ਗੜ੍ਹਦੀਵਾਲਾ (ਚੌਧਰੀ) 

01 ਜੂਨ : ਗੜ੍ਹਦੀਵਾਲਾ ਨਗਰ ਕੋਂਸਲ ਦੇ ਠੇਕੇਦਾਰੀ ਸਿਸਟਮ ਅਧੀਨ ਕੰਮ ਕਰਦੇ ਸਫਾਈ ਕਰਮਚਾਰੀਆਂ ਦੀ ਮੀਟਿੰਗ ਪ੍ਰਧਾਨ ਬੀਰਬਲ ਕਲਿਆਣ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿੱਚ ਸਰਕਾਰ ਵਿੱਚ ਮੰਗ ਕੀਤੀ ਗਈ ਕਿ ਠੇਕੇਦਾਰੀ ਸਿਸਟਮ ਅਧੀਨ ਕੰਮ ਕਰਦੇ ਕਰਮਚਾਰੀਆਂ ਨੂੰ ਪੱਕੇ ਕੀਤਾ ਜਾਵੇ ਕਿਉਂਕਿ ਇਹਨਾਂ ਸਾਰੇ ਕਰਮਚਾਰੀਆਂ ਨੇ ਕਰੋਨਾਕਾਲ ਵਿੱਚ ਵੀ ਤਨਦੇਹੀ ਨਾਲ ਕੰਮ ਕੀਤਾ ਹੈ। ਆਪਣੀ ਜਾਨ ਜੋਖਮ ਵਿੱਚ ਪਾ ਕੇ ਸੇਵਾ ਕੀਤੀ, ਕਈ ਕਰਮਚਾਰੀ ਕਰੋਨਾ ਨਾਲ ਪੀੜ੍ਹਤ ਵੀ ਹੋਵੇ। ਉਹਨਾਂ ਨੇ ਕਿਹਾ ਕਿ ਸਾਲ 2011 ਦੇ ਸਮੇਂ ਦੀ ਸਰਕਾਰ ਦੀ ਤਰ੍ਹਾਂ ਸੇਵਾਕਾਲ ਦੀ ਉਮਰ 47 ਸਾਲ ਤੱਕ ਕੀਤੀ ਜਾਵੇ। ਹੁਣ ਸੇਵਾ ਕਾਲ ਦੀ ਉਮਰ 42 ਸਾਲ ਕਰ ਦਿੱਤੀ ਹੋਈ ਹੈ, ਸੇਵਾਕਾਲ ਦੀ ਉਮਰ 42 ਤੋਂ ਮੁੜ 47 ਸਾਲ ਕੀਤੀ ਜਾਵੇ। ਇਸ ਮੌਕੇ ਪ੍ਰਧਾਨ ਬੀਰਬਲ ਕਲਿਆਣ, ਸੇਠ ਰਾਮ, ਸ਼ੀਲਾ ਦੇਵੀ, ਨੀਲਮ ਰਾਣੀ, ਜੋਗਿੰਦਰ ਪਾਲ, ਗੌਰਵ ਮਟਿੰਗ ਵਿੱਚ ਸ਼ਾਮਿਲ ਸਨ।