ਅਕਾਲੀ ਸਰਕਾਰ ਵਲੋਂ ਬੇਰੁਜਗਾਰੀ ਦੀ ਭੱਠੀ ਵਿੱਚ ਸੁੱਟੇ ਸੁਵਿਧਾ ਸੈਂਟਰ ਮੁਲਾਜਮਾਂ ਨੇ ਆਪ ਦੀ ਵਿਧਾਇਕਾ ਕੋਲ ਲਗਾਈ ਗੁਹਾਰ

ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਆਮ ਲੋਕਾ ਨੂੰ ਪਾਰਦਰਸ਼ੀ ਤਰੀਕੇ ਨਾਲ ਇੱਕ ਛੱਤ ਹੇਠ ਅਨੇਕਾ ਕੰਮਾ ਦੀਆਂ ਸਹੂਲਤਾ ਪ੍ਰਦਾਨ ਕਰਨ ਵਾਲੇ ਸੁਖਮਨੀ ਸੁਸਾਇਟੀ ਫਾਰ ਸਿਟੀਜ਼ਨ ਸਰਵਿਸਿਜ (ਸੁਵਿਧਾ ਸੈਂਟਰ ) ਦੀ ਤਹਿਸੀਲ ਪੱਧਰੀ ਕਮੇਟੀ ਦੇ ਸਾਬਕਾ ਮੁਲਾਜਮਾ ਵਲੋਂ ਆਪਣੇ ਅਗਲੇ ਭਵਿੱਖ ਲਈ ਹੁਣ ਆਮ ਆਦਮੀ ਪਾਰਟੀ ਦੀ ਵਿਧਾਇਕਾ ਬੀਬੀ ਸੰਤੋਸ਼ ਕਟਾਰੀਆ ਕੋਲ ਗੁਹਾਰ ਲਾਈ । ਇਸ ਮੌਕੇ ਉਹਨਾ ਆਪਣੇ ਤਜਰਬੇ ਨੂੰ ਧਿਆਨ ਵਿੱਚ ਰੱਖਿਆ ਉਹਨਾ ਦੀ ਬੇਰੁਜਗਾਰੀ ਨੂੰ ਖਤਮ ਕਰਨ ਲਈ ਕਿਸੇ ਵੀ ਵਿਭਾਗ ਵਿੱਚ ਐਡਜੈਸਟ ਕਰਾਉਣ ਲਈ ਮੰਗ ਪੱਤਰ ਦਿੱਤਾ ਗਿਆ ।ਜਾਣਕਾਰੀ ਦਿੰਦੇ ਹੋਏ ਦਿਨੇਸ਼ ਕੁਮਾਰ, ਅਕਾਸ਼ਦੀਪ ਵਾਸੀ ਬਲਾਚੌਰ ਨੇ ਦੱਸਿਆ ਕਿ ਪੰਜਾਬ ਭਰ ਵਿੱਚ ਚੱਲਦੇ ਵੱਖ ਵੱਖ ਸੁਵਿਧਾ ਸੈਂਟਰਾਂ ਵਿੱਚ ਉਹਨਾਂ ਨੂੰ ਬਹੁਤ ਹੀ ਘੱਟ ਫੈਸੀਲਿਟੇਸ਼ਨ ਚਾਰਜਿਜ ਲੈ ਕੇ ਪਾਰਦਰਸ਼ੀ ਤਰੀਕੇ ਨਾਲ ਆਮ ਜਨਤਾ ਨੂੰ ਸਰਵਿਸਿਜ਼ ਪ੍ਰਦਾਨ ਕਰਨ ਲਈ ਨੌਕਰੀਆਂ ਦਿੱਤੀਆਂ ਸਨ ਜਿਨ੍ਹਾਂ ਵਲੋਂ 10/12 ਸਾਲ ਬੜੀ ਮਿਹਨਤ ਅਤੇ ਤਨਦੇਹੀ ਨਾਲ ਆਪਣੀਆ ਸੇਵਾਵਾਂ ਨਿਭਾਉਂਦੇ ਅਤੇ ਇਸ ਰੁਜਗਾਰ ਦੇ ਸਹਾਰੇ ਆਪਣੇ ਪਰਿਵਾਰਾ ਦਾ ਪਾਲਣ ਪੌਸ਼ਣ ਕਰਦੇ ਆ ਰਹੇ ਸਨ । ਉਹਨਾ ਦੱਸਿਆ ਕਿ ਇੱਕ ਆਤਮ ਨਿਰਭਰ ਸੁਸਾਇਟੀਆਂ ਅਧੀਨ ਬਹੁਤ ਹੀ ਵਧੀਆ ਤਰੀਕੇ ਨਾਲ ਉਹ ਕੰਮ ਕਰ ਰਹੇ ਸਨ।ਇਹਨਾਂ ਸੈਂਟਰਾਂ ਵਿੱਚ ਕੰਮ ਕਰਦੇ ਕਰਮਚਾਰੀਆ ਦੀਆਂ ਤਨਖਾਹਾ ਅਤੇ ਲੋੜੀਦੇ ਖਰਚੇ ਕੱਢਣ ਤੋਂ ਬਾਅਦ ਪ੍ਰਾਪਤ ਆਮਦਨ ਨੂੰ ਸਰਕਾਰ ਪਾਸ ਜਮ੍ਹਾਂ ਕਰਾਇਆ ਜਾਂਦਾ ਸੀ , ਮਗਰ ਬੜੇ ਦੁੱਖ ਨਾਲ ਕਹਿਣਾ ਪੈ ਰਿਹਾ ਹੈ ਕਿ 10/12 ਸਾਲ ਆਪਣੀਆ ਸੇਵਾਵਾਂ ਨਿਭਾਉਣ ਵਾਲੇ ਇਹ ਮੁਲਾਜਮ ਜਿਹੜੇ ਕਿ ਪੰਜਾਬ ਸਰਕਾਰ ਦੇ ਕਮਾਊ ਪੁੱਤ ਵੀ ਸਨ ਨੂੰ

ਆਪਣੇ ਨਿੱਜੀ ਲਾਭਾ ਲਈ ਸਾਲ 2016 ਦੌਰਾਨ ਅਕਾਲੀ ਭਾਜਪਾ ਸਰਕਾਰ ਨੇ ਆਪਣੇ ਕਾਰਜਕਾਲ ਦੌਰਾਨ ਸੁਵਿਧਾ ਸੈਂਟਰਾਂ ਨੂੰ ਬੰਦ ਕਰਕੇ ਉਨ੍ਹਾਂ ਨੂੰ ਕਿਸੇ ਹੋਰ ਜਗ੍ਹਾਂ ਨੌਕਰੀ ਦੇਣ ਦੀ ਵਜਾਏ ਬੇਰੁਜਗਾਰੀ ਦੀ ਭੱਠੀ ਵਿੱਚ ਸੁੱਟ ਦਿੱਤਾ ਗਿਆ।
ਉਹਨਾਂ ਆਖਿਆ ਕਿ ਆਮ ਆਦਮੀ ਪਾਰਟੀ ਦੇ ਭਗਵੰਤ ਸਿੰਘ ਮਾਨ ਸਮੇਤ ਵਿਧਾਇਕਾ ਵਲੋਂ ਵੋਟਾ ਤੋਂ ਪਹਿਲਾਂ ਉਹਨਾ ਦੇ ਹੱਕ ਵਿੱਚ “ ਹਾਅ ਦਾ ਨਾਅਰਾ ਮਾਰਿਆ “ ਅਤੇ ਆਪ ਦੀ ਸਰਕਾਰ ਬਣਨ ਤੇ ਸੁਵਿਧਾ
ਸੈਂਟਰ ਦੇ ਅਕਾਲੀ -ਭਾਜਪਾ ਸਰਕਾਰ ਵਲੋਂ ਬੇਰੁਜਗਾਰ ਕੀਤੇ ਮੁਲਾਜਮਾ ਦੀ ਬਾਹ ਫੜਨ ਦਾ ਵਾਅਦਾ ਕੀਤਾ ਸੀ । ਉਹਨਾ ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੂੰ ਆਪਣੇ ਮੰਗ ਪੱਤਰ ਵਿੱਚ ਅਪੀਲ ਕੀਤੀ ਕਿ ਉਹ ਪੰਜਾਬ ਵਿੱਚੋ ਬੇਰੁਜਗਾਰੀ ਨੂੰ ਖਤਮ ਕਰਨ ਲਈ ਵਚਨਵੱਧ ਹਨ ਜਿਸ ਲਈ ਉਹਨਾ ਨੂੰ ਪਹਿਲ ਦੇ ਆਧਾਰ ਤੇ ਕਿਸੀ ਵੀ ਵਿਭਾਗ ਵਿੱਚ ਨੌਕਰੀਆ ਦਿੱਤੀਆ ਜਾਣ ਤਾਂ ਜੋ ਉਹ ਆਪਣੇ ਪਰਿਵਾਰਾ ਦਾ ਗੁਜਾਰਾ ਚਲਾ ਸਕਣ । ਇਸ ਮੌਕੇ ਪ੍ਰੇਮ ਕੁਮਾਰ, ਸੁਖਵਿੰਦਰ ਕੌਰ, ਮਨਜੀਤ ਸਿੰਘ, ਯੋਗੇਸ਼ ਕੁਮਾਰ ਆਦਿ ਵੀ ਮੌਜੂਦ ਸਨ ।

ਫੋਟੋ : ਵਿਧਾਨ ਸਭਾ ਹਲਕਾ ਬਲਾਚੌਰ ਦੀ ਵਿਧਾਇਕਾ ਸੰਤੋਸ਼ ਕਟਾਰੀਆ ਨੂੰ ਮੰਗ ਪੱਤਰ ਦਿੰਦੇ ਹੋਏ ਸੁਵਿਧਾ ਸੈਂਟਰਾ ਦੇ ਅਕਾਲੀ ਸਰਕਾਰ ਵਲੋਂ ਕੱਢੇ ਮੁਲਾਜਮ ।