ਦਸੂਹਾ 6 ਜਨਵਰੀ (ਚੌਧਰੀ)
: ਅੱਜ ਚਾਇਨਾ ਡੋਰ ਨਾਲ ਇੱਕ ਨੌਜਵਾਨ ਦੇ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਿਸ ਸਬੰਧੀ ਇੱਕ ਵੀਡੀਓ ਵੀ ਵਾਇਰਲ ਹੋਈ ਹੈ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਸੁਵੇਸ਼ ਕੁਮਾਰ ਝਾ (34) ਪੁੱਤਰ ਨਵਲ ਕੁਮਾਰ ਝਾ ਨਿਵਾਸੀ ਬਲੱਗਣ ਚੌਕ ਦਸੂਹਾ ਜੋ ਕਿ ਆਪਣੇ ਮੋਟਰਸਾਈਕਲ ਪਰ ਸਵਾਰ ਹੋ ਕੇ ਨਿਜੀ ਕੰਮ ਲਈ ਦਸੂਹਾ ਓਵਰ ਫਲਾਈ ਪੁਲ ਤੇ ਜਾ ਰਿਹਾ ਸੀ ਤੇ ਅਚਾਨਕ ਚਾਇਨਾ ਡੋਰ ਕਿ ਚਪੇਟ ਵਿਚ ਆ ਗਿਆ। ਜਿਸ ਨਾਲ ਉਸ ਦੇ ਮੁੰਹ ਤੇ ਚਾਇਨਾ ਡੋਰ ਨਾਲ ਕਾਫੀ ਗਹਿਰਾ ਕੱਟ ਲੱਗ ਗਿਆ। ਜਿਸ ਨਾਲ ਉਹ ਗੰਭੀਰ ਜਖਮੀ ਹੋ ਗਿਆ। ਜਿਸ ਤੁਰੰਤ ਸਿਵਲ ਹਸਪਤਾਲ ਦਸੂਹਾ ਵਿਖੇ ਪਹੁੰਚਾਇਆ ਗਿਆ।
ਜਿਕਰਯੋਗ ਹੈ ਕਿ ਪੰਜਾਬ ਸਰਕਾਰ ਵਲੋਂ ਚਾਇਨਾ ਡੋਰ ਤੇ ਪੂਰਨ ਤੌਰ ਤੇ ਪਾਬੰਦੀ ਲਗਾਈ ਹੋਈ ਹੈ ਪ੍ਰੰਤੂ ਦਸੂਹਾ ਵਿਖੇ ਚਾਇਨਾ ਡੋਰ ਨਾਲ ਗੰਭੀਰ ਜਖਮੀ ਹੋਣ ਦੇ ਪਹਿਲਾਂ ਵੀ ਕਈ ਮਾਮਲੇ ਸਾਹਮਣੇ ਆਏ ਹਨ। ਇਸ ਤੋਂ ਇਹ ਪ੍ਰਤੀਤ ਹੁੰਦਾ ਹੈ ਕਿ ਚਾਇਨਾ ਡੋਰ ਦਸੂਹਾ ਵਿਖੇ ਧੜੱਲੇ ਨਾਲ ਵਿਕ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨ ਨੂੰ ਇਸ ਤੇ ਧਿਆਨ ਦੇਣ ਦੀ ਲੋੜ ਹੈ ਤਾਂਕਿ ਇਸ ਤਰਾਂ ਦਾ ਕੋਈ ਹੋਰ ਵੱਡਾ ਹਾਦਸਾ ਨਾ ਹੋ ਸਕੇ।
