ਟਾਂਡਾ / ਦਸੂਹਾ 3 ਜੂਨ (ਚੌਧਰੀ) 

 : ਹਲਕਾ ਉੜਮੁੜ ਟਾਂਡਾ ਨਾਲ ਲੱਗਦੇ ਪਿੰਡ ਦਾਤਾ ਦੇ ਹੋਣਹਾਰ ਨੌਜਵਾਨ ਸਬ ਲੈਫ਼ਟੀਨੈਂਟ ਅਰੁਣਵੀਰ ਸਿੰਘ (24) ਦਾ ਸਰਕਾਰੀ ਸਨਮਾਨਾਂ ਨਾਲ ਕੀਤਾ ਗਿਆ।ਇਸ ਮੌਕੇ ਪਰਿਵਾਰ ਅਤੇ ਇਲਾਕੇ ਵਿਚ ਮਾਹੌਲ ਗਮਗੀਨ ਸੀ। ਇਸ ਮੌਕੇ ਪ੍ਰਸ਼ਾਸਨਿਕ ਅਧਿਕਾਰੀਆਂ, ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਤੇ ਹੋਰ ਰਾਜਨੀਤਿਕ ਆਗੂਆਂ ਨੇ ਸਬ ਲੈਫ਼ਟੀਨੈਂਟ ਅਰੁਣਵੀਰ ਸਿੰਘ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ। ਇਸ ਮੌਕੇ ਉਨ੍ਹਾਂ ਦੀ ਮ੍ਰਿਤਕ ਦੇਹ ਨਾਲ ਆਏ ਲੈਫਟੀਨੈਂਟ ਅਨੰਤ ਪਰਾਗੀ,ਅਨੁਜ ਮਿਨਹਾਸ ਨੇ ਦੱਸਿਆ ਕਿ ਬੀਤੇ ਦਿਨੀ ਗੋਆ ਵਿਖੇ ਇੱਕ ਸੜਕ ਹਾਦਸੇ ਵਿੱਚ ਸਬ ਲੈਫ਼ਟੀਨੈਂਟ ਅਰੁਣਵੀਰ ਸਿੰਘ ਅਤੇ ਇੱਕ ਹੋਰ ਸਬ ਲੈਫਟੀਨੈਂਟ ਅਫਸਰ ਦੀ ਮੌਤ ਅਤੇ ਗੱਡੀ ਚਾਲਕ ਇੱਕ ਅਫਸਰ ਗੰਭੀਰ ਜਖਮੀ ਹੋ ਗਿਆ ਸੀ। ਇਸ ਮੌਕੇ ਮਾਤਾ ਸੁਰਿੰਦਰ ਕੌਰ ਤੇ ਪਿਤਾ ਰਿਟਾਇਰਡ ਸੂਬੇਦਾਰ ਮੇਜਰ ਅਮਰੀਕ ਸਿੰਘ ਨੇ ਵੀ ਆਪਣੇ ਪੁੱਤਰ ਨੂੰ ਸਲਾਮੀ ਦਿੱਤੀ।ਇਸ ਮੌਕੇ ਵੱਡੀ ਗਿਣਤੀ ਵਿਚ ਲੋਕ ਹਾਜਰ ਸਨ।

ਇਸ ਮੌਕੇ ਪਿਤਾ ਰਿਟਾਇਰਡ ਸੂਬੇਦਾਰ  ਮੇਜਰ ਅਮਰੀਕ ਸਿੰਘ ਨੇ ਦੱਸਿਆ ਕਿ ਅਰੁਣਵੀਰ ਸਿੰਘ ਸਾਲ 2020 ਵਿਚ ਬਤੌਰ ਸਬ ਲੈਫ਼ਟੀਨੈਂਟ ਭਾਰਤੀ ਨੇਵੀ ਸੈਨਾ ਵਿਚ ਭਰਤੀ ਹੋਇਆ ਸੀ ਤੇ ਬੀਤੇ ਦਿਨੀਂ ਗੋਆ ਵਿਖੇ ਵਾਪਰੇ ਸੜਕ ਹਾਦਸੇ ਦੌਰਾਨ ਉਸਦੀ ਮੌਤ ਹੋ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਉਸਦਾ ਵੱਡਾ ਭਰਾ ਕਨੇਡਾ ਵਿੱਚ ਸੈਂਟਲ ਹੈ।