ਗੜਦੀਵਾਲਾ 17 ਜੂਨ (ਪ੍ਰਾਈਮ ਪੰਜਾਬ ਟਾਈਮਜ) 

ਕੰਢੀ ਨੂੰ ਇੰਡਸਟਰੀ ਦੇਣ ਦੀ ਜਗ੍ਹਾ ਲਗਾਏ ਕਰੈਸ਼ਰ ਨਜਾਇਜ਼ ਮਾਈਨਿੰਗ ਦਾ ਜੋਰ : ਮਨਹਾਸ

: ਅੱਜ ਭਾਜਪਾ ਆਗੂ ਸੰਜੀਵ ਮਨਹਾਸ ਨੇ ਕੰਢੀ ਦੇ ਪਿੰਡ ਭੱਟਲਾਂ ਵਿੱਖੇ ਮੁਖਮੰਤਰੀ ਭਗਵੰਤ ਮਾਨ ਦੇ ਆਉਣ ਤੇ ਉਹਨਾਂ ਵਲੋਂ ਕੋਈ ਇਲਾਕੇ ਦੀ ਡਿਵੈਲਪਮੈਂਟ ਦੀ ਗਲ੍ਹ ਨਾਂ ਕਰਨ ਦੀ ਜ਼ੋਰਦਾਰ ਨਿੰਦਾ ਕੀਤੀ। ਸੰਜੀਵ ਮਨਹਾਸ ਨੇ ਕਿਹਾ ਕਿ ਕੰਢੀ ਦੇ ਲੋਕ ਬੜੇ ਉਤਸੁਕਤਾ ਨਾਲ ਮੁਖਮੰਤਰੀ ਦੀ ਉਡੀਕ ਕਰ ਰਹੇ ਸਨ ਕਿ ਅੱਜ ਕੰਢੀ ਦੇ ਵਿਕਾਸ ਲਈ ਕੋਈ ਇੰਡਸਟਰੀ ਦਾ ਐਲਾਨ ਹੋਵੇਗਾ ਜਾ ਇਲਾਕੇ ਵਿੱਚ ਕਾਲਜ ਖੋਲ੍ਹਣ ਦਾ ਐਲਾਨ ਅਤੇ ਨੋਜਵਾਨਾਂ ਨੂੰ ਰੋਜ਼ਗਾਰ ਦੇਣ ਦਾ ਐਲਾਨ ਹੋਵੇਗਾ ਪਰ ਦੁੱਖ ਦੀ ਗੱਲ ਹੈ ਕਿ ਮੁਖਮੰਤਰੀ ਨੇ ਚੁਟਕਲੇ ਸੁਣਾ ਕੇ ਲੋਕਾਂ ਦਾ ਢਿੱਡ ਭਰਿਆ। ਮਨਹਾਸ ਨੇ ਆਪ ਪਾਰਟੀ ਦੀ ਅਲੋਚਨਾ ਕਰਦੇ ਹੋਏ ਕਿਹਾ ਕਿ ਆਪ ਪਾਰਟੀ ਵਲੋਂ ਕੰਢੀ ਖੇਤਰ ਵਿੱਚ ਗੈਰ ਕਾਨੂੰਨੀ ਕਰੈਸ਼ਰ ਲਗਾਉਣ ਦੀ ਸੌਗਾਤ ਦਿੱਤੀ ਹੈ। ਜਿਸ ਨਾਲ਼ ਸਾਡੇ ਇਲਾਕੇ ਦਾ ਬਹੁਤ ਵਡਾ ਨੁਕਸਾਨ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਹਾਲਾਤ ਇਹਨੇ ਮਾੜੇ ਹਨ ਲੁੱਟਾਂ ਖੋਹਾ ਗੈਂਗਸਟਰ ਨਿੱਤ ਕਤਲ਼ ਆਮ ਹੋ ਰਹੇ ਹਨ। ਨਸ਼ਾ ਸ਼ਰੇਆਮ ਵਿਕ ਰਿਹਾ। ਪਰ ਸਰਕਾਰ ਚਲਾਉਣ ਵਾਲੇ ਲੋਕ ਆਮ ਲੋਕਾਂ ਨੂੰ ਚੁਟਕਲੇ ਸੁਣਾ ਕੇ ਵੋਟਾਂ ਲੈਣ ਦੀ ਗੱਲ ਕਰ ਰਹੇ ਹਨ।