ਨਸ਼ੀਲੀਆਂ ਗੋਲੀਆਂ,ਚੋਰੀ ਦੇ ਮੋਟਰ-ਸਾਈਕਲ ਅਤੇ ਚੋਰੀ ਦੇ ਸਮਾਨ ਸਮੇਤ ਦੋ ਕਾਬੂ

ਗੁਰਦਾਸਪੁਰ 24 ਮਾਰਚ ( ਅਸ਼ਵਨੀ ) : ਪੁਲਿਸ ਜ਼ਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਦੀ ਪੁਲਿਸ ਵੱਲੋਂ ਦੋ ਵਿਅਕਤੀਆਂ ਨੂੰ 170 ਨਸ਼ੀਲੀਆਂ ਗੋਲੀਆਂ , ਚੋਰੀ ਦੇ ਇਕ ਮੋਟਰ-ਸਾਈਕਲ ਅਤੇ ਸਕੂਲ ਵਿਚੋ ਚੋਰੀ ਕੀਤੇ 10 ਬੋਰੇ ਸਮਾਨ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ ।
ਸਹਾਇਕ ਸਬ ਇੰਸਪੈਕਟਰ ਲੇਖ ਰਾਜ ਪੁਲਿਸ ਸਟੇਸ਼ਨ ਦੀਨਾ ਨਗਰ ਨੇ ਦਸਿਆਂ ਕਿ ਉਸ ਨੇ ਸਮੇਤ ਪੁਲਿਸ ਪਾਰਟੀ ਗਸ਼ਤ ਕਰਦੇ ਹੋਏ ਮੁੱਖਬਰ ਖ਼ਾਸ ਦੀ ਸੂਚਨਾ ਤੇ ਟੀ ਪੁਆਇੰਟ ਪਿੰਡ ਖਰਲ ਨੇੜੇ ਬਾਬਾ ਪੀਰ ਦੀ ਜਗਾ ਪਰ ਨਾਕਾ ਬੰਦੀ ਕਰਕੇ ਅਮਰਜੀਤ ਸਿੰਘ ਉਰਫ ਕਾਕਾ ਪੁੱਤਰ ਬੁਟਾ ਰਾਮ ਵਾਸੀ ਪਿੰਡ ਉੱਚਾ ਧਕਾਲਾ ਨੂੰ ਕਾਬੂ ਕਰਕੇ ਤਲਾਸ਼ੀ ਕੀਤੀ ਤਾਂ 170 ਨਸ਼ੀਲੀਆਂ ਗੋਲ਼ੀਆਂ ਬਰਾਮਦ ਹੋਈਆ ਅਤੇ ਮੋਟਰ-ਸਾਈਕਲ ਨੰਬਰ ਪੀ ਬੀ 02 ਏ ਜੀ 0738 ਬਾਰੇ ਪੁੱਛ-ਗਿੱਛ ਕਰਨ ਤੇ ਅਮਰਜੀਤ ਸਿੰਘ ਨੇ ਦਸਿਆਂ ਕਿ ਇਹ ਮੋਟਰ-ਸਾਈਕਲ ਉਸ ਨੇ ਤਿੰਨ ਮਹੀਨੇ ਪਹਿਲਾ ਅਵਾਂਖਾ ਦੀਨਾ ਨਗਰ ਤੋ ਚੋਰੀ ਕੀਤਾ ਸੀ ਜਿਸ ਨੂੰ ਵੇਚਣ ਲਈ ਸ਼ਹਿਰ ਦੀਨਾ ਨਗਰ ਜਾ ਰਿਹਾ ਸੀ ।
ਸਹਾਇਕ ਸਬ ਇੰਸਪੈਕਟਰ ਰਾਜ ਮਸੀਹ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਨੇ ਦਸਿਆਂ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਨੇੜੇ ਬਿੱਟਾ ਸਵੀਟਸ ਮੋਜੂਦ ਸੀ ਕਿ ਮੁੱਖਬਰ ਖ਼ਾਸ ਨੇ ਦਸਿਆਂ ਕਿ ਕਰਨ ਪੁੱਤਰ ਸੁਰਿੰਦਰ ਕੁਮਾਰ , ਰੋਹਿਤ ਪੁੱਤਰ ਫਰਾਂਸਿਸ ਮਸੀਹ ਵਾਸੀ ਗੁਰਦਾਸਪੁਰ ਜੋ ਕਿ ਚੋਰੀ ਕਰਨ ਦੇ ਆਦੀ ਹਨ ਹੁਣ ਵੀ ਹਰਦੋਛਨੀਆ ਰੋਡ ਨਾਰਮਲ ਸਕੂਲ ਗੁਰਦਾਸਪੁਰ ਵਿੱਚੋਂ ਕਾਗਜਾਤ ਵਗੈਰਾ ਚੋਰੀ ਕਰਕੇ ਬੋਰੀਆਂ ਵਿੱਚ ਪਾ ਕੇ ਕਿਸੇ ਵਹੀਕਲ ਦਾਂ ਇੰਤਜਾਰਬਕਰ ਰਹੇ ਹਨ ਇਸ ਤੇ ਉਸ ਨੇ ਪੁਲਿਸ ਪਾਰਟੀ ਸਮੇਤ ਮੋਕਾ ਤੇ ਜਾ ਕੇ ਉਕਤ ਦੋਵਾ ਵਿਅਕਤੀਆਂ ਨੂੰ ਚੋਰੀ ਕੀਤੇ ਸਕੂਲ ਦੇ ਸਮਾਨ ਦੇ 10 ਬੋਰੇ ਸਮੇਤ ਕਾਬੂ ਕੀਤਾ ।