ਬਟਾਲਾ (ਅਵਿਨਾਸ਼ ਸ਼ਰਮਾ )
: ਬਟਾਲਾ ਸ਼ਹਿਰ ਦੀ ਹਕੀਕਤ ਇਸ ਕਦਰ ਦਿਲ ਦਹਿਲਾਉਣ ਵਾਲੀ ਹੈ ਕਿ ਕਿਸੇ ਵੀ ਪਾਸੇ ਸੜਕ ’ਤੇ ਨਿਕਲੋ ਤਾਂ ਕੂੜੇ ਦੇ ਢੇਰ ਅਤੇ ਗੰਦਗੀ ਦੇ ਮੰਜ਼ਰ ਸਾਹਮਣੇ ਆ ਜਾਣਗੇ। ਇਹ ਤਸਵੀਰ ਬਿਜਲੀ ਘਰ ਦੇ ਸਾਹਮਣੇ, ਗੁਰਦਾਸਪੁਰ ਰੋਡ ’ਤੇ ਕੈਮਰੇ ਵਿੱਚ ਕੈਦ ਕੀਤੀ ਗਈ ਹੈ, ਜਿੱਥੇ ਸੜਕ ਕੂੜੇ ਨਾਲ ਅਟਾਲੀ ਪਈ ਹੈ। ਸ਼ਹਿਰ ਦੀਆਂ ਹੋਰ ਗਲੀਆਂ ਦਾ ਹਾਲ ਵੀ ਕੋਈ ਵੱਖਰਾ ਨਹੀਂ।
ਮਿਊਂਸਪਲ ਕਾਰਪੋਰੇਸ਼ਨ ਬਟਾਲਾ ਵੱਲੋਂ ਹਰ ਰੋਜ਼ ਸ਼ਹਿਰ ਨੂੰ ਸੁੰਦਰ ਨਗਰ ਬਣਾਉਣ ਅਤੇ ਸਾਫ਼-ਸੁਥਰਾ ਰੱਖਣ ਦੇ ਵੱਡੇ-ਵੱਡੇ ਦਾਅਵੇ ਕੀਤੇ ਜਾਂਦੇ ਹਨ। ਪਰ ਹਕੀਕਤ ਵਿੱਚ ਨਾ ਤਾਂ ਸੜਕਾਂ ਸਾਫ਼ ਨਜ਼ਰ ਆਉਂਦੀਆਂ ਹਨ ਤੇ ਨਾ ਹੀ ਸ਼ਹਿਰ ਦੀ ਸੁੰਦਰਤਾ ਕਿਤੇ ਵੇਖਣ ਨੂੰ ਮਿਲਦੀ ਹੈ। ਜ਼ਰਾ ਜਿਹੀ ਬਾਰਸ਼ ਪੈਣ ਨਾਲ ਹੀ ਸ਼ਹਿਰ ਦੀ ਤਸਵੀਰ ਬਦ ਤੋਂ ਬੱਤਰ ਹੋ ਜਾਂਦੀ ਹੈ – ਗੰਦਲੇ ਪਾਣੀ ਨਾਲ ਭਰੀਆਂ ਗਲੀਆਂ, ਕੂੜੇ ਦੇ ਢੇਰਾਂ ਨਾਲ ਬਦੀ ਦੀ ਬੂ ਅਤੇ ਲੋਕਾਂ ਲਈ ਆਉਣਾ-ਜਾਣਾ ਮੁਸ਼ਕਲ।
ਸੜਕਾਂ ਉੱਪਰ ਪਏ ਵੱਡੇ-ਵੱਡੇ ਖੱਡੇ ਛੋਟੇ-ਛੋਟੇ ਹਾਦਸਿਆਂ ਦਾ ਕਾਰਨ ਬਣ ਰਹੇ ਹਨ। ਬਾਈਕ ਸਵਾਰਾਂ ਅਤੇ ਪੈਦਲ ਚੱਲਣ ਵਾਲਿਆਂ ਲਈ ਇਹ ਖੱਡੇ ਜਾਨਲੇਵਾ ਸਾਬਤ ਹੋ ਰਹੇ ਹਨ। ਹਾਦਸਿਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ ਪਰ ਇਸ ਵੱਲ ਧਿਆਨ ਦੇਣ ਵਾਲਾ ਕੋਈ ਨਹੀਂ।
ਪਬਲਿਕ ਦਾ ਸਪਸ਼ਟ ਸਵਾਲ ਹੈ:
???? ਜਦੋਂ ਹਰ ਰੋਜ਼ ਕਾਰਪੋਰੇਸ਼ਨ ਵੱਲੋਂ ਵੱਡੇ ਦਾਅਵੇ ਕੀਤੇ ਜਾਂਦੇ ਹਨ, ਫਿਰ ਜ਼ਮੀਨੀ ਸਤਰ ’ਤੇ ਕੰਮ ਕਿਉਂ ਨਹੀਂ ਦਿਖਾਈ ਦਿੰਦਾ?
???? ਕਿੱਥੇ ਗਈ ਸ਼ਹਿਰ ਦੀ ਸਫ਼ਾਈ ਮੁਹਿੰਮ?
???? ਕਿੱਥੇ ਗਈ ਬਟਾਲਾ ਨੂੰ ਸੁੰਦਰ ਨਗਰ ਬਣਾਉਣ ਦੀਆਂ ਗੱਲਾਂ?
ਜਦੋਂ ਭਾਜਪਾ ਦੇ ਜ਼ਿਲ੍ਹਾ ਉਪ ਪ੍ਰਧਾਨ ਸ਼ਕਤੀ ਸ਼ਰਮਾਂ ਅਤੇ ਸੈਕਟਰੀ ਵਿਨੋਦ ਕੁਮਾਰ ਨਾਲ ਇਸ ਦੇ ਸਬੰਧ ਵਿੱਚ ਪੁਛਿਆ ਤਾਂ ਉਹਨਾਂ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸਨ ਦੀ ਬੇਧਿਆਨੀ ਕਾਰਨ ਬਟਾਲਾ ਸ਼ਹਿਰ ਗੰਦਗੀ, ਬਦਇੰਤਜ਼ਾਮੀ ਅਤੇ ਹਾਦਸਿਆਂ ਦਾ ਸ਼ਹਿਰ ਬਣਦਾ ਜਾ ਰਿਹਾ ਹੈ। ਜੇ ਹਾਲਾਤ ਇੰਝੇ ਹੀ ਰਹੇ ਤਾਂ ਸੁੰਦਰ ਨਗਰ ਬਣਾਉਣ ਦਾ ਸਪਨਾ ਸਿਰਫ਼ ਕਾਗਜ਼ਾਂ ਅਤੇ ਬਿਆਨਾਂ ਤੱਕ ਹੀ ਸੀਮਤ ਰਹਿ ਜਾਵੇਗਾ।
