ਤਲਵਾੜਾ / ਦਸੂਹਾ 5 ਫਰਵਰੀ (ਚੌਧਰੀ) 

ਐੱਮ ਪੀ ਕੋਟੇ ਵਿੱਚੋ ਸਕੂਲ ਨੂੰ 5 ਲੱਖ ਰੁਪਏ ਦੇਣ ਦਾ ਐਲਾਨ

: ਅੱਜ ਸਰਵਹਿੱਤਕਾਰੀ ਪਬਲਿਕ ਹਾਈ ਸਕੂਲ ਅਮਰੋਹ (ਬਲਾਕ ਤਲਵਾੜਾ) ਵਿਖੇ ਸਾਲਾਨਾ ਇਨਾਮ ਵੰਡ ਸਮਾਗਮ ਕਰਵਾਇਆ ਗਿਆ। ਜਿਸ ਵਿੱਚ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਜੀ ਮੁੱਖ ਮਹਿਮਾਨ ਵਜੋਂ ਹਾਜ਼ਰ ਹੋਏ। ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਨੇ ਬੱਚਿਆਂ ਨੂੰ ਸਖ਼ਤ ਮਿਹਨਤ ਕਰਨ ਲਈ ਪ੍ਰੇਰਿਤ ਕੀਤਾ। ਸੋਮ ਪ੍ਰਕਾਸ਼ ਨੇ ਆਪਣੇ ਜੀਵਨ ਵਿੱਚ ਸਫ਼ਲਤਾ ਹਾਸਲ ਕਰਨ ਲਈ ਕਿਹਾ ਕਿ ਉਨ੍ਹਾਂ ਨੇ ਖੁਦ ਸਕੂਲ ਵਿੱਚ ਸਖ਼ਤ ਮਿਹਨਤ ਕੀਤੀ ਜਿਸ ਸਦਕਾ ਉਹ ਆਈਏਐਸ ਬਣੇ ਅਤੇ ਬਾਅਦ ਵਿੱਚ ਕਈ ਵੱਡੇ ਅਹੁਦਿਆਂ ’ਤੇ ਰਹੇ। ਇਸ ਮੌਕੇ ਉਨ੍ਹਾਂ ਵਲੋਂ ਬੱਚਿਆਂ ਨੂੰ ਇਨਾਮ ਤਕਸੀਮ ਕੀਤੇ ਗਏ। ਇਸ ਮੌਕੇ ਸੂਬਾ ਕਾਰਜਕਾਰਨੀ ਮੈਂਬਰ ਸੰਜੀਵ ਮਨਹਾਸ ਜੀ, ਸੰਗਠਨ ਮੰਤਰੀ ਰਜਿੰਦਰ ਜੀ, ਮਹੰਤ ਮਹੇਸ਼ ਪੁਰੀ ਜੀ, ਕੈਪਟਨ ਬਚਿੱਤਰ ਸਿੰਘ ਪ੍ਰਧਾਨ ਪ੍ਰਬੰਧਕ ਕਮੇਟੀ, ਪ੍ਰਿੰਸੀਪਲ ਅਸ਼ਵਨੀ ਕੁਮਾਰ, ਤਲਵਾੜਾ ਕਲਸਟਰ ਹੈੱਡ ਸ਼੍ਰੀਮਤੀ ਅੰਜੂ ਸ਼ਰਮਾ ਜੀ, ਰਘੂਨਾਥ ਰਾਣਾ, ਵਿਜੈ ਸ਼ਰਮਾ,ਹੈਪੀ ਅਮਰੋਹ ਜੀ. , ਦਲਜੀਤ ਸਿੰਘ ਜੀਤੂ, ਸਰਪੰਚ ਕੁਲਜੀਤ ਸਿੰਘ, ਮੰਡਲ ਜਨਰਲ ਸਕੱਤਰ ਰਮਨ ਕੁਮਾਰ ਗੋਲਡੀ, ਜਗਮੋਹਨ ਸ਼ਰਮਾ ਜੀ, ਸੁਭਾਸ਼ ਸ਼ਰਮਾ, ਸੋਮ ਦੱਤ ਅਮਰੋਹ, ਸ਼੍ਰੀ ਰਾਮ ਪੱਲੀ, ਦਵਿੰਦਰ ਸਿੰਘ, ਨਰੇਸ਼ ਕੁਮਾਰ, ਮੰਗਲ ਸਿੰਘ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ‘ਚ ਲ਼ੋਕ ਹਾਜ਼ਰ ਸਨ।