ਸੁਪਨੇ ਵਿੱਚ ਘਰ ਦੀ ਛੱਤ ਤੇ ਘੁੰਮਦੇ ਵਿਅਕਤੀ ਦੀ ਥੱਲੇ ਡਿੱਗਣ ਨਾਲ ਮੌਤ

ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) ਬਲਾਚੌਰ ਦੇ ਪਿੰਡ ਬਾਗੋਵਾਲ ਚ ਇੱਕ ਵਿਅਕਤੀ ਅੱਧੀ ਰਾਤ ਨੂੰ ਘਰ ਦੀ ਛੱਤ ਤੋਂ ਹੇਠਾਂ ਗਿਰ ਗਿਆ ਅਤੇ ਗੰਭੀਰ ਜਖਮੀ ਹਾਲਤ ਵਿੱਚ ਉਸ ਨੂੰ ਰੂਪਨਗਰ ਹਸਪਤਾਲ ਲਿਜਾਇਆ ਗਿਆ ਜਿਥੋਂ ਉਸ ਨੂੰ ਚੰਡੀਗੜ੍ਹ ਰੈਫਰ ਕੀਤਾ ਗਿਆ ਜਿਥੇ ਉਸ ਦੀ ਮੌਤ ਹੋ ਗਈ। ਗੁਜਰ ਬਰਾਦਰੀ ਦੇ ਨਾਮਵਰ ਸਖਸੀਅਤ ਚੌਧਰੀ ਵਕੀਲ ਚੰਦ ਬਜਾੜ ਰੋਜਾਨਾ ਦੀ ਤਰ੍ਹਾਂ ਪਰਿਵਾਰ ਨਾਲ ਆਪਣੇ ਘਰ ਦੀ ਛੱਤ ਤੇ ਸੌ ਰਿਹਾ ਸੀ ਅਤੇ ਰਾਤ ਨੂੰ ਸੁੱਤੇ ਪਏ ਨੂੰ ਸੁਪਨਾ ਆਇਆ ਅਤੇ ਉਹ ਸੁਪਨੇ ਚ ਹੀ ਉਠਕੇ ਛੱਤ ਤੇ ਘੁੰਮਣ ਲਗਿਆ ਅਤੇ ਛੱਤ ਹੇਠਾਂ ਗਿਰ ਗਿਆ ਅਤੇ ਬੇਹੋਸ਼ ਹੋ ਗਿਆ। ਉਹਨਾਂ ਦੇ ਪੁੱਤਰ ਬਲਰਾਮ ਨੇ ਦਸਿਆ ਕਿ ਅਸੀਂ ਉਸੀ ਸਮੇਂ ਉਹਨਾਂ ਨੂੰ ਰੂਪਨਗਰ ਹਸਪਤਾਲ ਲੈ ਗਏ ਜਿਥੇ ਉਹਨਾਂ ਦੀ ਹਾਲਤ ਗੰਭੀਰ ਹੋਣ ਕਰਕੇ ਚੰਡੀਗੜ੍ਹ 32 ਸੈਕਟਰ ਭੇਜਿਆ ਗਿਆ ਜਿਥੇ ਉਹਨਾਂ ਦੀ ਮੌਤ ਹੋ ਗਈ। ਵਕੀਲ ਚੰਦ ਬਜਾੜ ਨੂੰ ਬਾਗੋਵਾਲ ਦੇ ਸਮਸਾਨ ਘਾਟ ਵਿਖੇ ਅਤਿੰਮ ਵਿਦਾਈ ਦਿੱਤੀ ਗਈ।