ਗੜ੍ਹਦੀਵਾਲਾ (ਚੌਧਰੀ) 

ਕੇਂਦਰ ਸਰਕਾਰ ਵਲੋਂ ਬਿਜਲੀ ਸੋਧ ਬਿੱਲ ਸੰਸਦ ਵਿੱਚ ਪੇਸ਼ ਕਰਨ ਦੇ ਵਿਰੋਧ ਵਿੱਚ ਕਿਸਾਨ ਮਜਦੂਰਾਂ ਵਲੋਂ ਮੋਦੀ ਸਰਕਾਰ ਦੇ ਪੁਤਲੇ ਫੂਕੇ 

8 ਅਗਸਤ : ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੀ ਹੁਸਿਆਰਪੁਰ ਜਿਲ੍ਹਾ ਇਕਾਈ ਵੋ ਅੱਜ ਬਿਜਲੀ ਸੋਧ ਬਿੱਲ ਸੰਸਦ ਵਿੱਚ ਪਾਸ ਕਰਾਉਣ ਦੇ ਮਨਸੂਬੇ ਨੂੰ ਲੈ ਕੇ ਕੇਂਦਰ ਦੀ ਮੋਦੀ ਸਰਕਾਰ  ਦੇ ਵੱਖ ਵੱਖ ਥਾਈਂ ਪੁਤਲੇ ਫੂਕੇ ਗਏ।  ਇਸ ਮੁਹਿੰਮ ਵਿੱਚ ਸਾਮਿਲ ਹੁੰਦਿਆ ਬਿਆਸ ਦਰਿਆ ਦੇ ਕੁਝ ਟਾਂਡਾ ਚੌਂਕ, ਬੁੱਲੋਵਾਲ, ਗੜਦੀਵਾਲ, ਦਸੂਹਾ ਅਤੇ ਚੱਬੇਵਾਲ ਵਿਖੇ ਰੋਸ ਵਜੋਂ ਪੁਤਲੇ ਫੂਕਦਿਆਂ ਕੇਂਦਰ ਸਰਕਾਰ ਦੀ ਕਿਸਾਨ ਮਜਦੂਰਾਂ ਵਲੋਂ ਖੂਬ ਨਿਖੇਧੀ ਕੀਤੀ ਗਈ।

ਇਸ ਮੌਕੇ ਸਮੂਹ ਇੱਕਠ ਨੂੰ ਸੰਬੋਧਨ ਕਰਦਿਆ, ਅਜੀਤ ਸਿੰਘ ਭੁੱਲਾ, ਕੁਲਦੀਪ ਸਿੰਘ ਬੇਗੋਵਾਲ,ਅਵਤਾਰ ਸਿੰਘ ਸੇਖੋਂ, ਜਗਦੀਪ ਸਿੰਘ ਜੱਸੀ ਗਿੱਲ, ਦਵਿੰਦਰ ਸਿੰਘ,ਬੀਬੀ ਕਮਲਜੀਤ,ਬਾਬਾ ਚੰਦ ਸ਼ਾਹ ਨੇ ਕਿਹਾ ਕਿ ਜਦੋਂ ਦਿੱਲੀ ਅੰਦੋਲਨ ਖਤਮ ਹੋਇਆ ਸੀ ਤਾਂ ਮੋਦੀ ਸਰਕਾਰ ਤੇ ਕਿਹਾ ਸੀ ਕਿ ਕਿਸਾਨਾਂ ਮਜਦੂਰਾਂ ਦੀ ਸਹਿਮਤੀ ਤੋਂ ਬਿਨਾਂ ਬਿਜਲੀ ਸੋਧ ਬਿੱਲ ਪਾਰਲੀਮੈਂਟ ਨਹੀਂ ਰੱਖਿਆ ਜਾਵੇਗਾ। ਪਰ ਪਹਿਲਾਂ ਵਾਂਗ ਹੀ ਮੋਦੀ ਸਰਕਾਰ ਮੁਕਰ ਚੁੱਕੀ ਹੈ। ਇਹ ਬਿੱਲ ਪਾਸ ਹੋਣ ਨਾਲ ਰਾਜਾਂ ਦੇ ਸੰਘੀ ਢਾਂਚੇ ਨੂੰ ਕਮਜ਼ੋਰ ਕੀਤਾ ਜਾਵੇਗਾ। ਪੰਜਾਬ ਵਰਗੇ ਖੇਤੀ ਪ੍ਰਧਾਨ ਸੂਬੇ ਤੋਂ ਬਿਜਲੀ ਸਬੰਧੀ ਮਿਲਦਿਆਂ ਸਬ ਸਿਡੀਆਂ ਖੋਰੀਆਂ ਜਾਣਗੀਆਂ। ਮਜਦੂਰਾਂ ਨੂੰ ਘਰੇਲੂ ਮਿਲਦੀ ਸਬਸਿਡੀ ਖੋਹੀ ਜਾਵੇਗੀ। ਆਗੂਆਂ ਨੇ ਕਿਹਾ ਕਿ ਇਸ ਬਿੱਲ ਨੂੰ ਮੋਦੀ ਸਰਕਾਰ ਤੁਰੰਤ ਵਾਪਸ ਕਰੇ। ਕਿਸਾਨ ਸੰਘਰਸ਼ ਕਮੇਟੀ ਵਲੋਂ 9 ਅਗਸਤ ਨੂੰ ਜੱਥੇਬੰਦੀ ਦੀ ਕੋਰ ਕਮੇਟੀ ਹੰਗਾਮੀ ਮੀਟਿੰਗ ਸੱਦ ਲਈ ਹੈ। ਇਸ ਬਿੱਲ ਦੇ ਵਿਰੋਧ ਵਿਚ ਤਿੱਖਾ ਸੰਘਰਸ਼ ਵਿੱਢਿਆ ਜਾਵੇਗਾ।ਜਿਸਦਾ ਐਲਾਨ ਕੋਰ ਕਮੇਟੀ ਦੀ ਮੀਟਿੰਗ ਤੋਂ ਬਾਅਦ ਕੀਤਾ ਜਾਵੇਗਾ। ਇਸ ਮੌਕੇ ਉਪਰੋਕਤ ਆਗੂਆਂ ਦੇ ਨਾਲ ਪ੍ਰਧਾਨ ਬੀਬੀ ਇੰਦਰਜੀਤ ਕੌਰ,ਡਾ ਨਿਰਮਲ ਸਿੰਘ ਪੱਖੋਵਾਲ,ਰਣਜੀਤ ਕੌਰ ਰਾਣੀ, ਮਨਜੀਤ ਕੌਰ, ਪ੍ਰਭਜੋਤ ਕੌਰ, ਇਕਾਈ ਪ੍ਰਧਾਨ ਪਰਮਜੀਤ ਕੌਰ, ਇਕਾਈ ਪ੍ਰਧਾਨ ਰਣਜੀਤ ਕੌਰ ਸਕਰਾਲਾ, ਜੋਨ ਕੈਸ਼ੀਅਰ ਇਕਬਾਲ ਕੌਰ, ਪੂਨਮ ਕਮਲੇਸ਼ ਕੌਰ, ਸਵਿਤਾ ਰਾਣੀ, ਜਸਵਿੰਦਰ ਕੌਰ, ਪਰਮਜੀਤ ਕੌਰ, ਸ਼ਾਂਤੀ ਦੇਵੀ, ਜਸਵਿੰਦਰ ਕੌਰ, ਸੁਖਵਿੰਦਰ ਕੌਰ, ਸਕੱਤਰ ਅਮਰਜੀਤ ਕੌਰ, ਪਰਮਜੀਤ ਕੌਰ, ਵੀਨਾ ਰਾਣੀ ਸਮੇਤ ਹੋਰ ਲੋਕ ਹਾਜਰ ਸਨ।