ਫਗਵਾੜਾ (ਲਾਲੀ ਦਾਦਰ)

*ਛੋਟੇ ਬੱਚਿਆਂ ਨੂੰ ਲਗਾੲਈ ਵੈਕਸੀਨ

25 ਜਨਵਰੀ -ਸਿਵਲ ਸਰਜਨ ਡਾ. ਗੁਰਿੰਦਰਵੀਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਸੀਨੀਅਰ ਮੈਡੀਕਲ ਅਫਸਰ ਡਾ. ਲੈਂਬਰ ਰਾਮ ਦੀ ਯੋਗ ਅਗਵਾਈ ਹੇਠ ਸੀਰੀ ਗੁਰਦੁਆਰਾ ਸਾਹਿਬ ਸਰਬ ਸੰਗਤ ਮੁਹੱਲਾ ਸਤਨਾਮਪੁਰਾ(ਫਗਵਾੜਾ) ਵਿਖੇ ਮਮਤਾ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਏ. ਐਨ. ਐਮ. ਮੈਡਮ ਦਲਵੀਰ ਕੌਰ ਨੇ ਵਧੇਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਰ ਬੁੱਧਵਾਰ ਨੂੰ ਗਰਭਵਤੀ ਔਰਤਾਂ ਅਤੇ ਨਵ ਜਨਮੇ ਛੋਟੇ ਬੱਚਿਆਂ ਨੂੰ ਵੈਕਸੀਨੇਸਨ ਕੈਂਪ ਲਗਾ ਕੇ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ ।ਉਨ੍ਹਾ ਦੱਸਿਆ ਕਿ ਮਮਤਾ ਦਿਵਸ ‘ ਤੇ ਗਰਭਵਤੀ ਔਰਤਾਂ ਨੂੰ ਜਿੱਥੇ ਟੈਟਨਸ ਤੋਂ ਬਚਾਅ ਦੇ ਟੀਕੇ ਲਗਾਏ ਜਾਂਦੇ ਹਨ , ਉੱਥੇ ਹੀ ਉਸ ਦਾ ਭਾਰ , ਬਲੱਡ ਪ੍ਰੈਸ਼ਰ ਦੀ ਜਾਂਚ ਅਤੇ ਹੋਰ ਮੈਡੀਕਲ ਚੈੱਕਅਪ ਵੀ ਕੀਤੇ ਜਾਂਦੇ ਹਨ ਤਾਂ ਜੋ ਗਰਭਵਤੀ ਮਾਂ ਖੁਦ ਤੰਦਰੁਸਤ ਰਹਿ ਕੇ ਇੱਕ ਤੰਦਰੁਸਤ ਬੱਚੇ ਨੂੰ ਜਨਮ ਦੇ ਸਕੇ।ਉਨ੍ਹਾਂ ਕਿਹਾ ਕਿ ਗਰਭ ਅਵਸਥਾ ਦੌਰਾਨ ਘੱਟ ਤੋਂ ਘੱਟ 4 ਚੈੱਕਅੱਪ ਜ਼ਰੂਰ ਕਰਵਾੳੁਣੇ ਚਾਹੀਦੇ ਹਨ,ਜਿਹਨਾਂ ਵਿੱਚ ਏ. ਐੱਨ. ਸੀ. ਚੈੱਕਅੱਪ ਗਰਭਵਤੀ ਔਰਤ ਅਤੇ ਬੱਚੇ ਲਈ ਬਹੁਤ ਜ਼ਰੂਰੀ ਹੈ। ਇਸ ਮੌਕੇ ਆਸ਼ਾ ਵਰਕਰ ਆਸ਼ਾ ਸ਼ਰਮਾ , ਗੁਰਜੀਤ ਕੌਰ , ਹਰਦੀਪ ਕੌਰ ਅਤੇ ਗਰਭਵਤੀ ਔਰਤਾਂ ਤੋਂ ੲਿਲਾਵਾ ਬੱਚੇ ਵੀ ਮੌਜੂਦ ਸਨ।