ਫਗਵਾੜਾ (ਲਾਲੀ ਦਾਦਰ )

14 ਜਨਵਰੀ : ਨਜਦੀਕੀ ਪਿੰਡ ਬੋਹਾਨੀ ਵਿਖੇ ਅਣਪਛਾਤੇ ਚੋਰਾਂ ਵਲੋਂ ਇਕ ਦੁਕਾਨ ਦੀ ਕੰਧ ਪਾੜ ਕੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਸੂਚਨਾ ਪ੍ਰਾਪਤ ਹੋਈ ਹੈ। ਦੁਕਾਨ ਦੇ ਮਾਲਕ ਗਗਨਦੀਪ ਸਿੰਘ ਪੁੱਤਰ ਚਰਨਜੀਤ ਸਿੰਘ ਵਾਸੀ ਬੋਹਾਨੀ ਨੇ ਦੱਸਿਆ ਕਿ ਉਹ ਤੁੰਗ ਐਗਰੋ ਤੇ ਰੀਆ ਮਨੀ ਟਰਾਂਸਫਰ ਦੀ ਦੁਕਾਨ ਪਿੰਡ ਦੀ ਮਾਰਕਿਟ ਵਿਖੇ ਕਰਦਾ ਹੈ। ਉਸਨੇ ਦੱਸਿਆ ਕਿ ਬੀਤੇ ਵੀਰਵਾਰ ਰਾਤ ਨੂੰ ਉਹ ਆਪਣੀ ਦੁਕਾਨ ਬੰਦ ਕਰਕੇ ਘਰ ਗਿਆ ਸੀ ਅਤੇ ਸ਼ੁੱਕਰਵਾਰ ਸਵੇਰੇ ਉਸਨੂੰ ਪਤਾ ਲੱਗਾ ਕਿ ਉਸਦੀ ਦੁਕਾਨ ਦੀ ਸਾਈਡ ਵਾਲੀ ਕੰਧ ਵਿਚ ਕਾਫੀ ਵੱਡਾ ਛੇਕ ਹੋਇਆ ਸੀ। ਉਸਨੇ ਦੱਸਿਆ ਕਿ ਚੋਰ ਉਸਦੇ ਗੱਲੇ ਵਿਚ ਪਏ ਕਰੀਬ 42 ਹਜਾਰ ਰੁਪਏ ਨਗਦ ਤੇ ਸਪੀਕਰਾਂ ਦੇ ਬੂਫਰ ਚੋਰੀ ਕਰਕੇ ਲੈ ਗਏ ਹਨ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਕੈਪਸ਼ਨ- ਪਿੰਡ ਬੋਹਾਨੀ ਵਿਖੇ ਚੋਰਾਂ ਵਲੋਂ ਦੁਕਾਨ ਦੀ ਪਾੜੀ ਕੰਧ ਦਾ ਬਾਹਰੀ ਤੇ ਅੰਦਰਲਾ ਦ੍ਰਿਸ਼।