ਇੰਗਲੈਂਡ ਭੇਜਣ ਦਾ ਲਾਰਾ ਲਗਾ ਕੇ 12 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ‘ਚ ਦੋ ਵਿਅਕਤੀਆਂ ਤੇ ਮਾਮਲਾ ਦਰਜ 

ਦਸੂਹਾ 18 ਜੂਨ (ਚੌਧਰੀ) : ਇੰਗਲੈਂਡ ਭੇਜਣ ਦਾ ਲਾਰਾ ਲਗਾ ਕੇ 12 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ‘ਚ ਦੋ ਵਿਅਕਤੀਆਂ ਤੇ ਦਸੂਹਾ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ  ਸੁਖਵੀਰ ਸਿੰਘ ਪੁੱਤਰ ਭੁਪਿੰਦਰ ਸਿੰਘ ਤੇ ਭੁਪਿੰਦਰ ਸਿੰਘ ਪੁੱਤਰ ਰੇਸ਼ਮ ਸਿੰਘ ਵਾਸੀਆਨ ਮਕਾਨ ਨੰ 915-ਏ, ਭਗਤ ਨਗਰ ਜਲੰਧਰ ਦਿਹਾਤੀ ਵਜੋਂ ਹੋਈ ਹੈ।

ਪੁਲਿਸ ਵਲੋਂ ਦਰਜ ਐਫ ਆਈ ਆਰ ਮੁਤਾਬਕ ਦਰਖਾਸਤ ਨੰਬਰੀ 1944- ਐਸ.ਐਸ.ਪੀ ਮਿਤੀ 16-06-2021 ਵਲੋ ਰਣੀਤ ਸਿੰਘ ਪੁੱਤਰ ਸੁੱਚਾ ਸਿੰਘ ਵਾਸੀ ਜੰਡੋਰ ਥਾਣਾ ਦਸੂਹਾ ਜਿਲਾ ਹੁਸ਼ਿਆਰਪੁਰ ( ਉਮਰ ਕਰੀਬ 50 ਸਾਲ ) ਦੀ ਬਾਅਦ ਇੰਨਕੁਆਰੀ ਐਸ ਆਈ ਜਗਜੀਤ ਸਿੰਘ ਇੰਚਾਰਜ ਆਰਥਿਕ ਅਪਰਾਧ ਸ਼ਾਖਾ -2 ਹੁਸ਼ਿਆਰਪੁਰ ਵੱਲੋ ਕਰਨ ਤੇ ਬਰਖਿਲਾਫ ਸੁਖਵੀਰ ਸਿੰਘ ਪੁੱਤਰ ਭੁਪਿੰਦਰ ਸਿੰਘ ਅਤੇ ਭੁਪਿੰਦਰ ਸਿੰਘ ਪੁੱਤਰ ਰੇਸ਼ਮ ਸਿੰਘ ਵਾਸੀਆਨ ਮਕਾਨ ਨੰ 915-ਏ, ਭਗਤ ਨਗਰ ਜਲੰਧਰ ਦਿਹਾਤੀ ਨੇ ਹਮਸਲਾਹ ਹੋ ਕੇ ਸਿਕਾਇਤਾ ਕਰਤਾ ਦੇ ਲੜਕੇ ਪ੍ਰਭਜੋਤ ਸਿੰਘ ਅਤੇ ਭਾਣਜਾ ਮਨਜੋਤ ਸਿੰਘ ਪੁੱਤਰ ਹਰਦਿਆਲ ਸਿੰਘ ਨੂੰ ਵਿਦੇਸ਼ (ਇੰਗਲੈਂਡ) ਭੇਜਣ ਦਾ ਲਾਰਾ ਲਗਾ ਕੇ ਜਾਅਲੀ ਨਾਮ ਜਸਵਿੰਦਰ ਸਿੰਘ ਦੱਸ ਕੇ ਜਾਅਲੀ ਅਧਾਰ ਕਾਰਡ ਪੇਸ਼ ਕਰਕੇ ਉਸ ਪਾਸੋਂ 12 ਲੱਖ ਰੁਪਏ ਦੀ ਠੱਗੀ ਮਾਰੀ ਜਿਸ ਤੇ ਰਾਹੀ ਨੰਬਰ 1363-ਪੀ.ਸੀ ਮਿਤੀ 15-06-22 ਨੂੰ ਦਰਖਾਸਤ ਸਮੇਤ ਇੰਨਕੁਆਰੀ ਮੋਸੂਲ ਥਾਣਾ ਹੋਣ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।