ਪਠਾਨਕੋਟ, ਧਾਰ ਕਲਾਂ ( ਤਰੁਣ ਸਲਹੋਤਰਾ) 

7 ਮਈ : ਰਣਜੀਤ ਸਾਗਰ ਝੀਲਾਂ ਦੇ ਨੇੜੇ ਵਾਪਰੇ ਇੱਕ ਹਾਦਸੇ ‘ਚ ਇੱਕ ਈਓਨ ਕਾਰ ਦੇ ਡੂੰਘੀ ਖੱਡ ਵਿੱਚ ਡਿੱਗਣ ਕਾਰਨ ਮਿਲੀ ਜਾਣਕਾਰੀ ਅਨੂਸਾਰ ਇੱਕ ਬਜ਼ੁਰਗ ਔਰਤ ਦੀ ਮੌਤ ਹੋਣ ਦੀ ਜਾਣਕਾਰੀ ਪ੍ਰਾਪਤ ਹੋਈ ਹੈ ਜਦੋਕਿ 3 ਬੱਚਿਆਂ ਸਮੇਤ ਪੰਜ ਲੋਕ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਕ ਈਓਨ ਕਾਰ ਜੰਮੂ-ਕਸ਼ਮੀਰ ਦੇ ਬਿੱਲਾਵਰ ਨੇੜੇ ਸਥਿਤ ਸੁਕਰਾਲਾ ਮਾਤਾ ਜੀ ਦੇ ਦਰਸ਼ਨ ਕਰਨ ਉਪਰੰਤ ਆਪਣੀ ਈਓਨ ਕਾਰ ‘ਚ ਪਿੰਡ ਥੀਨ ਵੱਲੋਂ ਡੈਮ ਸੜਕ ਤੋਂ ਹੋ ਕੇ ਪਠਾਨਕੋਟ ਨੂੰ ਪਰਤ ਰਹੇ ਸੀ ਕਿ ਜਿਵੇਂ ਹੀ ਉਹਨਾਂ ਦੀ ਕਾਰ ਰਣਜੀਤ ਸਾਗਰ ਡੈਮ ਦੀ ਚੈਕ ਪੋਸਟ ਨੰਬਰ 6 ਨੇੜੇ ਪਹੁੰਚੀ ਤਾਂ ਕਾਰ ਬੇਕਾਬੂ ਹੋ ਕੇ ਡੂੰਘੀ ਖੱਡ ਵਿੱਚ ਜਾ ਡਿੱਗੀ।ਇਸ ਹਾਦਸੇ ਵਿੱਚ ਕਾਰ ਵਿੱਚ ਸਵਾਰ ਇੱਕ ਬਜ਼ੁਰਗ ਔਰਤ ਦੀ ਮੌਤ ਹੋ ਗਈ।ਜਦਕਿ ਜ਼ਖਮੀਆਂ ਨੂੰ ਧਾਰ ਕਲਾਂ ਪੁਲਿਸ ਦੇ ਮੁਲਾਜਮਾ ਅਤੇ ਮਜੂਦਾ ਥਾਣਾ ਮੁੱਖੀ ਇੰਸਪੈਕਟਰ ਗੁਲਸ਼ਨ ਸ਼ਰਮਾ ਨੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਐਂਬੂਲੈਂਸਾਂ ਰਾਹੀਂ ਪਠਾਨਕੋਟ ਦੇ ਵੱਖ-ਵੱਖ ਹਸਪਤਾਲਾਂ ਵਿੱਚ ਇਲਾਜ ਲਈ ਭੇਜਿਆ ਹੈ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਾਰ ਵਿੱਚ ਡਰਾਈਵਰ ਤੋਂ ਇਲਾਵਾ 3 ਬੱਚੇ ਅਤੇ 2 ਔਰਤਾਂ ਸਮੇਤ ਕੁੱਲ 8 ਲੋਕ ਸਵਾਰ ਸਨ।ਸਾਰੇ ਲੋਕ ਪਠਾਨਕੋਟ ਦੇ ਰਹਿਣ ਵਾਲੇ ਦੱਸੇ ਜਾਂਦੇ ਹਨ।