ਦਸੂਹਾ (ਚੌਧਰੀ)
6 ਜੂਨ : ਸੀਨੀਅਰ ਸਿਟੀਜ਼ਨਜ਼ ਵੈਲਫੇਅਰ ਐਸੋਸੀਏਸ਼ਨ ਰਜਿ. ਦਸੂਹਾ ਹਿਮਾਚਲ ਪ੍ਰਦੇਸ਼ ਦੇ ਟੂਰ ਅਤੇ ਮਾਤਾ ਚਿੰਤਪੁਰਨੀ ਦੇ ਦਰਸ਼ਨਾਂ ਲਈ ਬੀਤੇ ਦਿਨੀਂ ਦਸੂਹਾ ਤੋਂ ਰਵਾਨਾ ਹੋਇਆ। ਇਹ ਟੂਰ ਜਿਵੇਂ ਕਿ ਸੀਨੀਅਰ ਸਿਟੀਜ਼ਨਜ਼ ਐਸੋਸੀਏਸ਼ਨ ਦੇ ਸਕੱਤਰ ਜਰਨਲ ਚੌਧਰੀ ਕੁਮਾਰ ਸੈਣੀ ਵੱਲੋਂ ਆਯੋਜਿਤ ਕੀਤਾ ਗਿਆ ਸੀ ਅਤੇ ਐਮ.ਆਰ.ਸੀ ਗਰੁੱਪ ਦੇ ਸਹਿਯੋਗ ਨਾਲ ਮਾਤਾ ਚਿੰਤਪੁਰਨੀ ਦੇ ਵੀ.ਆਈ.ਪੀ ਦਰਸ਼ਨਾਂ ਦੀ ਵਿਵਸਥਾ ਕੀਤੀ ਗਈ ਸੀ। ਮਾਤਾ ਚਿੰਤਪੁਰਨੀ ਵਿਖੇ ਐਮ.ਆਰ.ਸੀ ਗਰੁੱਪ ਦੇ ਗੁਲਸ਼ਨ ਕੁਮਾਰ ਮੈਨੇਜਰ ਚਿੰਤਪੁਰਨੀ ਵੱਲੋਂ ਦਰਸ਼ਨਾਂ ਦੀ ਵਿਵਸਥਾ ਦੇ ਨਾਲ ਨਾਲ ਨਾਸ਼ਤੇ ਦਾ ਵੀ ਪ੍ਰਬੰਧ ਕੀਤਾ ਗਿਆ ਸੀ। ਦਰਸ਼ਨਾਂ ਤੋਂ ਬਾਅਦ ਬੰਬੇ ਪਿਕਨਿਕ ਸਪੋਟ ਦਾ ਆਨੰਦ ਮਾਣਦੇ ਹੋਏ ਇਹ ਸੀਨੀਅਰ ਸਿਟੀਜ਼ਨਜ਼ ਦਾ ਗਰੁੱਪ ਬੱਸ ਸਟੈਂਡ ਊਨਾ ਵਿਖੇ ਰਵਾਨਾ ਹੋ ਗਿਆ, ਜਿੱਥੇ ਕਿ ਮੁਕੇਸ਼ ਰੰਜਨ ਐਮ.ਡੀ ਐਮ.ਆਰ.ਸੀ ਗਰੁੱਪ ਨੇ ਊਨਾ ਵਿਖੇ ਸਵਾਗਤ ਕੀਤਾ ਅਤੇ ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਸਾਰੇ ਮੈਂਬਰਾਂ ਨੂੰ ‘ਦਿ ਕੇਰਲਾ ਸਟੋਰੀ’ ਉਹਨਾਂ ਵੱਲੋਂ ਬਣਾਏ ਗਏ ਮਲਟੀਪਲੈਕਸ ਵਿੱਚ ਦਿਖਾਈ ਗਈ। ਇਸ ਮੌਕੇ ਤੇ ਪ੍ਰਵੇਸ਼ ਸ਼ਰਮਾ ਜਰਨਲ ਮੈਨੇਜਰ ਐਮ.ਆਰ.ਸੀ ਗਰੁੱਪ ਦਾ ਵੀ ਇਹ ਸਾਰੀ ਵਿਵਸਥਾ ਕਰਨ ਤੇ ਧੰਨਵਾਦ ਕੀਤਾ ਗਿਆ। ਇਸ ਸੀਨੀਅਰ ਸਿਟੀਜ਼ਨਜ਼ ਦੇ ਗਰੁੱਪ ਵਿੱਚ ਹੋਰਨਾਂ ਤੋਂ ਇਲਾਵਾ ਕਰਨਲ ਜੋਗਿੰਦਰ ਲਾਲ ਸ਼ਰਮਾ, ਰਿਟਾਇਰਡ ਪ੍ਰਿੰਸੀਪਲ ਸਤੀਸ਼ ਕਾਲੀਆ, ਜਗਮੋਹਨ ਸ਼ਰਮਾ, ਵਿਨੋਦ ਕੁਮਾਰ ਹੰਸ, ਉਦਯੋਗਪਤੀ ਬੀ.ਡੀ ਰੱਲ੍ਹਣ, ਸੁਰਿੰਦਰ ਨਾਥ, ਡਾ. ਦਿਲਬਾਗ ਸਿੰਘ ਹੁੰਦਲ, ਰਿਟਾਇਰਡ ਹੈਡਮਾਸਟਰ ਰਣਬੀਰ ਚੰਦ, ਪ੍ਰੇਮ ਕੁਮਾਰ ਮਨਕੋਟੀਆ ਅਤੇ ਮਾਸਟਰ ਰਮੇਸ਼ ਸ਼ਰਮਾ ਆਦਿ ਸ਼ਾਮਲ ਸਨ।
ਕੈਪਸ਼ਨ : ਯਾਤਰਾ ਦੌਰਾਨ ਸੀਨੀਅਰ ਸਿਟੀਜ਼ਨਜ਼ ਐਸੋਸੀਏਸ਼ਨ ਦੇ ਮੈਂਬਰ।
