ਦਸੂਹਾ(ਚੌਧਰੀ) 

ਐਸ ਬੀ ਆਈ ਬ੍ਰਾਂਚ ਦੇ ਏ ਟੀ ਐਮ ‘ਚ ਚੋਰੀ ਕਰਨ ਦੀ ਕੋਸ਼ਿਸ਼

25 ਅਗਸਤ : ਦਸੂਹਾ ਦੇ ਪਿੰਡ ਝਿੰਗੜ ਕਲਾਂ ਚ ਸਥਿਤ ਐਸ ਬੀ ਆਈ ਦੀ ਬ੍ਰਾਂਚ ਦੇ ਲੱਗੇ ਏ ਟੀ ਐਮ ਵਿੱਚ ਚੋਰਾਂ ਵਲੋਂ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਇਸ ਸਬੰਧੀ ਬ੍ਰਾਂਚ ਮੈਨੇਜਰ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਅੱਜ ਸਵੇਰੇ ਜਦੋਂ ਅਸੀਂ ਬੈਕ ਵਿਚ ਆਏ ਤਾਂ ਵੇਖਿਆ ਕਿ ਏ ਟੀ ਐਮ ਨੂੰ ਲਗਾਏ ਸ਼ਟਰ ਦੇ ਕੁਝ ਹਿੱਸੇ ਨੂੰ ਗੈਸ ਕਟਰ ਨਾਲ ਕੱਟਿਆ ਹੋਇਆ ਸੀ। ਇਸ ਸਬੰਧੀ ਅਸੀਂ ਸੀ ਸੀ ਟੀ ਵੀ ਕੈਮਰੇ ਵੀ ਚੈਕ ਕਰ ਰਹੇ ਹਾਂ। ਬ੍ਰਾਂਚ ਨਜਦੀਕ ਰਹਿ ਰਹੇ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਕਰੀਬ ਦੋ ਵਜੇ ਇਕ ਗੱਡੀ ਦੀ ਅਵਾਜ਼ ਆਈ ਉਨਾਂ ਸਮਝਿਆ ਕਿ ਬੈੰਕ ਵਿਚ ਲੱਗੇ ਜਨਰੇਟਰ ਵਿਚ ਪਹਿਲਾਂ ਦੀ ਤਰ੍ਹਾਂ ਤੇਲ ਪਾਉਣ ਲਈ ਆਏ ਹਨ। ਇਸ ਲਈ ਬਹੁਤਾ ਧਿਆਨ ਨਹੀਂ ਦਿੱਤਾ ਗਿਆ। ਇਸ ਸਬੰਧੀ ਦਸੂਹਾ ਡੀ ਐਸ ਪੀ ਬਲਵੀਰ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਬੈਂਕ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਡੀਜਾਇਰ ਕਾਰ ਵਿੱਚ ਆਏ ਤਿੰਨ ਵਿਅਕਤੀਆਂ ਦਿਖਾਈ ਦੇ ਰਹੇ ਹਨ। ਇਸ ਸਬੰਧੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਉਨਾ ਦੱਸਿਆ ਕਿ ਬੈਂਕ ਦੇ ਚੀਫ ਸਕਿਉਰਿਟੀ ਅਫਸਰ ਨਾਲ ਗੱਲਬਾਤ ਕਰਨ ਤੇ ਪਤਾ ਚਲਿਆ ਹੈ ਕਿ ਇਹ ਗਿਰੋਹ ਹੋਰਨਾਂ ਜਿਲਿਆਂ ਵਿਚ ਵੀ ਇਸ ਤਰ੍ਹਾਂ ਦੀ ਹਰਕਤ ਕਰ ਚੁੱਕਾ ਹੈ। ਡੀ ਐਸ ਪੀ ਦਸੂਹਾ ਅਤੇ ਐਸ ਐਚ ਓ ਵਿਕਰਮਜੀਤ ਸਿੰਘ ਵਲੋਂ ਮੌਕੇ ਤੇ ਪਹੁੰਚ ਕੇ ਇਸ ਘਟਨਾ ਦੀ ਜਾਂਚ ਪੜਤਾਲ ਕੀਤੀ ਗਈ।