ਵਿਸ਼ਵ ਵਾਤਾਵਰਣ ਦਿਵਸ ਮੌਕੇ ਪੱਤਰਕਾਰ ਭਾਈਚਾਰੇ ਵੱਲੋ ਵੰਡੇ ਗਏ ਫ੍ਰੀ ਬੂਟੇ
ਵਾਤਾਵਰਣ ਦਿਵਸ ਮੌਕੇ ਬਿ੍ਕਸ ਹਿਊਮਨ ਰਾਈਟਸ ਮਿਸ਼ਨ ਪੰਜਾਬ ਅਤੇ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਬੂਟਿਆਂ ਦਾ ਪ੍ਰਸ਼ਾਦ ਵੰਡਿਆ
ਬਲਾਚੌਰ ,5 ਜੂਨ (ਜਤਿੰਦਰ ਪਾਲ ਸਿੰਘ ਕਲੇਰ ) ਵਿਸ਼ਵ ਵਾਤਾਵਰਣ ਦਿਵਸ ਮੌਕੇ ਅਤੇ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਬਲਾਚੌਰ ਦੇ ਪੱਤਰਕਾਰ ਭਾਈਚਾਰੇ,ਬਿ੍ਕਸ ਐਂਡ੍ਰਾਇਡ ਮਿਸ਼ਨ ਪੰਜਾਬ, ਵਣ ਵਿਭਾਗ ਬਲਾਚੌਰ ਤੇ ਪਤਵੰਤੇ ਸੱਜਣਾਂ ਦੇ ਸਹਿਯੋਗ ਨਾਲ ਬੂਟੇ ਵੰਡ ਕੇ ਵਾਤਾਵਰਣ ਦਿਵਸ ਮਨਾਇਆ ਗਿਆ।ਇਸ ਮੌਕੇ ਤੇ ਸੀਨੀਅਰ ਐਡਵੋਕੇਟ ਤਿਲਕ ਰਾਜ ਦੱਤਾ, ਐਡਵੋਕੇਟ ਪਰਵੇਸ਼ ਖੋਸਲਾ, ਰਾਜਿੰਦਰ ਕੌਰ ਖਾਸਾ, ਵਣ ਰੇਂਜ ਵਿਭਾਗ ਦੇ ਬੀ ਓ ਕੁਲਦੀਪ ਚੰਦ, ਕਿਰਪਾਲ ਕੌਰ ਯਾਦਗਾਰੀ ਸਾਹਿਤਕ ਟਰੱਸਟ ਰੂਪਨਗਰ ਦੇ ਪ੍ਰਧਾਨ ਯਤਿੰਦਰ ਕੌਰ ਮਾਹਲ,ਸੀਨੀਅਰ ਪੱਤਰਕਾਰ ਤੇਜ ਪ੍ਰਕਾਸ਼ ਖਾਸਾ, ਸੀਨੀਅਰ ਪੱਤਰਕਾਰ ਦੀਦਾਰ ਸਿੰਘ ਬਲਾਚੌਰੀਆ ਨੇ ਦੱਸਿਆ ਕਿ ਅਜੌਕੇ ਸਮੇਂ ਵਿੱਚ ਸਾਨੂੰ ਸਭ ਨੂੰ ਵੱਧ ਤੋਂ ਵੱਧ ਬੂਟੇ ਲਗਾਉਣੇ ਚਾਹੀਦੇ ਹਨ ਅਤੇ ਇਨ੍ਹਾਂ ਦੀ ਸਹੀ ਦੇਖਭਾਲ ਦੀ ਜਿੰਮੇਵਾਰੀ ਵੀ ਸੰਭਾਲਣੀ ਚਾਹੀਦੀ ਹੈ ਤਾਂ ਜੋ ਅਸੀਂ ਆਪਣਾ ਆਲਾ-ਦੁਆਲਾ ਸਾਫ ਸੁਥਰਾ ਅਤੇ ਸਿਹਤਮੰਦ ਬਣਾ ਸਕੀਏ| ਉਹਨਾਂ ਕਿਹਾ ਕਿ ਬੂਟੇ ਮੱਨੁਖ ਦੇ ਸਭ ਤੋਂ ਚੰਗੇ ਦੋਸਤ ਹਨ ਜੋ ਸਾਨੂੰ ਕਈ ਤਰ੍ਹਾਂ ਦੇ ਲਾਭ ਦੇਣ ਦੇ ਨਾਲ-ਨਾਲ ਆਲੇ ਦੁਆਲੇ ਨੂੰ ਸੁੰਦਰ ਵੀ ਬਣਾਉਂਦੇ ਹਨ।ਉਹਨਾਂ ਕਿਹਾ ਕਿ ਸਾਨੂੰ ਸਭ ਨੂੰ ਹੋਰ ਖਰਚਿਆਂ ਦੀ ਥਾਂ ਬੂਟੇ ਲਗਾ ਕੇ ਆਪਣੀਆਂ ਖੁਸ਼ੀਆਂ ਸਾਂਝੀਆਂ ਕਰਨੀਆਂ ਚਾਹੀਦੀਆਂ ਹਨ। ਇਸ ਮੌਕੇ ਤੇ ਪੱਤਰਕਾਰ ਭਾਈਚਾਰੇ ਵੱਲੋ ਰਾਹਗੀਰਾਂ ਨੂੰ ਪ੍ਰਸ਼ਾਦ ਦੇ ਰੂਪ ਵਿੱਚ ਬੂਟੇ ਵੰਡ ਗਏ।
ਇਸ ਮੌਕੇ ਤੇ ਮੈਡਮ ਯਤਿੰਦਰ ਕੌਰ ਮਾਹਲ ਅਤੇ ਰਾਜਿੰਦਰ ਕੌਰ ਖਾਸਾ ਨੇ ਦੇਸ ਵਾਸੀਆ ਨੂੰ ਅਪੀਲ ਕੀਤੀ ਕਿ ਵਾਤਾਵਰਣ ਦਿਵਸ ਮੌਕੇ ਹਰ ਇੱਕ ਮਨੁੱਖ ਨੂੰ ਇੱਕ ਬੂਟਾ ਜਰੂਰ ਲਗਾਉਣਾ ਚਾਹੀਦਾ ਹੈ| ਜਿਸ ਨਾਲ ਆਕਸੀਜਨ ਦੀ ਘਾਟ ਨੂੰ ਪੂਰਾ ਕੀਤਾ ਜਾ ਸਕੇ । ਮੁੱਖ ਮਹਿਮਾਨ ਵਜੋ ਡਾਕਟਰ ਉਜਾਗਰ ਸਿੰਘ ਸੂਰੀ ,ਕੁਲਦੀਪ ਕੁਮਾਰ ਬਿੱਟੂ ਬਾਬਾ,ਮਨਜੀਤ ਬੇਦੀ,ਤਰੁਨ ਵਰਮਾ, ਡਾ ਗੁਰਪਾਲ ਸਿੰਘ, ਸ਼ੀਤਲ,ਬਾਬਾ ਸੁਰਜੀਤ ਸਿੰਘ ,ਟ੍ਰੈਫਿਕ ਇੰਚਾਰਜ ਏਐਸਆਈ ਜੋਗਿੰਦਰਪਾਲ ,ਬਾਡੀ ਬਿਲਡਰ ਰਵੀ,ਵਣ ਰੇਂਜ ਅਫਸਰ ਬਲਾਚੌਰ ਸੁਨੀਲ ਕੁਮਾਰ, ਵਣ ਰੇਂਜ ਅਫਸਰ ਕਾਠਗਡ਼੍ਹ ਰਘਵੀਰ ਸਿੰਘ, ਵਣ ਗਾਰਡ ਰਵਿੰਦਰ ਕੁਮਾਰ ਅਤੇ ਪੱਤਰਕਾਰ ਭਾਈਚਾਰੇ ਚੋ ਅਵਤਾਰ ਸਿੰਘ ਧੀਮਾਨ, ਮੋਹਿਤ ਕੁਮਾਰ, ਸਮਰਦੀਪ ਸਿੰਘ,ਜਤਿੰਦਰਪਾਲ ਸਿੰਘ ਕਲੇਰ, ਜਗਤਾਰ ਸਿੰਘ ਮਹਿੰਦੀਪੂਰੀਆ ਮੌਕੇ ਤੇ ਮੌਜੂਦ ਸਨ।
