ਗੜ੍ਹਦੀਵਾਲਾ (ਚੌਧਰੀ) 

29 ਸਤੰਬਰ : ਅੱਜ ਬਲਾਕ ਟਾਂਡਾ-2 ਅਧੀਨ ਪੈਂਦੇ ਕਲਸਟਰ ਧੁੱਗਾ ਕਲਾਂ ਵਿੱਚ ਸੈਂਟਰ ਪੱਧਰੀ ਖੇਡਾਂ ਖਤਮ ਹੋਣ ਉਪਰੰਤ ਇਨਾਮ ਵੰਡ ਸਮਾਗਮ ਕਰਵਾਇਆ ਗਿਆ। ਇਸ ਵਿੱਚ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਟਾਂਡਾ -2 ਸ੍ਰੀ ਸੁਰਤੀ ਲਾਲ ਜੀ ਉਚੇਚੇ ਤੌਰ ਤੇ ਸ਼ਾਮਿਲ ਹੋਏ । ਉਹਨਾਂ ਦੇ ਨਾਲ ਬਲਾਕ ਸਪੋਰਟਸ ਅਫਸਰ ਮੈਡਮ ਬਲਜਿੰਦਰ ਕੌਰ ਵੀ ਸਨ। ਸੈਂਟਰ ਹੈੱਡ ਟੀਚਰ ਧੁੱਗਾ ਕਲਾਂ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਖੇਡਾਂ ਵਿੱਚ ਸੱਤ ਸਕੂਲਾਂ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ। ਵੱਖ ਵੱਖ ਮੁਕਾਬਲਿਆਂ ਵਿੱਚ ਪੁਜੀਸ਼ਨਾਂ ਹਾਸਲ ਕਰਨ ਵਾਲੇ ਬੱਚਿਆਂ ਨੂੰ ਇਨਾਮ ਦਿੱਤੇ ਗਏ। ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਨੇ ਬੱਚਿਆਂ ਨੂੰ ਹੋਰ ਮਿਹਨਤ ਕਰਨ ਨਸ਼ਿਆਂ ਤੋਂ ਦੂਰ ਰਹਿਣ ਅਤੇ ਚੰਗੇ ਇਨਸਾਨ ਬਣਨ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਹੈਡ ਟੀਚਰ ਵਰਿੰਦਰ ਸਿੰਘ ,ਅਨੀਤਾ ਸੈਣੀ ਅਧਿਆਪਕ ਸੰਜੀਵ ਕੁਮਾਰ, ਪ੍ਰਿੰਸ ਗੜਦੀਵਾਲਾ, ਸੰਗਤ ਸਿੰਘ,ਰਾਜਵਿੰਦਰ ਕੌਰ,ਰਿੰਕੂ ਪਟਿਆਲ,ਅਮਿਤਾ ਸ਼ਰਮਾ,ਅਮਨਦੀਪ ਕੌਰ ਗੜਦੀਵਾਲਾ, ਰਾਜ ਰਾਣੀ, ਅਮਨਦੀਪ ਕੌਰ ਗੋਂਦਪੁਰ ਆਂਗਨਵਾੜੀ ਵਰਕਰ ਕਸ਼ਮੀਰ ਕੌਰ, ਨਰਿੰਦਰ ਕੌਰ ਅਤੇ ਸਿਮਰ ਕੌਰ ਹਾਜ਼ਰ ਸਨ।