ਸਰਹਾਲਾ ਮੋੜ ਤੇ ਧਰਨਾ ਲਾ ਕੇ ਸੰਗਰਸ਼ ਕਿੱਤਾ ਜਾਵੇਗਾ : ਪ੍ਰਧਾਨ ਦੀਪ ਬਾਰਿਆਣਾ,ਸਿਮਰਜੀਤ ਸਿੰਘ
ਸਵੇਰੇ 7 ਤੋਂ ਸ਼ਾਮ 4 ਬਜੇ ਤੱਕ ਰਹੇਗਾ ਪੰਜਾਬ ਬੰਦ
ਗੜ੍ਹਦੀਵਾਲਾ :(ਯੋਗੇਸ਼ ਗੁਪਤਾ)
: ਕਿਸਾਨ ਜੱਥੇਬੰਦੀਆਂ ਵਲੋਂ 30 ਦਸੰਬਰ ਦਿਨ ਸੋਮਵਾਰ ਨੂੰ ਆਪਣੀਆਂ ਹੱਕੀ ਮੰਗਾਂ ਨੂੰ ਲੈ ਕੇ ਪੰਜਾਬ ਬੰਦ ਦਾ ਸੱਦਾ ਦਿੱਤਾ ਗਿਆ ਹੈ । ਜਿਸ ਨੂੰ ਲੈਕੇ ਕਿਸਾਨ ਮਜਦੂਰ ਸੰਗਰਸ਼ ਕਮੇਟੀ ਗੜ੍ਹਦੀਵਾਲਾ ਦੇ ਪ੍ਰਧਾਨ ਦੀਪ ਬਾਰਿਆਣਾ ਅਤੇ ਸਿਮਰਜੀਤ ਸਿੰਘ ਸਿੰਮਾ ਆਦਿ ਸਮੂਹ ਕਿਸਾਨ ਜੱਥੇਬੰਦੀਆਂ ਵਲੋਂ ਪ੍ਰੈਸ ਰਾਹੀਂ ਗੜ੍ਹਦੀਵਾਲਾ ਤੇ ਇਲਾਕੇ ਦੇ ਦੁਕਾਨਦਾਰਾਂ ਨੂੰ ਬੰਦ ਦੇ ਸੱਦੇ ਤੇ ਬੰਦ ਦਾ ਸਮਰਥਨ ਦੇਣ ਦੀ ਅਪੀਲ ਕੀਤੀ । ਉਹਨਾਂ ਕਿਹਾ ਕਿ ਕਾਰਪੋਰੇਟ ਘਰਾਣਿਆਂ ਦੀ ਸੇਵਾਦਾਰ ਬਣੀ ਮੋਦੀ ਹਕੂਮਤ 23 ਫਸਲਾਂ ਦੀ ਖਰੀਦ ਦੀ ਗਰੰਟੀ ਦਾ ਕਨੂੰਨ C2+50% ਨਾਲ ਬਣਾਉਣ ਤੋ ਮੁੱਕਰ ਕੇ ਪਹਿਲੇ ਰੱਦ ਕੀਤੇ 3 ਕਾਲੇ ਖੇਤੀ ਕਾਨੂੰਨਾਂ ਨੂੰ ਖੇਤੀ ਮਾਰਕੀਟਿੰਗ ਨੀਤੀ ਦਾ ਨਾਮ ਦੇ ਕੇ ਰਾਜਾਂ ਨੂੰ ਕਾਨੂੰਨ ਬਣਾਉਣ ਲਈ ਖਰੜਾ ਭੇਜ ਦਿੱਤਾ ਹੈ। ਇਸ ਖਰੜੇ ਅਨੁਸਾਰ ਨਿੱਜੀ ਸਾਇਲੋ ਗੁਦਾਮਾਂ ਨੂੰ ਮੰਡੀ ਯਾਰੜ ਘੋਸ਼ਿਤ ਕਰ ਕੇ ਸਰਕਾਰੀ ਮੰਡੀ ਦਾ ਭੋਗ ਪਾ ਦਿੱਤਾ ਜਾਵੇਗਾ। ਇਸੇ ਤਰਾਂ ਕਾਰਪੋਰੇਟ ਕੰਪਨੀਆਂ ਕਿਸਾਨਾਂ ਨਾਲ ਐਗਰੀਮੈਂਟ ਕਰਕੇ ਸਿੱਧੀਆਂ ਫਸਲਾਂ ਖਰੀਦਣ ਦੇ ਬਹਾਨੇ ਕਿਸਾਨਾਂ ਦੀ ਲੁੱਟ ਕਰਕੇ ਉਹਨਾਂ ਨੂੰ ਖੇਤੀ ਕਿੱਤੇ ਵਿੱਚੋ ਬਾਹਰ ਕਰ ਦੇਣਗੀਆਂ। ਕਾਰਪੋਰੇਟਾ ਦਾ ਖੇਤੀ ਮੰਡੀ ਉਤੇ ਕਬਜਾਂ ਹੋਣ ਨਾਲ ਖਾਣ ਪੀਣ ਵਾਲੀਆਂ ਚੀਜਾ ਖਪਤਕਾਰਾਂ ਦੀ ਪਹੁੰਚ ਤੋਂ ਬਾਹਰ ਹੋ ਜਾਣਗੀਆਂ। ਓਹਨਾ ਦੱਸਿਆ ਕਿ ਦੇਸ਼ ਦੇ 80 ਕਰੋੜ ਲੋਕਾ ਨੂੰ ਮੁਫ਼ਤ ਅਨਾਜ ਦੀ ਦਿੱਤੀ ਜਾਂ ਰਹੀ ਸਹੂਲਤ ਬੰਦ ਹੋਵੇਗੀ।
ਮੋਦੀ ਸਰਕਾਰ ਦੀ ਇਹ ਨੀਤੀ ਕਿਸਾਨਾਂ, ਮੰਡੀ ਮਜਦੂਰਾਂ, ਆੜ੍ਹਤੀਆਂ, ਦੁਕਾਨਦਾਰਾਂ, ਛੋਟੇ ਵਪਾਰੀਆਂ, ਛੋਟੇ ਟਰਾਸਪੋਰਟਾਂ ਦਾ ਕਿੱਤਾ ਤਬਾਹ ਕਰਕੇ ਉਹਨਾਂ ਨੂੰ ਕਰਿੰਦੇ ਬਣਾ ਦੇਵੇਗੀ।
ਇਹਨਾਂ ਮੁੱਦਿਆ ਕਰਕੇ ਕਿਸਾਨ ਆਗੂ ਜਗਜੀਤ ਸਿੰਘ ਡੱਲੇਵਾਲ 26 ਨਵੰਬਰ ਤੋ ਲਗਾਤਾਰ ਮਰਨ ਵਰਤ ਤੇ ਬੈਠੇ ਹਨ ਤੇ ਉਹਨਾਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।ਇਸ ਲਈ ਪੰਜਾਬ ਭਰ ਦੇ ਸਾਰੇ ਵਰਗਾਂ ਨੂੰ ਪੁਰਜੋਰ ਅਪੀਲ ਹੈ ਕੇ ਪੰਜਾਬ ਬੰਦ ਨੂੰ ਸਫਲ ਬਣਾਇਆ ਜਾਵੇ ਤਾ ਜੋ ਕਾਰਪੋਰੇਟ ਬਘਿਆੜਾਂ ਤੇ ਉਸਦੀ ਦਲਾਲ ਮੋਦੀ ਹਕੂਤਮ ਦਾ ਬੂਥੜ ਭੰਨ ਕੇ ਅਪਣਾ ਕਿੱਤੇ ਬਚਾਅ ਸਕੀਏ।
