ਗੜ੍ਹਦੀਵਾਲਾ (ਚੌਧਰੀ)

: ਬਾਬਾ ਦੀਪ ਸਿੰਘ ਸੇਵਾ ਦਲ ਐਡ ਵੈਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਵਲੋਂ 10 ਮਹੀਨਿਆਂ ਤੋਂ ਲਾਪਤਾ ਵੀਰ ਸੁਰਿੰਦਰ ਕੁਮਾਰ ਬੱਬੂ ਨੂੰ ਪਰਿਵਾਰ ਨਾਲ ਮਿਲਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਸ. ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਵੀਰ ਰਾਤ ਦੇ ਸਮੇਂ ਲਾਵਾਰਿਸ ਹਾਲਾਤ ਵਿਚ ਪਿੰਡ ਖੁੱਡਾ ਕੁਰਾਲਾ ਵਿਖ਼ੇ ਘੁੰਮ ਰਿਹਾ ਸੀ ਤੇ ਭਾਈ ਦਵਿੰਦਰ ਸਿੰਘ ਮੂਨਕ ਸਰਬੱਤ ਦਾ ਭਲਾ ਸੋਸਾਇਟੀ ਮੂਨਕਾਂ ਨੇ ਇਸ ਵੀਰ ਦੀ ਜਾਣਕਾਰੀ ਸੋਸਾਇਟੀ ਨੂੰ ਦਿੱਤੀ ।ਸੋਸਾਇਟੀ ਵਲੋਂ ਇਸ ਵੀਰ ਦੀ ਵੀਡਿਓ ਸ਼ੋਸ਼ਲ ਮੀਡੀਆ ਤੇ ਪਾਈ ਗਈ ਤੇ ਕੁਝ ਮਿੰਟਾਂ ਵਿਚ ਹੀ ਇਸ ਵੀਰ ਦੇ ਪਰਿਵਾਰ ਦਾ ਪਤਾ ਲੱਗ ਗਿਆ। ਉਨ੍ਹਾਂ ਦੱਸਿਆ ਕਿ ਇਹ ਵੀਰ ਦਿਮਾਗੀ ਤੌਰ ਤੇ ਠੀਕ ਨਹੀਂ ਹੈ। ਅੱਜ ਇਸ ਵੀਰ ਦਾ ਬੇਟਾ ਅਕਸ਼ੈ ਕੁਮਾਰ ਪਿੰਡ ਕਾਲੂ ਚਾਂਗ ਮੁਕੇਰੀਆਂ ਤੋਂ ਗੁਰ ਆਸਰਾ ਸੇਵਾ ਘਰ ਪਿੰਡ ਬਾਹਗਾ ਵਿਖੇ ਪਹੁੰਚਾ। ਇਸ ਨੇ ਦੱਸਿਆ ਕਿ ਇਹ 10 ਮਹੀਨਿਆਂ ਤੋਂ ਘੁੰਮ ਰਿਹਾ ਹੈ ਅਤੇ ਅਸੀਂ ਇਹਨਾਂ ਦੇ ਮਿਲਣ ਦੀ ਆਸ ਵੀ ਛੱਡ ਚੁੱਕੇ ਸੀ। ਸੋਸਾਇਟੀ ਵਲੋਂ ਇਸ ਵੀਰ ਨੂੰ ਸਹੀ ਸਲਾਮਤ ਪਰਿਵਾਰ ਦੇ ਹਵਾਲੇ ਕਰ ਦਿੱਤਾ ਗਿਆ ।ਇਸ ਮੌਕੇ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਸ ਮਨਜੋਤ ਸਿੰਘ ਤਲਵੰਡੀ, ਕੈਸ਼ੀਅਰ ਸ.ਪਰਸ਼ੋਤਮ ਸਿੰਘ ਬਾਹਗਾ, ਭਾਈ ਦਵਿੰਦਰ ਸਿੰਘ ਮੂਨਕ,ਮਨਿੰਦਰ ਸਿੰਘ, ਨੰਬਰਦਾਰ ਸਤੀਸ਼ ਕੁਮਾਰ ਕਾਲੂ ਚਾਂਗ,ਰਣਜੀਤ ਸਿੰਘ ਕਾਲੂ ਚਾਂਗ ਸਮੇਤ ਸੋਸਾਇਟੀ ਦੇ ਹੋਰ ਮੈਂਬਰ ਹਾਜ਼ਰ ਸਨ।