਹ ਸਟਾਫ ਦਾ ਧੰਨਵਾਦ ਕਰਦੇ ਹੋਏ ਬੱਚਿਆਂ ਨੂੰ ਪੁੂਰੀ ਤਨਦੇਹੀ ਨਾਲ ਪੜ੍ਹਾਈ ਕਰਾਉਣ ਅਤੇ ਆਪਸ ਵਿਚ ਮਿਲਜੁਲ ਕੇ ਕੰਮ ਕਰਨ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਸਕੂਲ ਦੀ ਬਿਹਤਰੀ ਲਈ ਅਣਥੱਕ ਯਤਨ ਕਰਨਗੇ ਅਤੇ ਸਕੂਲ ਦਾ ਨਾਂ ਹੋਰ ਵੀ ਰੌਸ਼ਨ ਕਰਨਗੇ ।ਜਿਕਰਯੋਗ ਹੈ ਕਿ ਤਰਸੇਮ ਸਿੰਘ ਇਸ ਤੋਂ ਪਹਿਲਾ ਪਿਛਲੇ 28 ਸਾਲ ਤੋਂ ਬਤੌਰ ਐੱਨ.ਸੀ.ਸੀ. ਅਫਸਰ ਵੱਜੋਂ ਕੰਮ ਕਰ ਰਹੇ ਹਨ ਅਤੇ ਇਸ ਦੌਰਾਨ ਉਨਾਂ ਨੇ ਸਕੂਲ ਨੂੰ ਬੁਲੰਧੀਆਂ ਤੇ ਪਹੁਚਾਇਆ ਹੈ ਅਤੇ ਉਨ੍ਹਾਂ ਨੂੰ ਕਈ ਅਵਾਰਡ ਮਿਲ ਚੁੱਕੇ ਹਨ।ਇਸ ਮੌਕੇ ਪਵਨ ਕੁਮਾਰ, ਸੁਨੀਲ ਦੱਤ,ਅਸ਼ੋਕ ਕੁਮਾਰ, ਰਜਨੀ ਬਾਲਾ,ਰਣਜੋਧ ਸਿੰਘ,ਗਗਨ ਕਮਾਰ, ਪ੍ਰਿਆ ਸ਼ਰਮਾ, ਪਰਮਜੀਤ ਕੌਰ, ਕਮਲੇਸ਼ ਕੁਮਾਰੀ, ਮਨਕੀਰਨ ਕੌਰ,ਹਰਮਨਪ੍ਰੀਤ ਕੌਰ, ਪੂਜਾ, ਹਰਮਿੰਦਰ ਕੌਰ, ਰਜਨੀ, ਸੁਖਵਿੰਦਰ ਕੌਰ, ਰੇਖਾ, ਪ੍ਰਿਆ ਸਮੇਤ ਸਮੂਹ ਸਟਾਫ ਮੈਂਬਰ ਹਾਜ਼ਰ ਸਨ।