ਗੜਦੀਵਾਲਾ (ਚੌਧਰੀ) 

11 ਅਕਤੂਬਰ :  ਮੋਦੀ ਤੋਂ ਮਨਰੇਗਾ ਬਚਾਓ ਤਹਿਤ ਮਨਰੇਗਾ ਵਰਕਰਾਂ ਨੇ ਬਲਾਕ ਭੂੰਗਾ ਵਿਖੇ ਇਕੱਠੇ ਹੋ ਕੇ ਧਰਨਾ ਦਿੱਤਾ। ਧਰਨੇ ਚ ਬੋਲਦਿਆਂ ਜ਼ਿਲਾ ਸਕੱਤਰ ਹਰਬੰਸ ਸਿੰਘ ਧੂਤ ਅਤੇ ਤਹਿਸੀਲ ਸਕੱਤਰ ਰਣਜੀਤ ਸਿੰਘ ਚੌਹਾਨ ਨੇ ਬੋਲਦਿਆਂ ਕਿਹਾ ਕਿ ਮਨਰੇਗਾ ਕਾਨੂੰਨ ਖੱਬੇ ਪੱਖੀਆਂ ਦੇ ਦਬਾਉ ਕਾਰਨ ਹੋਂਦ ਵਿੱਚ ਆਇਆ ਸੀ ਪਰ ਅੱਜ ਭਾਜਪਾ ਸਰਕਾਰ ਇਸ ਨੂੰ ਖਤਮ ਕਰਨ ਵੱਲ ਤੁਲੀ ਹੋਈ ਹੈ। ਉਹਨਾਂ ਬੋਲਦਿਆਂ ਕਿਹਾ ਕਿ ਇਸ ਕਿ ਮਨਰੇਗਾ ਮਜ਼ਦੂਰ ਨੂੰ ਸਾਰਾ ਸਾਲ ਕੰਮ ਅਤੇ 600 ਰੁਪਏ ਦਿਹਾੜੀ ਦਿੱਤੀ ਜਾਵੇ। ਮਨਰੇਗਾ ਤੇ ਨਗਰਾਨੀ ਲਈ ਜਿਹੜੇ ਐਪ ਦੀ ਵਰਤੋਂ ਕੀਤੀ ਹੈ, ਉਹਨੂੰ ਤੁਰੰਤ ਬੰਦ ਕੀਤਾ ਜਾਵੇ । ਉਹਨਾਂ ਕਿਹਾ ਕਿ ਮਨਰੇਗਾ ਮਜ਼ਦੂਰਾਂ ਦੇ ਬਹੁਤ ਸਾਰੇ ਕਾਰਡ ਰੱਦ ਕੀਤੇ ਗਏ ਹਨ ਉਹਨਾਂ ਨੂੰ ਬਹਾਲ ਕੀਤਾ ਜਾਵੇ ਤੇ ਬਣਦਾ ਫੰਡ ਬਜਟ ਵਿੱਚ ਪਾਇਆ ਜਾਵੇ। ਉਹਨਾਂ ਕਿਹਾ ਕਿ ਬੇਘਰੇ ਮਜ਼ਦੂਰਾਂ ਨੂੰ 10- 10 ਮਰਲੇ ਦੇ ਪਲਾਟ ਤੇ ਪੰਜ ਲੱਖ ਦੀ ਗਰਾਂਟ ਮਕਾਨ ਬਣਾਉਣ ਲਈ ਦਿੱਤੀ ਜਾਵੇ ।ਪਿੰਡਾਂ ਵਿੱਚ ਸਸਤੇ ਭਾਅ ਤੇ ਡੀਪੂ ਖੋਲੇ ਜਾਣ ਤੇ 14 ਰਸੋਈ ਵਿੱਚ ਵਰਤੋਂ ਆਉਣ ਵਾਲੀਆਂ ਚੀਜ਼ਾਂ ਗਰੀਬਾਂ ਪਰਿਵਾਰਾਂ ਨੂੰ ਸਸਤੇ ਭਾਅ ਤੇ ਦਿੱਤੀਆਂ ਜਾਣ। ਸਰਕਾਰੀ ਜਮੀਨ ਦਾ ਬੋਲੀ ਵੇਲੇ ਤੀਜਾ ਹਿੱਸਾ ਐਸੀ ਐਸ ਟੀ ਨੂੰ ਦਿੱਤਾ ਜਾਵੇ। ਰਿਜਰਵੇਸ਼ਨ ਅਧੀਨ ਬੈਕ ਪ੍ਰਾਈਵੇਟ ਅਦਾਰਿਆਂ ਵਿੱਚ ਲਾਗੂ ਕੀਤਾ ਜਾਵੇ। ਅੱਜ ਦੇ ਇਸ ਧਰਨੇ ਵਿੱਚ ਜੋਗਿੰਦਰ ਸਿੰਘ, ਦੇਸਰਾਜ , ਹਰਪ੍ਰੀਤ ਸਿੰਘ, ਤਰਲੋਚਨ ਸਿੰਘ, ਅਵਤਾਰ ਸਿੰਘ,ਮਲਕੀਤ ਸਿੰਘ, ਕਰਮ ਸਿੰਘ, ਸਤਨਾਮ ਸਿੰਘ, ਬਿਮਲਾ ਦੇਵੀ, ਮੋਹਣੀ ,ਮੀਨਾ, ਟਹਿਲ ਸਿੰਘ ,ਪਰਮਿੰਦਰ ਕੌਰ ,ਕੁਲਦੀਪ ਕੌਰ ,ਤਰਸੇਮ ਕੌਰ ਗੁਰਮੀਤ ਕੌਰ, ਕਮਲੇਸ਼ ਕੌਰ, ਕਮਲੇਸ਼ ਕੌਰ ਧੂਤ, ਤਾਰਾ ਦੇਵੀ, ਹਜ਼ਾਰਾਂ ਰਾਮ ਆਦਿ ਭਾਰੀ ਗਿਣਤੀ ਵਿੱਚ ਮਜ਼ਦੂਰ ਹਾਜ਼ਰ ਸਨ।