ਗੜ੍ਹਦੀਵਾਲਾ(ਚੌਧਰੀ) 

ਬਾਬਾ ਦੀਪ ਸਿੰਘ ਸੇਵਾ ਸੁਸਾਇਟੀ ਨੇ ਲਾਪਤਾ ਮਾਤਾ ਨੂੰ ਪਰਿਵਾਰ ਨਾਲ ਮਿਲਾਇਆ

11 ਅਕਤੂਬਰ :  ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਵਲੋਂ ਇਕ ਮਹੀਨਾ ਪਹਿਲਾਂ ਹੈਦਰਾਬਾਦ ਤੋ ਲਾਪਤਾ ਹੋਈ ਮਾਤਾ ਨੂੰ ਉਸ ਦੇ ਬੇਟੇ ਨਾਲ ਮਿਲਾਇਆ ਹੈ। ਸੰਸਥਾਂ ਦੇ ਪ੍ਰਧਾਨ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਮਾਤਾ ਅੱਜ ਤੋ 20 ਕੁ ਦਿਨ ਪਹਿਲਾ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਲਵਾਰਿਸ ਹਾਲਤ ਵਿਚ ਮਿਲੀ ਸੀ। ਜੀ.ਐਨ.ਏ. ਫੈਕਟਰੀ ਮੋਹਟੀਆਣਾ ਤੋ ਵੀਰ ਇਸ ਮਾਤਾ ਨੂੰ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਛੱਡ ਗਏ ਸਨ। ਫਿਰ ਇਸ ਮਾਤਾ ਦੀ ਦੇਖ ਭਾਲ ਸੰਸਥਾਂ ਵਲੋ ਹਸਪਤਾਲ ਵਿਚ ਹੀ ਕੀਤੀ ਜਾ ਰਾਹੀ ਸੀ। ਮਾਤਾ ਦੱਖਣੀ ਭਾਰਤ ਤੋ ਹੋਣ ਕਾਰਨ ਇਸ ਦੀ ਭਾਸ਼ਾ ਸਮਝ ਨਹੀ ਆ ਰਹੀ ਸੀ। ਫਿਰ ਮਾਤਾ ਦੀ ਖਬਰ ਅਖਬਾਰ ਵਿਚ ਲਗਵਾਈ ਗਈ,ਜਿਸ ਨੂੰ ਉੜੀਸਾ ਤੋ ਆਕੇ ਹੁਸ਼ਿਆਰਪੁਰ ਰਹਿ ਰਹੇ ਸ਼ੇਖ ਮਨਾਨ ਜੋਕਿ ਹੁਸ਼ਿਆਰਪੁਰ ਅਹਿਮਦੀਆ ਮੁਸਲਿਮ ਜਮਾਤ ਸੰਸਥਾਂ ਤੋ ਸੀ,ਜਿਸ ਨੇ ਇਸ ਮਾਤਾ ਦੇ ਘਰ ਲੱਭਣ ਵਿਚ ਸੰਸਥਾਂ ਦੀ ਮਦਦ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਅੱਜ ਇਸ ਮਾਤਾ ਨੂੰ ਲੈਣ ਲਈ ਇਸ ਦਾ ਬੇਟਾ ਹੈਦਰਾਬਾਦ ਤੋ ਹੁਸ਼ਿਆਰਪੁਰ ਪਹੁਚਿਆ। ਇਸ ਮੌਕੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਤੋ ਇਲਾਵਾ ਖਜਾਨਚੀ ਪਰਸੋਤਮ ਸਿੰਘ ਬਾਹਗਾ,ਸ਼ੇਖ ਮਨਾਨ,ਮਨਿੰਦਰ ਸਿੰਘ,ਗੁਰਵਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ,ਮਨਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ।

ਫੋਟੋ : ਮਾਤਾ ਨੂੰ ਪਰਿਵਾਰ ਨਾਲ ਮਿਲਾਉਦੇ ਹੋਏ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਤੇ ਹੋਰ।