ਹੁਸ਼ਿਆਰਪੁਰ( ਬਿਊਰੋ)
ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਫਾਰ ਐਸ.ਸੀਜ਼ 2022-23 ਦਾ ਐਕਟੀਵਿਟੀ ਸ਼ਡਿਊਲ ਜਾਰੀ
–ਵਿੱਦਿਅਕ ਸੰਸਥਾਵਾਂ ਲਈ 15 ਅਕਤੂਬਰ ਤੱਕ, ਸੈਕਸ਼ਨਿੰਗ ਅਥਾਰਟੀ ਲਈ 31 ਅਕਤੂਬਰ ਤੱਕ ਤੇ ਲਾਗੂਕਰਤਾ ਵਿਭਾਗ ਲਈ 10 ਨਵੰਬਰ ਤੱਕ ਖੁੱਲ੍ਹਾ ਰਹੇਗਾ ਪੋਰਟਲ
26 ਅਗਸਤ : ਜ਼ਿਲ੍ਹਾ ਸਮਾਜਿਕ ਨਿਆਂ ਅਤੇ ਅਧਿਕਾਰਤਾ ਅਫ਼ਸਰ ਸ੍ਰੀ ਰਜਿੰਦਰ ਸਿੰਘ ਨੇ ਦੱਸਿਆ ਕਿ ਸਮਾਜਿਕ ਨਿਆ ਤੇ ਅਧਿਕਾਰਤਾ ਤੇ ਘੱਟ ਗਿਣਤੀ ਵਿਭਾਗ ਵਲੋਂ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਫਾਰ ਐਸ.ਸੀਜ਼ ਤਹਿਤ ਐਕਟੀਵਿਟੀ ਸ਼ਡਿਊਲ ਸਾਲ 2022-23 ਪੋਰਟਲ ਦੁਆਰਾ ਖੋਲਿ੍ਹਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਡਾ. ਅੰਬੇਦਕਰ ਸਕਾਲਰਸ਼ਿਪ ਪੋਰਟਲ ਵਿੱਦਿਅਕ ਸੰਸਥਾਵਾਂ ਲਈ 15 ਅਕਤੂਬਰ ਤੱਕ, ਸੈਂਕਸ਼ਨਿੰਗ ਅਥਾਰਟੀ ਲਈ 31 ਅਕਤੂਬਰ ਤੱਕ ਅਤੇ ਲਾਗੂਕਰਤਾ ਵਿਭਾਗ ਲਈ 10 ਨਵੰਬਰ ਤੱਕ ਖੋਲਿ੍ਹਆ ਗਿਆ ਹੈ, ਤਾਂ ਜੋ ਵਿਦਿਆਰਥੀਆਂ ਵਲੋਂ ਵੱਧ ਤੋਂ ਵੱਧ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਲਈ ਅਪਲਾਈ ਕਰਕੇ ਲਾਭ ਪ੍ਰਾਪਤ ਕੀਤਾ ਜਾ ਸਕੇ।
ਜ਼ਿਲ੍ਹਾ ਸਮਾਜਿਕ ਨਿਆਂ ਤੇ ਅਧਿਕਾਰਤਾ ਅਫ਼ਸਰ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਫਾਰ ਐਸ.ਸੀਜ਼ ਤਹਿਤ ਵਿਦਿਆਰਥੀਆਂ ਵਲੋਂ ਫ੍ਰੀਸ਼ਿਪ ਕਾਰਡ ਅਪਲਾਈ ਕਰਨ ਲਈ ਪੋਰਟਲ ਲਗਾਤਾਰ ਖੁੱਲ੍ਹਾ ਰਹੇਗਾ।
