ਦਸੂਹਾ / ਗੜਦੀਵਾਲਾ (ਚੌਧਰੀ)

: ਅੱਜ ਸ਼ਾਮ ਸਵਾ ਚਾਰ ਵਜੇ ਦੇ ਕਰੀਬ ਸ਼ੁਗਰ ਮਿਲ ਰੰਧਾਵਾ ਦੇ ਨਜਦੀਕ ਇੱਕ ਕਾਰ ਆਈ 20 ਓਵਰ ਸਪੀਡ ਹੋ ਕਾਰਣ ਪਲਟ ਗਈ।ਜਿਸ ਦੇ ਚਾਰੇ ਟਾਇਰ ਉਪਰ ਤੇ ਛੱਤ ਥੱਲੇ ਹੋ ਗਈ। ਪ੍ਰਮਾਤਮਾ ਦਾ ਸ਼ੁਕਰ ਰਿਹਾ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਇਸ ਘਟਨਾ ਵਿਚ ਜਖਮੀ ਕਾਰ ਡਰਾਈਵਰ ਦੀ ਜਖਮੀ ਹੋ ਗਿਆ। ਕਾਰ ਡਰਾਈਵਰ ਦੀ ਪਛਾਣ ਬਲਪ੍ਰੀਤ ਸਿੰਘ ਪੁੱਤਰ ਧੀਰ ਲਾਲ ਵਾਸੀ ਕੁੱਲੀਆਂ ਦਸੂਹਾ ਵਜੋਂ ਹੋਈ ਹੈ।

ਇਸ ਸਬੰਧੀ ਸੜਕ ਸੁਰੱਖਿਆ ਫੋਰਸ ਦੇ ਇੰਚਾਰਜ ਏ ਐਸ ਆਈ ਬਲਵਿੰਦਰ ਸਿੰਘ, ਕਾਂਸਟੇਬਲ ਕੁਲਭੂਸ਼ਨ ਤੇ ਲੇਡੀ ਕਾਂਸਟੇਬਲ ਸੋਨਮਪ੍ਰੀਤ ਕੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਰਾਹੀਂਗੀਰਾਂ ਨੇ ਫੋਨ ਤੇ ਦੱਸਿਆ ਕਿ ਰੰਧਾਵਾ ਤੋਂ ਇੱਕ ਕਿਲੋਮੀਟਰ ਅੱਗੇ ਰੋਡ ਪਰ ਇੱਕ ਕਾਰ ਨੰਬਰ ਐਚ ਆਰ -75-6331ਪਲਟ ਗਈ ਹੈ।ਅਸੀਂ ਮੌਕੇ ਤੇ ਪਹੁੰਚ ਦੇਖਿਆ ਕਿ ਗੱਡੀ ਦੀ ਓਵਰ ਸਪੀਡ ਹੋਣ ਦੇ ਕਾਰਨ ਡਰਾਈਵਰ ਤੋਂ ਗੱਡੀ ਘੁੰਮ ਗਈ। ਜਿਸ ਕਾਰਨ ਕਾਰ ਪਲਟ ਗਈ। ਕਿਸੇ ਵੀ ਤਰਾਂ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ । ਪਰ ਗੱਡੀ ਬਹੁਤ ਨੁਕਸਾਨੀ ਗਈ । ਡਰਾਈਵਰ ਨੂੰ ਸੱਟਾਂ ਵੱਜੀਆਂ ਅਤੇ ਉਸਨੂੰ ਸਿਵਿਲ ਹਸਪਤਾਲ ਦਸੂਹਾ ਵਿਖੇ ਦਾਖਲ ਕਰਵਾਇਆ ਗਿਆ।