ਗੜ੍ਹਦੀਵਾਲਾ(ਚੌਧਰੀ) 

ਪਿੰਡ ਬਾਹਟੀਵਾਲ ਵਿਖੇ ਜਾਗਰਣ ਕਰਵਾਇਆ 

4 ਅਕਤੂਬਰ : ਬਾਬਾ ਰਾਮਜੀ ਸੂਫੀ ਲੇਖਕ ਅਤੇ ਗੱਦੀਨਸ਼ੀਨ ਦਰਬਾਰ ਸ਼੍ਰੀ ਬਾਲਾ ਜੀ ਬਹਾਟੀਵਾਲ ਵੱਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਅਸ਼ਟਮੀ ਦੀ ਪਾਵਨ ਰਾਤ ਮਾਤਾ ਵੈਸ਼ਨੋ ਦੇਵੀ ਜੀ ਦਾ ਜਾਗਰਣ ਕਰਵਾਇਆ ਗਿਆ। ਜਿਸ ਵਿੱਚ ਗਾਇਕ ਨਰਾਇਣ ਚੰਦ ਐਂਡ ਪਾਰਟੀ ਅਤੇ ਨਿਸ਼ੂ ਨਿਕਸ ਵੱਲੋਂ ਸਾਰੀ ਰਾਤ ਮਹਾਂਮਾਈ ਦਾ ਗੁਣਗਾਨ ਕੀਤਾ ਗਿਆ। ਜਾਗਰਣ ਵਿੱਚ ਮਹਾਂਮਾਈ ਵੈਸ਼ਨੋ ਦੇਵੀ, ਮਾਂ ਕਾਲੀ ਅਤੇ ਭੈਰੋਂ ਬਾਬਾ, ਬਜਰੰਗ ਬਲੀ, ਮਾਤਾ ਲਕਸ਼ਮੀ ਦੀਆਂ ਸੁੰਦਰ ਝਾਕੀਆਂ ਸਜਾਈਆਂ ਗਈਆਂ। ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਸ. ਅਰਵਿੰਦਰ ਸਿੰਘ ਰਸੂਲਪੁਰ ਸ਼ਾਮਿਲ ਹੋਏ ਜਦਕਿ ਬਾਬਾ ਬਾਲੀ ਜੀ ਸ਼ਾਮ ਚੌਰਾਸੀ ਅਤੇ ਬਾਬਾ ਸਾਬੀ ਜੀ ਸਰਕਾਰ ਵਿਸ਼ੇਸ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਬਾਬਾ ਰਾਮਜੀ ਵੱਲੋਂ ਆਏ ਹੋਏ ਮਹਿਮਾਨਾਂ ਦਾ ਸਿਰਪਾਓ ਅਤੇ ਯਾਦ ਚਿੰਨ੍ਹ ਭੇਟ ਕਰਕੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਸ. ਅਰਵਿੰਦਰ ਸਿੰਘ ਰਸੂਲਪੁਰ ਵੱਲੋਂ ਸੰਗਤਾਂ ਨੂੰ ਜਾਗਰਣ ਦੀਆਂ ਵਧਾਈਆਂ ਦਿੱਤੀਆਂ ਗਈਆਂ ਅਤੇ ਕਿਹਾ ਕਿ ਸਾਨੂੰ ਪ੍ਰਮਾਤਮਾ ਦਾ ਗੁਣਗਾਨ ਕਰਦੇ ਰਹਿਣਾ ਚਾਹੀਦਾ ਹੈ ਧਾਰਮਿਕ ਪ੍ਰੋਗਰਾਮ ਸਾਡੇ ਜੀਵਨ ਨੂੰ ਸੇਧ ਦਿੰਦੇ ਹਨ, ਸਾਨੂੰ ਸੱਚੇ ਮਨ ਨਾਲ ਸਿਮਰਨ ਕਰਕੇ ਆਪਣਾ ਜੀਵਨ ਸਫਲ ਬਣਾਉਣਾ ਚਾਹੀਦਾ ਹੈ। ਇਸ ਮੌਕੇ ਸਰਪੰਚ ਜੈ ਪਾਲ ਸ਼ਰਮਾਂ, ਨੰਬਰਦਾਰ ਦਲਜੀਤ ਕੁਮਾਰ, ਸੰਮਤੀ ਮੈਂਬਰ ਸਰਵਨ ਸਿੰਘ, ਸਰਪੰਚ ਬਲਵਿੰਦਰ ਸਿੰਘ, ਵਿਵੇਕ ਗੁਪਤਾ, ਚੌਂਕੀਦਾਰ ਹਜ਼ਾਰਾ ਰਾਮ, ਗੀਤਕਾਰ ਝਾਂਸਾਂਵਾਲਾ, ਕੁਲਵੀਰ ਸਿੰਘ, ਡਾ. ਦੀਪਕ, ਡਾ. ਹਰਵਿੰਦਰ, ਰਮਨ ਕੁਮਾਰ, ਪੰਚ ਰਜਿੰਦਰ ਕੁਮਾਰ, ਪੰਚ ਆਸ਼ਾ ਰਾਣੀ, ਦੇਸ ਰਾਜ, ਵਿਜੈ ਕੁਮਾਰ, ਮੋਤੀ ਲਾਲ, ਮਹਿੰਦਰ ਪਾਲ, ਬਲਦੇਵ ਸਿੰਘ, ਓਮਪਾਲ, ਬਲਦੇਵ ਸਿੰਘ, ਤਰਸੇਮ ਸਿੰਘ ਸਮੇਤ ਸੰਗਤਾਂ ਹਾਜ਼ਰ ਸਨ। ਇਸ ਮੌਕੇ ਸੰਗਤਾਂ ਲਈ ਵਿਸ਼ਾਲ ਲੰਗਰ ਵੀ ਲਗਾਏ ਗਏ।