ਦਸੂਹਾ 18 ਸਤੰਬਰ (ਚੌਧਰੀ) 

ਹਾਦਸੇ ਵਿਚ ਦੋ ਟਰੱਕ, ਤਿੰਨ ਕਾਰਾਂ ਸਮੇਤ ਇੱਕ ਐਕਟਿਵਾ ਦਾ  ਹੋਇਆ ਨੁਕਸਾਨ 

: ਅੱਜ ਦਸੂਹਾ ਵਿਖੇ ਜਲੰਧਰ ਪਠਾਨਕੋਟ ਨੈਸ਼ਨਲ ਹਾਈਵੇ ਤੇ ਇੱਕ ਮਾਰੂਤੀ ਏਜੇਂਸੀ ਦੇ ਨਜ਼ਦੀਕ ਇੱਕ ਤੋਂ ਬਾਅਦ ਇੱਕ ਕੁਲ 6 ਵਾਹਨ ਵਾਹਨ ਆਪਸ ਵਿੱਚ ਟਕਰਾ ਗਏ।  ਇਸ ਹਦਸੇ ਵਿਚ ਵਾਹਨਾਂ ਦੀ ਚਪੇਟ ਵਿਚ ਆਏ ਇਕ ਐਕਟਿਵਾ ਸਵਾਰ ਵਿਜੇ ਕੁਮਾਰ ਨਾਮਕ ਵਿਅਕਤੀ ਜਖਮੀ ਹੋ ਗਿਆ ਅਤੇ ਹੋਰ ਵਾਹਨਾਂ ਦੇ ਚਾਲਕ ਸੁਰੱਖਿਅਤ ਹਨ। ਆਪਸ ਵਿਚ ਟਕਰਾਏ ਸਾਰੇ ਵਾਹਨ ਪਠਾਨਕੋਟ ਵਲੋਂ ਆ ਰਹੇ ਸਨ। ਹਾਦਸੇ ਵਿੱਚ ਦੋ ਟਰੱਕ ਤਿੰਨ ਕਾਰਾਂ ਸਮੇਤ ਇੱਕ ਐਕਟਿਵਾ ਦਾ ਨੁਕਸਾਨ ਹੋਇਆ ਹੈ। ਮੌਕੇ ‘ਤੇ ਪਹੁੰਚੇ ਟ੍ਰੈਫਿਕ ਕਰਮਚਾਰੀਆਂ ਦੀ ਮਦਦ ਨਾਲ ਨੁਕਸਾਨੇ ਵਾਹਨ ਹਾਈਵੇ ਤੋਂ ਸਾਈਡ ਕਰਵਾ ਕੇ ਟ੍ਰੈਫਿਕ ਨੂੰ ਸੁਚਾਰੂ ਕੀਤਾ ਗਿਆ। ਇਸ ਸਬੰਧੀ ਰਾਹਗੀਰ ਅਸ਼ੋਕ ਕੁਮਾਰ, ਮਲਕੀਤ ਸਿੰਘ, ਸੁਭਾਸ਼ ਕੁਮਾਰ ਅਤੇ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਇਹ ਹਾਦਸਾ ਅੱਜ ਸਵੇਰੇ 9 ਵਜੇ ਦੇ ਕਰੀਬ ਹੋਇਆ। ਉਨ੍ਹਾਂ ਦੱਸਿਆ ਕਿ ਪਠਾਨਕੋਟ ਵਲੋਂ ਆ ਰਹੇ ਤੇਜ ਰਫਤਾਰ ਸਾਰੀ ਗੱਡੀਆਂ ਜਦੋਂ ਸਿਨੇਮਾ ਚੌਕ ਤੋਂ ਪਿਛਲੇ ਚੌਂਕ ਵਿਚ ਪੁੱਜਿਆ ਤਾਂ ਚੌਂਕ ਦੀ ਟ੍ਰੈਫਿਕ ਲਾਈਟ ਤੇ ਰੈਡ ਲਾਈਟ ਸਿਗਨਲ ਹੋਣ ਤੇ ਆਏ ਚੱਲ ਰਹੇ ਟਰੱਕ ਨੇ ਜਕਦਮ ਬ੍ਰੇਕ ਲੱਗਾ ਦਿੱਤੀ ਅਤੇ ਪਿੱਛੇ ਆਉਣ ਵਾਲ ਗੱਡੀਆਂ ਇੱਕ ਦੂਜੇ ਦੇ ਪਿਛੇ ਟਕਰਾ ਗਈਆਂ। ਹਾਦਸੇ ਤੋਂ ਬਾਅਦ ਟ੍ਰੈਫਿਕ ਪੁਲਿਸ ਇੰਚਾਰਜ ਮਲਕੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਟੀਮ ਨੇ ਟਕਰਾਏ ਵਾਹਨਾਂ ਦੇ ਚਾਲਕਾਂ ਦੇ ਬਿਆਨ ਦਰਜ ਕੀਤੇ ਗਏ ਹਨ ਅਤੇ ਹਾਦਸੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।ਇਸ ਘਟਨਾ ਚ ਜਖਮੀ ਐਕਟਿਵਾ ਸਵਾਰ ਵਿਜੇ ਕੁਮਾਰ ਦੇ ਪੈਰ ਤੇ ਚੋਟ ਆਈ ਸੀ ਜਿਸਨੂੰ ਸਿਵਲ ਹਸਪਤਾਲ ਦਸੂਹਾ ਵਿਖੇ ਇਲਾਜ ਲਈ ਪਹੁੰਚਾਇਆ ਗਿਆ।