ਗੜ੍ਹਦੀਵਾਲਾ (ਚੌਧਰੀ / ਪ੍ਰਦੀਪ ਕੁਮਾਰ )
: ਕੰਢੀ ਕਨਾਲ ਨਹਿਰ ਪਿੰਡ ਭੱਟਲਾਂ ਨਜ਼ਦੀਕ ਸਾਈਫਨ ਵਿਚੋਂ ਇਕ ਔਰਤ ਦੀ ਗਲੀ ਸੜੀ ਹਾਲਤ ‘ਚ ਲਾ+ਸ਼ ਬਰਾਮਦ ਹੋਈ ਹੈ। ਜਿਸ ਦੀ ਸ਼ਨਾਖਤ ਨਹੀਂ ਹੋ ਸਕੀ ਹੈ।
ਇਸ ਸਬੰਧੀ ਮਿਲੀ ਜਾਣਕਾਰੀ ਅਨੁਸਾਰ ਬੀਤੇ ਕੱਲ ਸਵੇਰੇ ਕੁਝ ਵਿਅਕਤੀਆਂ ਵੱਲੋਂ ਨਹਿਰ ਦੇ ਪਾਣੀ ‘ਤੇ ਲਾ+ਸ਼ ਤੈਰਦੀ ਹੋਈ ਦੇਖੀ ਗਈ। ਜਿਸ ਦੀ ਜਾਣਕਾਰੀ ਪਿੰਡ ਦੇ ਸਰਪੰਚ ਨੂੰ ਦਿੱਤੀ ਗਈ।ਪਿੰਡ ਦੇ ਸਰਪੰਚ ਮੌਕੇ ‘ਤੇ ਪਹੁੰਚੇ ਅਤੇ ਇਸ ਸਬੰਧੀ ਗੜ੍ਹਦੀਵਾਲਾ ਪੁਲਸ ਨੂੰ ਸੂਚਿਤ ਕੀਤਾ ਗਿਆ। ਸੂਚਨਾ ਮਿਲਦੇ ਐਸ. ਐੱਚ. ਓ. ਪਰਮਿੰਦਰ ਸਿੰਘ ਧੂਤ ਪੁਲਿਸ ਪਾਰਟੀ ਨੂੰ ਨਾਲ ਲੈ ਕੇ ਮੌਕੇ ‘ਤੇ ਪਹੁੰਚੇ ਅਤੇ ਬਾਬਾ ਦੀਪ ਸਿੰਘ ਐਂਡ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਟੀਮ ਦੀ ਮਦਦ ਨਾਲ ਔਰਤ ਦੀ ਲਾ+ਸ਼ ਨੂੰ ਨਹਿਰ ‘ਚੋਂ ਬਾਹਰ ਕਢਵਾਇਆ ਗਿਆ।
ਇਸ ਸਬੰਧੀ ਐੱਸ.ਐੱਚ.ਓ.ਪਰਮਿੰਦਰ ਸਿੰਘ ਧੂਤ ਨੇ ਦੱਸਿਆ ਕਿ ਔਰਤ ਦੀ ਲਾ+ਸ਼ ਕਾਫੀ ਗਲੀ ਸੜੀ ਹੋਈ ਸੀ, ਜਿਸਦੀਸ਼ਨਾਖਤ ਨਹੀਂ ਹੋ ਸਕੀ ਹੈ। ਉਨ੍ਹਾਂ ਦੱਸਿਆ ਕਿ ਲਾਸ਼ ਦੀ ਸ਼ਨਾਖਤ ਲਈ ਮੁਕੇਰੀਆਂ ਹਾਜੀਪੁਰ ਤਲਵਾੜਾ ਆਦਿ ਸਬੰਧਤ ਥਾਣਿਆਂ ਨੂੰ ਸੁਚਿਤ ਕੀਤਾ ਗਿਆ ਹੈ। ਫਿਲਹਾਲ ਲਾ+ਸ਼ ਨੂੰ ਸ਼ਨਾਖਤ ਲਈ ਸਿਵਲ ਹਸਪਤਾਲ ਦਸੂਹਾ ਵਿਖੇ ਰੱਖਿਆ ਗਿਆ ਹੈ।
