ਗੜ੍ਹਦੀਵਾਲਾ 12 ਅਪ੍ਰੈਲ (ਚੌਧਰੀ / ਪ੍ਰਦੀਪ ਕੁਮਾਰ) 

: ਬੀਤੇ ਕੱਲ ਦਿਨ ਦਿਹਾੜੇ ਗੜਦੀਵਾਲਾ ਦੇ ਟਾਂਡਾ ਰੋਡ ਸਥਿਤ ਇੱਕ ਕਰਿਆਨੇ ਦੀ ਦੁਕਾਨ ਦੇ ਉੱਤੋਂ ਇੱਕ ਫੋਨ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਦੁਕਾਨਦਾਰ ਸ਼ਿਵ ਦਿਆਲ ਪਿੰਡ ਅਰਗੋਵਾਲ ਅੱਜ ਕਰੀਬ ਦੁਪਹਿਰ 2 ਵਜੇ ਆਪਣੀ ਦੁਕਾਨ ਤੇ ਬੈਠਾ ਸੀ ਅਤੇ ਉਸ ਨੂੰ ਬਾਥਰੂਮ ਆਇਆ ਤੇ ਉਹ ਆਪਣਾ ਫੋਨ ਦੁਕਾਨ ਤੇ ਹੀ ਰੱਖ ਕੇ ਬਾਥਰੂਮ ਕਰਨ ਚਲਾ ਗਿਆ। ਮੌਕੇ ਦਾ ਫਾਇਦਾ ਉਠਾਉਂਦੇ ਦੂਜੇ ਪਾਸਿਓਂ ਦੋ ਲੜਕੇ ਲਾਲ ਸਪਲੈਂਡਰ ਮੋਟਰਸਾਈਕਲ ਉੱਤੇ ਸਵਾਰ ਹੋ ਕੇ ਉਸ ਦੀ ਦੁਕਾਨ ਤੇ ਆਉਂਦੇ ਹਨ ਤੇ ਦੁਕਾਨਦਾਰ ਦੇ ਦੁਕਾਨ ਤੇ ਨਾ ਹੋਣ ਤੇ ਕਾਉਂਟਰ ਤੇ ਪਿਆ ਉਸਦਾ ਮੋਬਾਈਲ ਫੋਨ ਚੁੱਕ ਕੇ ਫਰਾਰ ਹੋ ਜਾਂਦੇ ਹਨ। ਜਦੋਂ ਇਸ ਦੁਕਾਨਦਾਰ ਨੇ ਵਾਪਸ ਆ ਕੇ ਦੇਖਿਆ ਤਾਂ ਉਸ ਦੀ ਦੁਕਾਨ ਤੋਂ ਉਸ ਦਾ ਮੋਬਾਈਲ ਚੋਰੀ ਸੀ । ਇਹ ਸਾਰੀ ਘਟਨਾ ਪਿੱਛੇ ਲੱਗੇ ਸੀਸੀ ਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧ ਵਿੱਚ ਗੜ੍ਹਦੀਵਾਲਾ ਪੁਲਿਸ ਨੂੰ ਜਾਣਕਾਰੀ ਦੇ ਦਿੱਤੀ ਗਈ।