ਦਸੂਹਾ 6 ਅਗਸਤ (ਚੌਧਰੀ) 

: ਦਸੂਹਾ ਪੁਲਿਸ ਵਲੋਂ ਲੁੱਟ ਖੋਹ ਕੀਤੇ ਟਰਾਲੇ ਸਮੇਤ ਸਰੀਏ 03 ਦੋਸ਼ੀਆਂ ਨੂੰ ਕਾਬੂ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਇੰਸ. ਦਲਜੀਤ ਸਿੰਘ ਮੁੱਖ ਅਫਸਰ ਥਾਣਾ ਦਸੂਹਾ ਨੇ ਦੱਸਿਆ ਕਿ ਮਾੜੇ ਅਨਸਰਾਂ ਖਿਲਾਫ ਚਲਾਈ ਗਈ ਮੁਹਿੰਮ ਤਹਿਤ ਏ.ਐਸ.ਆਈ. ਰਾਕੇਸ਼ ਕੁਮਾਰ ਸਮੇਤ ਸਾਥੀ ਦੇ 03 ਦੋਸ਼ੀ ਜਿਹਨਾ ਨੇ ਟਰਾਲਾ ਸਮੇਤ ਸਰੀਏ ਖੋਹ ਕੀਤਾ ਸੀ ਜੋ ਦੋਸ਼ੀਆਨ ਮਨੀ ਮਿਸ਼ਾਲ ਉਰਫ ਸੰਤਾ ਪੁੱਤਰ ਮਹਿੰਦਰਪਾਲ ਵਾਸੀ ਜਮਾਲਪੁਰ ਥਾਣਾ ਸਦਰ ਫਗਵਾੜਾ ਜਿਲਾ ਕਪੂਰਥਲਾ ਕੇਅਰ ਆਫ ਗੋਰਾਇਆ ਥਾਣਾ ਗੁਰਾਇਆ ਜਿਲਾ ਜਲੰਧਰ, ਗੁਰਮੁੱਖ ਸਿੰਘ ਪੁੱਤਰ ਜਸਵਿੰਦਰ ਰਾਮ ਵਾਸੀ ਜਮਾਲਪੁਰ ਥਾਂਣਾ ਸਦਰ ਫਗਵਾੜਾ ਜਿਲਾ ਕਪੂਰਥਲਾ ਅਤੇ ਭੁਪਿੰਦਰ ਸਿੰਘ ਉਰਫ ਭਿੰਦਾ ਪੁੱਤਰ ਕਰਮ ਸਿੰਘ ਮਾਂਗਪੁਰ ਥਾਣਾ ਸਦਰ ਰਾਜਪੁਰਾ ਜਿਲਾ ਪਟਿਆਲਾ ਨੂੰ ਗ੍ਰਿਫਤਾਰ ਕੀਤਾ ਹੈ ਜੋ ਮਿਤੀ 06-07-2026 ਨੂੰ ਇਹਨਾ ਦੋਸ਼ੀਆ ਵਲੋ ਸਕਾਰਪਿਊ ਕਾਰ ਪਰ ਸਵਾਰ ਹੋਕੇ ਟਰਾਲਾ ਨੰਬਰੀ HR 58 F 7509 ਮਾਰਕਾ ਮਹਿੰਦਰਾ ਨੂੰ ਉੱਚੀ ਬੱਸੀ ਪਾਸ ਘੇਰ ਕੇ ਟਰਾਲੇ ਦੇ ਡਰਾਇਵਰ ਨੂੰ ਧਮਕਾ ਕੇ ਬੰਦਕ ਬਣਾ ਕੇ ਟਰਾਲਾ ਸਮੇਤ ਸਰੀਏ ਕ੍ਰੀਬ 40 ਟੰਨ ਨੂੰ ਖੋਹ ਕੀਤਾ ਸੀ। ਜਿਸਤੇ ਮੁਕੱਦਮਾ ਨੰਬਰ 151 ਮਿਤੀ 15-07-2026 U/S 304, 127 (2), 351 (2), 3 (5) ਬੀ ਐਨ ਐਸ ਥਾਣਾ ਦਸੂਹਾ ਦਰਜ ਕੀਤਾ ਗਿਆ ਤੇ ਮੁਕੱਦਮਾ ਦੀ ਤਫਤੀਸ਼ ਦੋਰਾਨ ਮਨੀ ਮਿਸ਼ਾਲ ਉਰਫ ਸੰਤਾ, ਗੁਰਮੁੱਖ ਸਿੰਘ ਅਤੇ ਭੁਪਿੰਦਰ ਸਿੰਘ ਉਰਫ ਭਿੰਦਾ ਨੂੰ ਗ੍ਰਿਫਤਾਰ ਕੀਤਾ ਹੈ ਤੇ ਦੋਸ਼ੀਆ ਪਾਸੋਂ ਵਾਰਦਾਤ ਵਿੱਚ ਵਰਤੀ ਸਕਾਰਪਿਉ ਕਾਰ ਨੰਬਰੀ PB-11-BT-7788 ਅਤੇ ਸਰੀਏ ਨੂੰ ਖੁਰਦ ਬੁਰਦ ਕਰਕੇ ਮੁਨਾਫਾ ਕੀਤਾ 16 ਲੱਖ 60 ਹਜਾਰ ਰੁਪਏ ਨੂੰ ਬ੍ਰਾਮਦ ਕੀਤਾ ਹੈ ਤੇ ਖੋਹ ਕੀਤਾ ਟਰਾਲਾ ਨੰਬਰੀ ਨੂੰ ਵੀ ਬ੍ਰਾਮਦ ਕੀਤਾ ਹੈ। ਗ੍ਰਿਫਤਾਰ ਦੋਸ਼ੀਆਨ ਪਾਸੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਜਿਹਨਾ ਦਾ ਰਿਮਾਂਡ ਹਾਸਲ ਕਰਕੇ ਹੋਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।