ਗੜ੍ਹਦੀਵਾਲਾ (ਚੌਧਰੀ) 12 ਨਵੰਬਰ 

: ਐਕਸ ਸਰਵਿਸ ਮੈਨ ਵੈਲਫੇਅਰ ਐਸੋਸੀਏਸ਼ਨ ਗੜ੍ਹਦੀਵਾਲਾ ਦੀ ਮਹੀਨਾਵਾਰ ਮੀਟਿੰਗ ਪ੍ਰਧਾਨ ਸੂਬੇਦਾਰ ਮੇਜਰ ਬਲਵਿੰਦਰ ਸਿੰਘ ਦੀ ਅਗਵਾਈ ਹੇਠ ਢਿੱਲੋਂ ਟੈਂਟ ਹਾਊਸ ਗੜ੍ਹਦੀਵਾਲਾ ਵਿਖੇ ਕੀਤੀ ਗਈ। ਜਿਸ ਵਿਚ ਸਬ ਤੋ ਪਹਿਲਾਂ ਐਕਸ ਮੈਨਾ ਦੀ ਪੈਨਸ਼ਨ ਦਾ ਲਾਈਵ ਸਰਟੀਫਿਕੇਟ ਅਪਡੇਟ ਵਾਰੇ ਗੱਲਬਾਤ ਕੀਤੀ ਅਤੇ ਸਭ ਨੂੰ ਲਾਈਵ ਸਰਟੀਫਿਕੇਟ ਅਪਡੇਟ ਆਪਣੇ ਦਫ਼ਤਰ ਵਿੱਚ ਕੈਪਟਨ ਸਰਵਣ ਸਿੰਘ ਸਾਹਿਬ ਕੋਲੋਂ ਕਰਵਾਉਣ ਦੀ ਸਲਾਹ ਦਿੱਤੀ । 30 ਨਵੰਬਰ ਤਕ ਸਭ ਦਾ ਲਾਈਵ ਸਰਟੀਫਿਕੇਟ ਅਪਡੇਟ ਹੋਣਾ ਜਰੂਰੀ ਹੈ ਨਹੀਂ ਤਾਂ ਦਸੰਬਰ ਮਹੀਨੇ ਦੀ ਪੈਨਸ਼ਨ ਨਹੀਂ ਆਵੇਗੀ ।ਅੱਗੇ ਗੱਲਬਾਤ ਕਰਦਿਆ ਪ੍ਰਧਾਨ ਸਾਹਿਬ ਨੇ ਦੱਸਿਆ ਕਿ ਜੇ ਕਰ ਕਿਸੇ ਐਕਸ ਮੈਨ ਦਾ ਬੱਚਾ ਸੈਨਿਕ ਸਕੂਲ ਵਿਚ ਪੜਨਾ ਚਾਹੁੰਦਾ ਹੈ ਤਾਂ ਉਸ ਦਾ ਐਡਮੀਸ਼ਨ 6 ਵੀ ਜਮਾਤ ਵਿਚ ਅਤੇ 9ਵੀਂ ਜਮਾਤ ਹੁੰਦਾ ਹੈ। ਇਸ ਕਰਕੇ ਬੱਚਾ ਜਦੋਂ ਪੰਜਵੀ ਜਮਾਤ ਜਾਂ ਅੱਠਵੀਂ ਜਮਾਤ ਵਿਚ ਪੜ੍ਹਦਾ ਹੈ ਤਾਂ ਉਸ ਦੀ ਤਿਆਰੀ ਕਰਵਾਉ ਅਤੇ ਉਸ ਦੀ ਜਾਣਕਾਰੀ ਈ ਐੱਸ ਐਮ ਦਫਤਰ ਵਿਚ ਦਿਓ ਤਾਂ ਜੋ ਸਮੇਂ ਸਿਰ ਬੱਚੇ ਦਾ ਪੇਪਰ ਹੋ ਸਕੇ ਅਤੇ ਉਸ ਦਾ ਐਡਮੀਸ਼ਨ ਸੈਨਿਕ ਸਕੂਲ ਵਿਚ ਹੋ ਸਕੇ,ਉਪਰੰਤ ਮੀਟਿੰਗ ਦੀ ਕਾਰਵਾਈ ਅੱਗੇ ਵਧਾਉਂਦਿਆ ਪ੍ਰਧਾਨ ਸਾਹਿਬ ਇਹ ਵੀ ਕਿਹਾ ਕਿ ਜੇ ਕਰ ਕਿਸੇ ਐਕਸ ਮੈਨ ਜਾਂ ਉਸ ਦੀ ਪਤਨੀ ਦੀ ਜਨਮ ਤਾਰੀਕ,ਆਧਾਰ ਕਾਰਡ ਅਤੇ ਪੀਪੀਓ ਦੇ ਮੁਤਾਬਿਕ ਨਹੀ ਹੈ ਤਾਂ ਆਪਣੇ ਦਫ਼ਤਰ ਜਾ ਕੇ ਕੈਪਟਨ ਸਰਵਣ ਸਿੰਘ ਜੀ ਕੋਲੋਂ ਅਪਡੇਟ ਕਰਵਾ ਸਕਦੇ ਹਨ ।ਅੱਗੇ ਗੱਲ ਬਾਤ ਕਰਦੇ ਹੋਏ ਕਿਹਾ ਕਿ ਮੌਸਮ ਬਦਲ ਰਿਹਾ ਹੈ ਸਭ ਐਕਸ ਮੈਨ ਆਪਣਾ ਖਿਆਲ ਰੱਖੋ ਠੰਢ ਤੋਂ ਬਚ ਕੇ ਰਹਿਣ ਲਈ ਵੀ ਕਿਹਾ ।
ਇਹ ਵੀ ਕਿਹਾ ਕਿ ਪਿੰਡਾਂ ਵਿਚ ਸਾਰੇ ਐਕਸ ਮੈਨਾ ਨੂੰ ਆਪਣੀ ਸੰਸਥਾ ਨਾਲ ਜੁੜਨ ਲਈ ਪ੍ਰੇਰਿਤ ਕਰੋ ਅਤੇ ਪੈਨਸ਼ਨ ਵਿਚ ਆਉਣ ਵਾਲੀਆਂ ਪਰੇਸ਼ਾਨੀਆਂ ਦਾ ਹੱਲ ਕਰੋ, ਸੂਬੇਦਾਰ ਸਿਕੰਦਰ ਸਿੰਘ ਵੈਦ ਵਲੋ ਸਾਰੇ ਐਕਸ ਮੈਨਾ ਨੂੰ ਦੀਵਾਲੀ ਦੀ ਖੁਸ਼ੀ ਵਿਚ ਲੱਡੂ ਵੰਡੇ ਗਏ ਸਭ ਨੂੰ ਦੀਵਾਲੀ ਦੀਆਂ ਵਧਾਈਆਂ ਦਿਤੀਆਂ , ਕੈਪਟਨ ਗੁਰਬਕਸ਼ ਸਿੰਘ ਸਾਹਿਬ ਮਸੀਤੀ ਪਾਲ ਕੋਟ ਵਲੋਂ ਬੰਦੀ ਛੋੜ ਦਿਵਸ ਮੌਕੇ ਸਾਰੇ ਐਕਸ ਮੈਨਾ ਨੂੰ ਵਧਾਈ ਦਿੱਤੀ ਅਤੇ ਮਠਿਆਈ ਵੰਡੀ। ਅੰਤ ਵਿਚ ਸਭ ਨੂੰ ਬੰਦੀ ਛੋੜ ਦਿਵਸ ਅਤੇ ਦੀਵਾਲੀ ਦੀਆਂ ਮੁਬਾਰਕਾਂ ਦਿੱਤੀਆਂ ਅਗਲੇ ਮਹੀਨੇ ਮਿਲਣ ਦਾ ਵਾਦਾ ਕਰਕੇ ਗਰੁੱਪ ਫ਼ੋਟੋ ਲਈ ਗਈ ਸਭ ਨੇ ਮਿਲ ਕੇ ਚਾਹ ਪਕੌੜਾ ,ਮਠਿਆਈ ਖਾਧੀ ਅਤੇ ਘਰਾਂ ਨੂੰ ਚਾਲੇ ਪਾਏ ।ਅੱਜ ਦੇ ਮੁੱਖ ਮਹਿਮਾਨ ਸੂਬੇਦਾਰ ਸਿਕੰਦਰ ਸਿੰਘ ਵੈਦ ਜੀ ਰਹੇ। ਇਸ ਮੌਕੇ ਤੇ ਹੇਠ ਲਿਖੇ ਸਾਹਿਬਾਨਾਂ ਨੇ ਹਾਜ਼ਰੀ ਭਰੀ ,,, ਸੂਬੇਦਾਰ ਮੇਜਰ ਬਚਨ ਸਿੰਘ ਰਾਮਦਾਸਪੁਰ , ਸੂਬੇਫਰ ਮੇਜਰ ਤੀਰਥ ਸਿੰਘ ਨੰਗਲ ਥਥਲ , ਸੂਬੇਦਾਰ ਦਲਵੀਰ ਸਿੰਘ ਢਿੱਲੋਂ ਟੈਟ ਹਾਊਸ , ਕੈਪਟਨ ਸਰਵਣ ਸਿੰਘ ਚਾਂਗ ਬਸੋਏ , ਨਾਇਕ ਤਰਲੋਕ ਸਿੰਘ ਮਸੀਤੀ ਪਾਲਕੋਟ , ਨਾਇਕ ਮਲਕੀਤ ਸਿੰਘ ਮਸੀਤੀ ਪਾਲਕੋਟ , ਹਵਾਲਦਾਰ ਦਵਿੰਦਰ ਸਿੰਘ ਚੌਖਾ, ਸੂਬੇਦਾਰ ਸੰਤੋਖ ਸਿੰਘ ਰਮਦਾਸਪੁਰ, ਹਵਾਲਦਾਰ ਗੁਰਚਰਨ ਸਿੰਘ ਜੌਹਲਾਂ, ਹਵਾਲਦਾਰ ਗੁਰਮੀਤ ਸਿੰਘ ਆਦਮਪੁਰ ,ਐਕਸ ਹਵਲਦਾਰ ਓਂਕਾਰ ਸਿੰਘ , ਸਿਪਾਈਨਿਰਮਲ ਸਿੰਘ ਦੇਲੋਵਾਲ, ਹਵਾਲਦਾਰ ਗੁਰਪਾਲ ਸਿੰਘ ,ਨਾਇਕ ਸੁਰਿੰਦਰ ਸਿੰਘ , ਹਵਾਲਦਾਰ ਪਰਮਜੀਤ ਸਿੰਘ ,ਨਾਇਕ ਜਰਨੈਲ ਸਿੰਘ ਆਦਮਪੁਰ ,ਨਾਇਬ ਸੂਬੇਦਾਰ ਗੁਰਮੁਖ ਸਿੰਘ ,ਸੂਬੇਦਾਰ ਮੇਜਰ ਬਲਵਿੰਦਰ ਸਿੰਘ ਦਸੂਆ ਆਦਿ ਹਾਜਰ ਸਨ।