ਗੜ੍ਹਦੀਵਾਲਾ (ਚੌਧਰੀ)
26 ਫਰਵਰੀ : ਬਰਾਈਓ ਫਿਟਨੈਸ ਕਲੱਬ ਦੁਸੜਕਾ ਧੁੱਤਕਲਾਂ ਦੇ ਆਯੋਜਕ ਸੰਜੀਵ ਠਾਕੁਰ ਨੇ ਨੌਜਵਾਨਾਂ ਦਾ ਬਾਡੀਬਿਲਡਿੰਗ ਦੇ ਮੁਕਾਬਲੇ ਕਰਵਾਏ। ਇਨਾਂ ਮੁਕਾਬਲਿਆਂ ਵਿਚ ਆਲੇ ਦੁਆਲੇ ਅਤੇ ਵੱਖ-ਵੱਖ ਸ਼ਹਿਰਾਂ ਦੇ ਬਾਡੀ ਬਿਲਡਰਾਂ ਨੇ ਭਾਗ ਲਿਆ। ਕਰਵਾਏ ਗਏ ਮੁਕਾਬਲਿਆਂ ਵਿਚ ਜਲੰਧਰ ਦੇ ਜੱਗੇ ਨੇ ਪਹਿਲਾ, ਨੌਨਾ ਚਾਕ ਨੇ ਦੂਜਾ ਅਤੇ ਬੱਗਾ ਲੁਧਿਆਣਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਸ਼੍ਰੋਮਣੀ ਅਕਾਲੀ ਦਲ ਢੀਡਸਾ ਦੇ ਹਲਕਾ ਇੰਚਾਰਜ ਮਨਜੀਤ ਸਿੰਘ ਦਸੂਹਾ ਮੁੱਖ ਮਹਿਮਾਨ ਅਤੇ ਭਾਜਪਾ ਆਗੂ ਸਾਹਿਲ ਸਾਂਪਲਾ ਅਤੇ ਭਾਜਪਾ ਆਗੂ ਜਸਵਿੰਦਰ ਰਾਣਾ ਮੁੱਖ ਤੌਰ ’ਤੇ ਪਹੰੁਚੇ ਅਤੇ ਜੇਤੂਆਂ ਨੂੰ ਇਨਾਮ ਵੰਡੇ। ਮਨਜੀਤ ਸਿੰਘ ਦਸੂਹਾ ਨੇ ਕਿਹਾ ਕਿ ਸਮਾਜ ਵਿਚ ਨੌਜਵਾਨਾਂ ਨੂੰ ਨਸ਼ੇ ਤੋਂ ਦੂਰ ਰਖਣ ਲਈ ਅਜਿਹੇ ਮੁਕਾਬਲੇ ਕਰਵਾਉਣਾ ਬਹੁਤ ਚੰਗਾ ਉਪਰਾਲਾ ਹੈ। ਸਾਹਿਲ ਸਾਂਪਲਾ ਨੇ ਕਿਹਾ ਕਿ ਇਸ ਤਰਾਂ ਦੇ ਮੁਕਾਬਲੇ ਹਰ ਸ਼ਹਿਰ ਤੇ ਪਿੰਡ ਵਿਚ ਹੋਣੇ ਜਰੂਰੀ ਹਨ ਤਾਂ ਜੋ ਨੌਜਵਾਨ ਖੇਡਾਂ ਦੇ ਵੱਲ ਆਕਰਸ਼ਿਤ ਹੋਣ।
ਭਾਜਪਾ ਆਗੂ ਜਸਵਿੰਦਰ ਰਾਣਾ ਨੇ ਆਯੋਜਕਾਂ ਦਾ ਧੰਨਵਾਦ ਕਰਦਿਆਂ ਹਰ ਤਰਾਂ ਦੀ ਜਰੂਰੀ ਸਹਾਇਤਾ ਦਾ ਭਰੋਸਾ ਦਿੱਤਾ। ਉਨਾਂ ਕਿਹਾ ਕਿ ਨੌਜਵਾਨ ਪੀੜੀ ਦੇਸ਼ ਅਤੇ ਆਪਣਾ ਭਵਿਖ ਤੈਅ ਕਰਦੀ ਹੈ ਇਸ ਲਈ ਨੌਜਵਾਨਾਂ ਦਾ ਤੰਦਰੁਸਤ ਰਹਿਣਾ ਜਰੂਰੀ ਹੈ। ਬਰਾਇਓ ਫਿਟਨੇਸ ਕਲੱਬ ਕਸਬੇ ਵਿਚ ਨੌਜਵਾਨਾਂ ਨੂੰ ਸਿਹਤਮੰਦ ਅਤੇ ਤਾਕਤਵਰ ਰੱਖਣ ਵਿਚ ਅਹਿਮ ਯੋਗਦਾਨ ਨਿਭਾ ਰਿਹਾ ਹੈ। ਕਲੱਬ ਦੇ ਪ੍ਰਧਾਨ ਸੰਜੀਵ ਠਾਕੁਰ ਅਤੇ ਉਨਾਂ ਦੇ ਸਾਥੀਆਂ ਵਲੋਂ ਕਰਵਾਏ ਗਿਆ ਮੁਕਾਬਲਾ ਨੇਕ ਉਪਰਾਲਾ ਹੈ। ਇਸ ਮੌਕੇ ’ਤੇ ਸੰਜੀਵ ਠਾਕੁਰ, ਜਸਵਿੰਦਰ ਰਾਣਾ, ਗਰੀ ਦੁਰਿਆਂ, ਸ਼ਬੀਰ ਸਕਰਾਲਾ, ਸਮੀਰ ਸਕਰਾਲਾ, ਲੱਖਾ ਸੁਮਲ, ਰਿੱਕੀ ਠਾਕੁਰ, ਮਨਜੋਤ ਸੁਮਲ,ਲਵਦੀਪ ਸੁਮਲ, ਜੋਤੀ ਕੋਟਲੀ, ਗਗਨ ਮੁੱਸਾ,ਇਕਨੂਰ ਪੱਖੋਵਾਲ, ਜੱਸ ਪੱਖੋਵਾਲ, ਵਿਪਨ ਨੰਗਲ, ਸੰਜੀਵ ਪੰਡਿਤ, ਮਨੀ ਸੋਤਲਾ,ਅੰਕੂ ਗਿਲਾਂ,ਵਿਕਰਮ ਕਨੇਡਾ, ਜੋਤ ਇਟਲੀ, ਨੋਨਾ ਚੱਕ ਨੂਰ ਅਲੀ, ਜਗਜੀਤ , ਰੋਹਿਤ ਪੰਡੋਰੀ, ਰਾਣਾ ਨੰਗਲ,ਮਿੰਟੂ ਨੰਗਲ, ਸੀਤੂ ਧੂਤਾਂ, ਨਿੰਦੀ ਧੂਤਾਂ, ਅਨੂਪ ਧੂਤਾਂ, ਸ਼ੇਰਾ ਪੱਖੋਵਾਲ, ਸੰਨੀ, ਧਰਮਿੰਦਰ, ਮਨੀ ਸੋਤਲਾ,ਕਰਨ ਸੋਤਲਾ, ਹੈਪੀ ਕੋਟਲੀ ਆਦਿ ਹਾਜ਼ਰ ਸਨ।
