ਗੜ੍ਹਦੀਵਾਲਾ 30 ਨਵੰਬਰ (ਚੌਧਰੀ / ਯੋਗੇਸ਼ ਗੁਪਤਾ) 

: ਬੀਤੀ ਰਾਤ ਗੜ੍ਹਦੀਵਾਲਾ ਦਸੂਹਾ ਰੋੜ ਤੇ  ਨੇੜੇ ਚੁੰਗੀ ਗੜ੍ਹਦੀਵਾਲਾ ਵਿਖੇ ਇੱਕ ਕਾਰ ਸੜਕ ਕਿਨਾਰੇ ਖੜੇ ਟਰੱਕ ਦੇ ਪਿੱਛੇ ਟਕਰਾ ਗਈ। ਜਿਸ ਵਿਚ ਕਾਰ ਸਵਾਰ ਨੌਜਵਾਨ ਜਖਮੀ ਹੋ ਗਿਆ। ਇਹ ਹਾਦਸਾ ਰਾਤ 8.45 ਦੇ ਕਰੀਬ ਵਾਪਰਿਆ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੜਕ ਸੁਰੱਖਿਆ ਫੋਰਸ ਦੇ ਇੰਚਾਰਜ ਏ ਐਸ ਆਈ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਰਾਤ 8.48 ਤੇ 1 12 ਨੰਬਰ ਤੋ ਕਾਲ ਆਈ ਕਿ ਗੜ੍ਹਦੀਵਾਲਾ ਚੁੰਗੀ ਨੇੜੇ ਇੱਕ ਸੜਕ ਹਾਦਸਾ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਮੈਂ  ਆਪਣੀ ਟੀਮ ਕਾਂਸਟੇਬਲ ਮਨਪ੍ਰੀਤ ਸਿੰਘ, ਕਾਂਸਟੇਬਲ ਅਰਸ਼ਦੀਪ ਸਿੰਘ ਤੇ ਕਾਂਸਟੇਬਲ ਸ਼ਿਵ ਕੁਮਾਰ 8.56 ਤੇ ਘਟਨਾ ਵਾਲੀ ਥਾਂ ਤੇ ਪਹੁੰਚ ਗਏ। ਤਾਂ ਦੇਖਿਆ ਕਿ ਇੱਕ ਕਾਰ ਨੰਬਰ PB08CN0781ਜੋ ਖੜ੍ਹੇ ਟਰੱਕ ਨੰਬਰ PB07AC7474 ਦੇ ਪਿੱਛੇ ਟਕਰਾਈ ਹੋਈ ਸੀ। ਇਸ ਘਟਨਾ ਵਿਚ ਇੱਕ ਨੌਜਵਾਨ ਜਖਮੀ ਹੋਇਆ ਸੀ। ਜਖਮੀ ਨੌਜਵਾਨ ਦੀ ਪਛਾਣ ਕਪਿਲ ਦੇਵ ਵਾਸੀ ਗਗਰੇਟ ਹਿਮਾਚਲ ਪ੍ਰਦੇਸ਼ ਵਲੋਂ ਹੋਈ। ਜਿਸ ਨੂੰ ਸਥਾਨਕ ਲੋਕਾਂ ਦੀ ਸਹਾਇਤਾ ਨਾਲ ਨਿਜੀ ਹਸਪਤਾਲ ਗੜ੍ਹਦੀਵਾਲਾ ਵਿਖੇ ਲੈ ਜਾਇਆ ਗਿਆ। ਸੜਕ ਸੁਰੱਖਿਆ ਫੋਰਸ ਵਲੋਂ ਮੌਕੈ ਟਰੈਕਟਰ ਮੰਗਵਾ ਕੇ ਦੁਰਘਟਨਾ ਗ੍ਰਸਤ ਹੋਏ ਵਾਹਨਾਂ ਨੂੰ ਰੋਡ ਤੋਂ ਹਟਾਇਆ ਗਿਆ ਅਤੇ ਸੁਰਖਿਆ ਲਈ ਵਾਹਨਾਂ ਤੇ ਰਿਫਲੈਕਟਰ ਟੇਪਾਂ ਲਗਾਈਆਂ ਗਈਆਂ ਅਤੇ ਟਰੈਫਿਕ ਨੂੰ ਸੁਚਾਰੂ ਢੰਗ ਨਾਲ ਬਹਾਲ ਕਰਵਾਇਆ ਗਿਆ।