ਗੜ੍ਹਦੀਵਾਲਾ 29 ਅਪ੍ਰੈਲ (ਚੌਧਰੀ) 

: ਸਰਕਾਰੀ ਸੀਨੀਅਰ ਸਕੈਂਡੰਰੀ ਸਕੂਲ ਮਨਹੋਤਾ ਵਿੱਚ ਪੜੇ ਕਮਾਂਡੈਂਟ ਅਰੁਣ ਕੁਮਾਰ ਵਲੋਂ ਸਕੂਲ ਵਿੱਚ ਨਵੇਂ ਦਾਖਲ ਹੋਏ ਵਿਦਿਆਰਥੀਆਂ ਨੂੰ ਸਕੂਲ ਬੈਗ ਵੰਡੇ ਗਏ।ਪ੍ਰਿੰਸੀਪਲ ਸਰਜੀਵਨ ਕੁਮਾਰ ਜੀ ਨੇ ਦੱਸਿਆ ਕੀ ਸਕੂਲ ਲਈ ਬੜੇ ਮਾਣ ਵਾਲੀ ਗੱਲ ਹੈ ਕਿ ਇਸ ਸਕੂਲ ਵਿਚ 1973 ਵਿੱਚ ਦਸਵੀਂ ਜਮਾਤ ਪਾਸ ਕਰਨ ਤੋਂ ਬਾਦ ਭਾਰਤੀ ਸੈਨਾ ਵਿਚ ਕਮਾਂਡਰ ਦੇ ਅਹੁਦੇ ਤੋਂ ਸੇਵਾ ਮੁਕਤ ਹੋਏ ਅਰੁਣ ਕੁਮਾਰ ਵਲੋਂ ਇੱਸ ਸਕੂਲ ਵਿਚ ਨਵੇਂ ਦਾਖ਼ਲ ਹੋਏ ਵਿਦਿਆਰਥੀਆਂ ਨੂੰ ਸਕੂਲ ਬੈਗ ਦਿਤੇ ਗਏ।  ਇਸ ਮੌਕੇ ਅਰੁਣ ਕੁਮਾਰ ਵਲੋਂ ਵਿਦਿਆਰਥੀਆਂ ਨੂੰ ਸੰਬੋਧਨ ਵਿਚ ਆਪਣੇ ਜੀਵਨ ਦੇ ਕੁੱਝ ਮਹਤਵਪੁਰਨ ਪਹਿਲੂ ਸਾਂਝੇ ਕੀਤੇ ਅਤੇ ਜੀਵਨ ਵਿਚ ਨੇਕ ਰਾਹ ਤੇ ਅਗੇ ਵੱਧਣ ਲਈ ਪ੍ਰੇਰਿਤ ਕੀਤਾ।ਇਸ ਸਮੇਂ ਸਟਾਫ ਮੈਂਬਰ ਜਰਨੈਲ ਸਿੰਘ, ਕੁਲਦੀਪ ਸਿੰਘ, ਸੁਭਾਸ਼ ਚੰਦਰ, ਸੁਰਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ, ਸਤਵਿੰਦਰ ਸਿੰਘ,ਜਸਵੀਰ ਸਿੰਘ, ਸੰਜੀਵ ਕੁਮਾਰ , ਰਨਬੀਰਾ ਸਿੰਘ, ਅਨਿਲ ਕੁਮਾਰ, ਖੁਸ਼ਵੰਤ ਸਿੰਘ, ਰਛਪਾਲ ਸਿੰਘ ਉੱਪਲ, ਅੰਕੁਰ , ਅਜੈ ਕੁਮਾਰ, ਨਵਜੋਤ ਕੁਮਾਰੀ, ਮਨੋਜ ਕੁਮਾਰੀ, ਰੀਨਾ ਕੁਮਾਰੀ, ਵਰਿੰਦਰ ਕੌਰ, ਜਤਿੰਦਰ ਕੌਰ, ਸੁਜੇਤਾ ਬਾਲੀ, ਮਨਜੋਤ ਕੌਰ, ਅਤੇ ਅਰੁਣ ਕੁਮਾਰ ਦੇ ਸਪੁੱਤਰ ਅਤੇ ਦਮਾਦ ਸ਼ਮੀ ਕੁਮਾਰ ਵੀ ਹਾਜ਼ਰ ਸਨ।