ਗੜ੍ਹਦੀਵਾਲਾ 28 ਮਈ (ਚੌਧਰੀ) 

: ਵਿਧਾਨ ਸਭਾ ਹਲਕਾ ਟਾਂਡਾ ਉੜਮੁੜ ਦੇ ਪਿੰਡ ਕਾਲਰਾ ਵਿਖੇ ਸ਼ੋਮਣੀ ਅਕਾਲੀ ਦਲ ਦੀ ਵਿਸ਼ੇਸ਼ ਮੀਟਿੰਗ ਹੋਈ । ਜਿਸ ਵਿੱਚ ਹਲਕਾ ਇੰਚਾਰਜ ਅਰਵਿੰਦਰ ਸਿੰਘ ਰਸੂਲਪੁਰ ਸ਼ਾਮਿਲ ਹੋਏ। ਜਿਥੇ ਸ ਰਸੂਲਪੁਰ ਨੇ ਕਿਹਾ ਕਿ ਲ਼ੰਬੇ ਸਮੇ ਬਾਅਦ ਸ਼ੋਮਣੀ ਅਕਾਲੀ ਦਲ ਹੁਸ਼ਿਆਰਪੁਰ ਤੋ ਲੋਕ ਸਭਾ ਦੀ ਚੋਣ ਲੜ ਰਿਹਾ ਹੈ। ਜਿਸ ਵਿੱਚ ਪਾਰਟੀ ਨੇ ਬਹੁਤ ਹੀ ਸੂਝਵਾਨ ਇਮਾਨਦਾਰ 4 ਵਾਰ ਵਿਧਾਇਕ ਰਹੇ ਸ ਸੋਹਣ ਸਿੰਘ ਠੰਡਲ ਨੂੰ ਲੋਕ ਸਭਾ ਤੋਂ ਉਮੀਦਵਾਰ ਐਲਾਨਿਆ ਹੈ। ਇਸ ਮੌਕੇ ਵਰਕਰਾਂ ਨੂੰ ਸੰਬੋਧਨ ਕਰਦੇ ਸ ਰਸੂਲਪੁਰ ਨੇ ਕਿਹਾ ਕਿ ਮੋਜੂਦਾ ਆਮ ਆਦਮੀ ਪਾਰਟੀ ਤੋ ਲੋਕਾਂ ਦਾ ਮੋਹ ਭੰਗ ਹੋ ਗਿਆ ਹੈ। ਝੂਠੇ ਵਾਅਦੇ ਕਰਕੇ ਸੱਤਾ ‘ਚ ਆਈ ਪਾਰਟੀ ਲੋਕਾਂ ਦੇ ਦਿਲਾਂ ਚੋਂ ਉਤਰ ਗਈ ਹੈ। ਇਸ ਦੇ ਵੱਡੇ ਲੀਡਰ ਭਿ੍ਸ਼ਟਾਚਾਰ ਦੇ ਦੋਸ਼ਾ ਹੇਠ ਜੇਲ ਵਿੱਚ ਹਨ। ਇਸ ਮੌਕੇ ਰਸੂਲਪੁਰ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਅਕਾਲੀ ਦਲ ਇੱਕੋ ਇੱਕ ਪੰਜਾਬ ਦੀ ਖੇਤਰੀ ਪਾਰਟੀ ਹੈ, ਜੋ ਕਿ ਹਮੇਸ਼ਾ ਪੰਜਾਬ ਦੇ ਹੱਕਾਂ ਦੀ ਗੱਲ ਕਰਦੀ ਹੈ। ਅਕਾਲੀ ਦਲ ਕਿਸਾਨਾਂ ਦੇ ਹੱਕਾਂ ਦੀ ਲੜਾਈ ਲੜਦੀ ਹੈ। ਉਹਨਾਂ ਨੇ ਵਰਕਰਾਂ ਨੂੰ ਕਿਹਾ ਕਿ ਉਹ ਤੱਕੜੇ ਹੋਕੇ ਚੋਣ ਪ੍ਰਚਾਰ ਵਿੱਚ ਲੱਗ ਜਾਣ। ਇਸ ਮੌਕੇ ਸ ਅਰਵਿੰਦਰ ਸਿੰਘ ਰਸੂਲਪੁਰ ਹਲਕਾ ਇੰਨਚਾਰਜ ਟਾਂਡਾ, ਸੀਨੀਅਰ ਲੀਡਰ ਅਕਾਲੀ ਦਲ ਸੁਖਵਿੰਦਰ ਸਿੰਘ ਮੂਨਕ, ਯੂਥ ਅਕਾਲੀ ਆਗੂ ਲੱਕੀ ਰਾਏ ਬਾਹਲਾ, ਸੰਜੀਵ ਸਿੰਘ ਕੋਈ, ਸਰਕਲ ਪ੍ਰਧਾਨ ਗੜਦੀਵਾਲ ਬਲਵਿੰਦਰ ਸਿੰਘ ਚਿਪੜਾ, ਸਰਪੰਚ ਸ ਸੰਤੋਖ ਸਿੰਘ,ਨੰਬਰਦਾਰ ਗੁਰਮੀਤ ਸਿੰਘ, ਗੁਰਚਰਨ ਸਿੰਘ,ਮਲਕੀਤ ਸਿੰਘ,ਮੀਰ ਬਾਬਾ ਜੀ, ਰੇਸ਼ਮ ਸਿੰਘ, ਕੁਲਵੰਤ ਸਿੰਘ, ਜੀਤ ਸਿੰਘ,ਦਰਸ਼ਨ ਸਿੰਘ,ਰਛਪਾਲ ਸਿੰਘ,ਬਲਵੀਰ ਸਿੰਘ,ਪਰਸ਼ੋਤਮ ਸਿੰਘ ਆਦਿ ਹਾਜਰ ਸਨ।