ਫਗਵਾੜਾ 8 ਅਕਤੂਬਰ (ਲਾਲੀ)

* 12 ਅਕਤੂਬਰ ਨੂੰ ਧੂਮਧਾਮ ਨਾਲ ਮਨਾਇਆ ਜਾਵੇਗਾ ਦੁਸ਼ਿਹਰਾ : ਦਿਨੇਸ਼ ਦੁੱਗਲ

: ਦੁਸ਼ਹਿਰਾ ਕਮੇਟੀ (ਰਜਿ.) ਹਦੀਆਬਾਦ ਫਗਵਾੜਾ ਵੱਲੋਂ ਸਥਾਨਕ ਹਦੀਆਬਾਦ ਦੇ ਸ਼ਾਂਤੀ ਤਾਲ ਵਿਖੇ ਕਰਵਾਈ ਜਾ ਰਹੀ 56ਵੀਂ ਰਾਮਲੀਲਾ ਤਹਿਤ ਸੋਮਵਾਰ ਨੂੰ ਸ਼੍ਰੀ ਰਾਮ ਬਨਵਾਸ ਨਾਈਟ ਦਾ ਆਯੋਜਨ ਕੀਤਾ ਗਿਆ। ਕਮੇਟੀ ਪ੍ਰਧਾਨ ਦਿਨੇਸ਼ ਦੁੱਗਲ (ਭਾਊ) ਦੀ ਦੇਖਰੇਖ ਅਤੇ ਡਾਇਰੈਕਟਰ ਮਨੀਸ਼ ਚੌਧਰੀ ਦੇ ਨਿਰਦੇਸ਼ਨ ਵਿਚ ਆਯੋਜਿਤ ਇਸ ਨਾਈਟ ਦਾ ਉਦਘਾਟਨ ਐਨ.ਆਰ.ਆਈ. ਨੀਰਜ ਡਿੱਡੀ ਸਪੇਨ ਅਤੇ ਸਮਾਜ ਸੇਵਕ ਕ੍ਰਿਸ਼ਨ ਕੁਮਾਰ (ਪੱਪੂ) ਨੇ ਰਿਬਨ ਕੱਟ ਕੇ ਅਤੇ ਦੀਪ ਜਗਾ ਕੇ ਕੀਤਾ। ਪ੍ਰਬੰਧਕਾਂ ਵੱਲੋਂ ਮੁੱਖ ਮਹਿਮਾਨਾਂ ਨੂੰ ਸਨਮਾਨਿਤ ਕਰਨ ਉਪਰੰਤ ਰਾਮ ਵਣਵਾਸ ਨਾਈਟ ਦੀ ਸ਼ੁਰੂਆਤ ਹੋਈ। ਜਿਸ ਵਿੱਚ ਮਹਾਰਾਣੀ ਕੈਕੇਈ ਵੱਲੋਂ ਭਰਤ ਲਈ ਰਾਜ ਅਤੇ ਸ਼੍ਰੀ ਰਾਮ ਲਈ ਬਨਵਾਸ ਦੇ ਰੂਪ ਵਿੱਚ ਦੋ ਵਰਦਾਨ ਮੰਗੇ ਜਾਣ ਤੋਂ ਬਾਅਦ ਮਹਾਰਾਜ ਦਸ਼ਰਥ ਦੇ ਸੋਗ ਅਤੇ ਵਿਰਲਾਪ ਦਾ ਪ੍ਰਭਾਵਸ਼ਾਲੀ ਚਿੱਤਰਣ ਪੇਸ਼ ਕੀਤਾ ਗਿਆ। ਅੰਤ ਵਿੱਚ ਰਾਮ, ਲਕਸ਼ਮਣ ਅਤੇ ਸੀਤਾ ਦੇ ਜੰਗਲ ਵਿੱਚ ਚਲੇ ਜਾਣ ਕਾਰਨ ਅਯੁੱਧਿਆ ਨਗਰੀ ਨਮੋਸ਼ੀ ਵਿਚ ਡੁੱਬ ਗਈ। ਦਰਸ਼ਕਾਂ ਨੇ ਭਾਵੁਕ ਹੋ ਕੇ ਰਮਾਇਣ ਦੇ ਇਸ ਪ੍ਰਕਰਣ ਦਾ ਆਨੰਦ ਮਾਣਿਆ। ਛੋਟੇ ਬੱਚਿਆਂ ਵਿੱਚ ਵੀ ਰਾਮਲੀਲਾ ਨੂੰ ਲੈ ਕੇ ਭਾਰੀ ਉਤਸ਼ਾਹ ਦੇਖਿਆ ਗਿਆ। ਕਮੇਟੀ ਦੇ ਪ੍ਰਧਾਨ ਦਿਨੇਸ਼ ਦੁੱਗਲ (ਭਾਊ) ਅਤੇ ਡਾਇਰੈਕਟਰ ਮਨੀਸ਼ ਚੌਧਰੀ ਨੇ ਦੱਸਿਆ ਕਿ ਬੁੱਧਵਾਰ ਨੂੰ ਸੀਤਾ ਹਰਨ ਨਾਈਟ ਦਾ ਆਯੋਜਨ ਕੀਤਾ ਜਾਵੇਗਾ। ਜਦਕਿ ਵੀਰਵਾਰ ਨੂੰ ਬਾਲੀ ਵੱਧ ਅਤੇ ਸ਼ੁੱਕਰਵਾਰ ਨੂੰ ਲਕਸ਼ਮਣ ਮੂਰਛਾ ਤੋਂ ਬਾਅਦ 12 ਅਕਤੂਬਰ ਦਿਨ ਸ਼ਨੀਵਾਰ ਨੂੰ ਦੁਸਹਿਰੇ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਜਾਵੇਗਾ। ਜਿਸ ਵਿੱਚ ਰਾਵਣ, ਕੁੰਭਕਰਨ ਅਤੇ ਮੇਘਨਾਦ ਦੇ ਪੰਜਾਹ ਫੁੱਟ ਤੋਂ ਵੱਧ ਉੱਚੇ ਪੁਤਲਿਆਂ ਨੂੰ ਅਗਨ ਭੇਟ ਕੀਤਾ ਜਾਵੇਗਾ। ਉਨ੍ਹਾਂ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਪੁਰਜ਼ੋਰ ਅਪੀਲ ਕੀਤੀ ਕਿ ਉਹ ਰਾਮਲੀਲਾ ਅਤੇ ਦੁਸਹਿਰੇ ਮੇਲੇ ਵਿਚ ਪਰਿਵਾਰਾਂ ਸਮੇਤ ਹਾਜ਼ਰੀ ਲਗਵਾ ਕੇ ਇਸ ਤਿਉਹਾਰ ਦੀ ਰੌਣਕ ‘ਚ ਵਾਧਾ ਕਰਨ।
ਤਸਵੀਰ ਸਮੇਤ।