ਗੜ੍ਹਦੀਵਾਲਾ 28 ਜਨਵਰੀ (ਚੌਧਰੀ) : ਜਿਲ੍ਹਾ ਚੋਣਕਾਰ ਅਫ਼ਸਰ ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ,ਗੁਰਸ਼ਰਨ ਸਿੰਘ ਜਿਲ੍ਹਾ ਸਿੱਖਿਆ ਅਫ਼ਸਰ ਹੁਸ਼ਿਆਰਪੁਰ, ਸ਼ੈਲੇੰਦਰ ਠਾਕੁਰ ਜਿਲ੍ਹਾ ਸਵੀਪ ਨੋਡਲ ਅਫ਼ਸਰ ਦੀ ਯੋਗ ਅਗਵਾਈ ਹੇਠ ਘੱਟ ਗਿਣਤੀ ਵੋਟਾਂ ਪਾਉਣ ਵਾਲੇ ਬੂਥਾਂ ਦੇ ਵੋਟਰਾਂ ਨੂੰ ਚੌਣ ਬੂਥ ਸਾਖ਼ਰਤਾ ਮੁਹਿੰਮ ਅਧੀਨ ਵੋਟਾਂ ਪਾਉਣ ਲਈ ਜਾਗਰੂਕ ਕਰਨ ਲਈ ਨੁੱਕੜ ਨਾਟਕ ਕਰਵਾਇਆ ਗਿਆ।ਇਸ ਸੰਬਧੀ ਜਾਣਕਾਰੀ ਦਿੰਦੇ ਹੋਏ ਡਾ ਕੁਲਦੀਪ ਸਿੰਘ ਮਨਹਾਸ, ਸਹਾਇਕ ਸਵੀਪ ਨੋਡਲ ਅਫ਼ਸਰ ਉੜਮੁੜ ਨੇ ਕਿਹਾ ਕਿ ਉੜਮੁੜ 41 ਦੇ ਘੱਟ ਗਿਣਤੀ ਵੋਟਾਂ ਪਾਉਣ ਵਾਲੇ ਬੂਥਾਂ ਦੇ ਵੋਟਰਾਂ ਨੂੰ ਨੁੱਕੜ ਨਾਟਕ ਦੇ ਮਾਧਿਅਮ ਨਾਲ ਪ੍ਰੇਰਿਤ ਕੀਤਾ ਗਿਆ ਤਾਂ ਜੋ ਉਹ ਵੱਧ ਤੋਂ ਵੱਧ ਆਪਣੇ ਵੋਟ ਪਾਉਣ ਦੇ ਹੱਕ ਦਾ ਇਸਤੇਮਾਲ ਕਰਨ। ਅੱਜ ਦੀ ਲੜੀ ਵਿੱਚ ਮਾਛੀਆਂ ਪਿੰਡ ਦੇ ਵੋਟਰਾਂ ਨੂੰ ਆਨ ਲਾਇਨ ਮਾਧਿਅਮ ਨਾਲ ਜ਼ੂਮ ਐਪ ਦੇ ਪਲੇਟਫਾਰਮ ਰਾਹੀਂ ਜੋੜਿਆ ਗਿਆ ਜਿਸ ਦੇ ਨਾਲ ਨਾਲ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਅੰਬਾਲਾ ਜੱਟਾਂ ਅਤੇ ਸਕਰਾਰੀ ਹਾਈ ਸਕੂਲ ਮਿਰਜ਼ਾਪੁਰ ਦੇ ਸਕੂਲੀ ਵਿਦਿਆਰਥੀ ਵੀ ਜੁੜੇ। ਨੁੱਕੜ ਨਾਟਕ ਦੀ ਪ੍ਰ੍ਸਤੁਤੀ ਅੰਕੁਰ ਸ਼ਰਮਾ ਵਲੋਂ ਕੀਤੀ ਗਈ। ਇਸ ਮੌਕੇ ਤੇ ਪ੍ਰੋਫੈਸਰ ਦਕਸ਼ ਸੋਹਲ,ਸਵੀਪ ਨੋਡਲ ਅਫ਼ਸਰ ਉੜਮੁੜ, ਗੁਰਦਿਆਲ ਸਿੰਘ ਸਵੀਪ ਨੋਡਲ ਅਫ਼ਸਰ ਦਸੂਆ, ਹਰਜਿੰਦਰ ਸਿੰਘ ਟੋਨੀ, ਸੁਖਵਿੰਦਰ ਸਿੰਘ ਬੀ ਐਲ ਓ ਸਹਿਬਾਨ ਹਾਜ਼ਿਰ ਸਨ |