ਬਟਾਲਾ 22 ਅਗਸਤ (ਅਵਿਨਾਸ਼ ਸ਼ਰਮਾ )
–ਸਿਵ ਬਟਾਲਾਵੀ ਦੇ ਮੁਹੱਲੇ ਪ੍ਰੇਮ ਨਗਰ ਦਾਰਾ ਸਲਾਮ ਪ੍ਰੇਮ ਨਗਰ ਦੇ ਦਰਵਾਜ਼ਿਆਂ ਅਤੇ ਐਂਟਰੀ ਗੇਟਾਂ ਨੂੰ ਨਵੀਂ ਰੌਣਕ ਬਖ਼ਸ਼ਣ ਲਈ ਰਾਈਟ ਸਾਈਡ ਐਂਟੀ ਕ੍ਰਾਈਮ ਐਸੋਸੀਏਸ਼ਨ ਦੇ ਚੇਅਰਮੈਨ ਧੀਰੇਜ ਵਰਮਾ ਵੱਲੋਂ ਵਿਸ਼ੇਸ਼ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਇਸ ਮੁਹਿੰਮ ਦੇ ਅਧੀਨ ਅੱਜ ਰੇਲਵੇ ਰੋਡ ਬਟਾਲਾ ਦੀ ਮੁੱਖ ਐਂਟਰੀ ਗੇਟ ‘ਤੇ ਸਾਫ਼–ਸਫ਼ਾਈ ਅਤੇ ਰੰਗ–ਰੋਗਨ ਦਾ ਕੰਮ ਜੰਗੀ ਪੱਧਰ ‘ਤੇ ਕਰਵਾਇਆ ਜਾ ਰਿਹਾ ਹੈ।
ਇਹ ਗੇਟ, ਜੋ ਕਿ ਬਿਰਹਾ ਦੇ ਸੁਲਤਾਨ ਸ਼ਿਵ ਕੁਮਾਰ ਬਟਾਲਵੀ ਮਹੱਲਾ – ਦਾਰਾ ਸਲਾਮ ਪ੍ਰੇਮ ਨਗਰ ਨਾਲ ਸੰਬੰਧਿਤ ਹੈ, ਅੱਤਵਾਦ ਦੇ ਸਮੇਂ ਲਗਾਏ ਗਏ ਸਨ। ਲੰਮੇ ਸਮੇਂ ਤੋਂ ਬੇਸਹਾਰਾ ਪਏ ਇਸ ਗੇਟ ਦਾ ਹੁਣ ਪਹਿਲੀ ਵਾਰ ਸੁਧਾਰ ਹੋ ਰਿਹਾ ਹੈ। ਸਫ਼ਾਈ ਅਤੇ ਰੰਗ–ਰੋਗਨ ਨਾਲ ਇਹ ਐਂਟਰੀ ਗੇਟ ਨਾ ਸਿਰਫ਼ ਸ਼ਹਿਰ ਦੀ ਪਹਿਚਾਣ ਬਣੇਗਾ ਸਗੋਂ ਨਵੀਂ ਪੀੜ੍ਹੀ ਲਈ ਇਤਿਹਾਸ ਅਤੇ ਸੱਭਿਆਚਾਰ ਦੀ ਯਾਦ ਵੀ ਤਾਜ਼ਾ ਕਰੇਗਾ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ 15 ਅਗਸਤ ਦੇ ਅਵਸਰ ‘ਤੇ ਧੀਰੇਜ ਵਰਮਾ ਵੱਲੋਂ ਡੀ.ਬੀ.ਐਨ. ਰੋਡ ‘ਤੇ ਸਥਿਤ ਸ਼ਿਵ ਕੁਮਾਰ ਬਟਾਲਵੀ ਮਹੱਲਾ ਦੇ ਗੇਟ ਦੀ ਸਫ਼ਾਈ, ਰੰਗ–ਰੋਗਨ ਤੇ ਗਮਲਿਆਂ ਦੀ ਸਜਾਵਟ ਕਰਵਾਈ ਗਈ ਸੀ। ਇਹ ਸਭ ਕਾਰਜ ਇਲਾਕੇ ਦੇ ਰਹਿਣ ਵਾਲਿਆਂ ਦੀ ਪੂਰੀ ਸਹਿਮਤੀ ਤੇ ਸਹਿਯੋਗ ਨਾਲ ਕੀਤੇ ਗਏ, ਜਿਸ ਦੀ ਸਥਾਨਕ ਵਾਸੀਆਂ ਵੱਲੋਂ ਖ਼ੂਬ ਸਰਾਹਨਾ ਕੀਤੀ ਗਈ।
ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਧੀਰੇਜ ਵਰਮਾ ਦੇ ਉਪਰਾਲੇ ਨਾਲ ਨਾ ਸਿਰਫ਼ ਸ਼ਹਿਰ ਦੇ ਦਰਵਾਜ਼ੇ ਅਤੇ ਮਹੱਲਿਆਂ ਦੀ ਸੋਭਾ ਵਧ ਰਹੀ ਹੈ, ਸਗੋਂ ਲੋਕਾਂ ਵਿੱਚ ਆਪਣੇ ਸ਼ਹਿਰ ਪ੍ਰਤੀ ਮਾਣ ਅਤੇ ਜੁੜਾਵ ਦੀ ਭਾਵਨਾ ਵੀ ਮਜ਼ਬੂਤ ਹੋ ਰਹੀ ਹੈ। ਉਨ੍ਹਾਂ ਨੇ ਮੰਗ ਕੀਤੀ ਕਿ ਸ਼ਹਿਰ ਦੇ ਹੋਰ ਗੇਟਾਂ ਅਤੇ ਮੁੱਖ ਰਸਤੇ ਵੀ ਇਸੇ ਤਰ੍ਹਾਂ ਨਵੀਂ ਰੌਣਕ ਨਾਲ ਸਜਾਏ ਜਾਣ ਤਾਂ ਜੋ ਬਟਾਲਾ ਦੀ ਪਹਿਚਾਣ ਹੋਰ ਚਮਕੇ। ਇਸ ਮੌਕੇ ਤੇ ਅਸ਼ਵਨੀ, ਵਿਜੇ ਮਹਾਜਨ, ਕ੍ਰਿਸ਼ਨ, ਨੀਰਜ ਮਹਾਜਨ, ਬੋਧਰਾਜ,ਸਾਬੀ ਸਹਿਦੇਵ, ਬਲਦੇਵ ਸਿੰਘ,ਰਾਜ ਕੁਮਾਰ ਰਾਜੂ , ਬਲਵੰਤ ਸਿੰਘ ਰਾਜੂ ਅਤੇ ਪ੍ਰਿੰਸ ਸਹਿਦੇਵ ਹਾਜ਼ਰ ਸਨ।
