ਬਟਾਲਾ, 1 ਸਤੰਬਰ (ਅਵਿਨਾਸ਼ ਸ਼ਰਮਾ)

: ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ (ਗੁਰਦਾਸਪੁਰ) ਬਟਾਲਾ ਇਕਾਈ ਦੀ ਮਹੱਤਵਪੂਰਣ ਮੀਟਿੰਗ ਗੁਰਦੁਆਰਾ ਅਰਬਨ ਅਸਟੇਟ ਵਿਖੇ ਜਨਰਲ ਸਕੱਤਰ ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਅਤੇ ਜ਼ਿਲਾ ਪ੍ਰਧਾਨ ਬਲਰਾਜ ਸਿੰਘ ਬਾਜਵਾ ਦੀ ਅਗਵਾਈ ਵਿੱਚ ਹੋਈ।

ਮੀਟਿੰਗ ਦੌਰਾਨ ਸੀਨੀਆਰਤਾ ਸੂਚੀ 2025 ਵਿੱਚ ਹੋਈਆਂ ਤਰੁੱਟੀਆਂ ਨੂੰ ਦਰੁਸਤ ਕਰਨ, 2018 ਦੇ ਨਿਯਮ ਰੱਦ ਕਰਕੇ ਨਵੀਆਂ ਸੋਧਾਂ ਲਾਗੂ ਕਰਨ, 3 ਸਤੰਬਰ ਨੂੰ ਸੰਗਰੂਰ ਵਿਖੇ ਰੋਸ ਧਰਨਾ ਸਫਲ ਬਣਾਉਣ ਅਤੇ 2015 ਦੀ ਸੀਨੀਆਰਤਾ ਸੂਚੀ ਅਨੁਸਾਰ ਪ੍ਰਿੰਸੀਪਲ ਪਦਉਨਤੀਆਂ ਜਲਦੀ ਕਰਨ ਸਮੇਤ ਕਈ ਅਹਿਮ ਮਸਲਿਆਂ ’ਤੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ।

ਇਸ ਮੌਕੇ ਪ੍ਰੋਮੋਸ਼ਨ ਫਰੰਟ ਵੱਲੋਂ ਲੈਕ ਗੁਰਮੀਤ ਸਿੰਘ ਭੋਮਾ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਇਸ ਤੋਂ ਇਲਾਵਾ ਲੈਕ ਤਰਸੇਮ ਪਾਲ ਸ਼ਰਮਾ, ਪ੍ਰਭਜੋਤ ਸਿੰਘ, ਅਜੇ ਅਰੋੜਾ, ਜੋਗਿੰਦਰ ਸਿੰਘ, ਭੁਪਿੰਦਰ ਸਿੰਘ, ਜੇ.ਪੀ. ਸਿੰਘ ਅਤੇ ਜਤਿੰਦਰ ਸਿੰਘ ਵੀ ਹਾਜ਼ਰ ਰਹੇ।