ਗੜ੍ਹਦੀਵਾਲਾ : (ਚੌਧਰੀ / ਯੋਗੇਸ਼ ਗੁਪਤਾ/ ਪ੍ਰਦੀਪ ਕੁਮਾਰ ) 

: ਅੱਜ ਦੁਪਹਿਰ ਦਸੂਹਾ ਗੜ੍ਹਦੀਵਾਲਾ ਰੋੜ ਤੇ ਅਰਗੋਵਾਲ ਪੈਟਰੋਲ ਦੇ ਨਜਦੀਕ ਵਾਪਰੇ ਦਰਦਨਾਕ ਸੜਕ ਹਾਦਸੇ ਵਿਚ ਦਾਦੇ ਤੇ ਪੋਤੇ ਦੀ ਮੌ+ਤ ਹੋ ਗਈ । ਮਿਲੀ ਜਾਣਕਾਰੀ ਅਨੁਸਾਰ ਕਾਰ ਨੰਬਰ ਪੀ ਬੀ 10 ਜੀ ਐਸ 8988 ਜੋ ਕਿ ਦਸੂਹਾ ਤੋਂ ਹੁਸ਼ਿਆਰਪੁਰ ਵੱਲ ਜਾ ਰਹੀ ਸੀ ਜਦੋਂ ਅਰਗੋਵਾਲ ਪੈਟਰੋਲ ਪੰਪ ਗੜ੍ਹਦੀਵਾਲਾ ਦੇ ਨਜ਼ਦੀਕ ਪੁੱਜੀ ਤਾਂ ਉਸਨੇ ਮੋਟਰਸਾਈਕ ਨੰਬਰ ਪੀ ਬੀ 07 ਬੀ ਐਕਸ 0491 ਨੂੰ ਟੱਕਰ ਮਾਰ ਦਿੱਤੀ।ਮੋਟਰਸਾਈਕਲ ਸਵਾਰ ਦਾਦਾ ਪੋਤਾ ਪੈਟਰੋਲ ਪੰਪ ਤੇ ਤੇਲ ਭਰਵਾਉਣ ਜਾ ਰਹੇ ਸਨ।

(ਘਟਨਾ ਦਾ ਜਾਇਜ਼ਾ ਲੈਂਦੇ ਹੋਏ ਐਸ ਐਚ ਓ ਹਰਦੇਵ ਪ੍ਰੀਤ ਸਿੰਘ ਤੇ ਹੋਰ)

ਦੋਵੇ ਜਖਮੀਆਂ ਨੂੰ ਸਿਵਲ ਹਸਪਤਾਲ ਵਿਖੇ ਲੈ ਜਾਇਆ ਗਿਆ ਜਿਥੇ ਡਾਕਟਰਾਂ ਨੇ ਦੋਵਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।ਮ੍ਰਿ+ਤਕਾਂ ਦੀ ਪਛਾਣ ਰਾਜਿੰਦਰ ਪ੍ਰਸਾਦ (54)ਪੁੱਤਰ ਹੰਸ ਰਾਜ ਤੇ ਲਕਸ਼(6) ਪੁੱਤਰ ਸੰਦੀਪ ਕੁਮਾਰ ਵਾਸੀ ਅਰਗੋਵਾਲ ਵਜੋਂ ਹੋਈ ਹੈ। ਕਾਰ ਡਰਾਈਵਰ ਦੀ ਪਛਾਣ ਸ਼ਤੀਸ਼ ਕੁਮਾਰ ਪੁੱਤਰ ਹਰਭਜਨ ਸਿੰਘ ਵਾਸੀ ਕਰਾੜੀ ਹਾਲ ਵਾਸੀ ਗੁਰੂ ਤੇਗ ਬਹਾਦਰ ਨਗਰ ਲੁਧਿਆਣਾ ਵਜੋਂ ਹੋਈ ਹੈ।ਘਟਨਾ ਤੋਂ ਬਾਅਦ ਕਾਰ ਚਾਲਕ ਕਾਰ ਛੱਡ ਕੇ ਮੌਕੇ ਤੋਂ ਫਰਾਰ ਹੋ ਗਿਆ ਹੈ। ਸੂਚਨਾ ਮਿਲਦੇ ਥਾਣਾ ਗੜਦੀਵਾਲਾ ਪੁਲਿਸ ਨੇ ਦੋਵੇਂ ਲਾਸ਼ਾ ਤੇ ਕਾਰ ਨੂੰ ਕਬਜੇ ਵਿੱਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।