ਬਟਾਲਾ 21 ਮਈ (ਅਵਿਨਾਸ਼ ਸ਼ਰਮਾ)

ਸਿਆਸੀ ਦਬਾਅ ਤੇ ਪੁਲਿਸ ਕਰ ਰਹੀ ਅਣਮਨੁੱਖੀ ਤਸ਼ੱਦਦ – ਰਮੇਸ਼ ਬਹਿਲ

– ਪਿਛਲੇ ਦਿਨੀ ਆਮ ਆਦਮੀ ਪਾਰਟੀ ਦੇ ਬਟਾਲਾ ਦੇ ਵਿਧਾਇਕ ਦੀ ਰਹਾਇਸ਼ ਲਾਗੇ ਪਾਰਕ ਵਿੱਚ ਲੱਗੇ ਰਾਸ਼ਟਰੀ ਝੰਡੇ ਨੂੰ ਕੁਝ ਵਿਅਕਤੀਆਂ ਵੱਲੋ ਥੱਲੇ ਉਤਾਰ ਕੇ ਉਸਨੂੰ ਪੈਰਾਂ ਹੇਠ ਰੋਲ ਕੇ ਉਸਦਾ ਅਪਮਾਨ ਕੀਤਾ ਗਿਆ ਸੀ , ਜਿਸਦੀ ਵੀਡੀਉ ਸ਼ਹੀਦ ਭਗਤ ਸਿੰਘ ਪ੍ਰੈਸ਼ ਐਸ਼ੋਸੀਏਸ਼ਨ ਦੇ ਪੰਜਾਬ ਪ੍ਰਧਾਨ ਰਮੇਸ਼ ਬਹਿਲ ਵੱਲੋ ਆਪਣੇ ਸ਼ੋਸਲ ਮੀਡੀਆ ਪੇਜ਼ ਤੇ ਪੋਸਟ ਕਰਕੇ ਇਸ ਘਟਨਾ ਦਾ ਸਖਤ ਵਿਰੋਧ ਕੀਤਾ ਗਿਆ ਸੀ ਤੇ ਜਥੇਬੰਦੀ ਵੱਲੋ ਇਸ ਸਬੰਧ ਵਿੱਚ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਲਿਖਤ ਦਰਖਾਸਤ ਦੇ ਕੇ ਦੋਸ਼ੀਆਂ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ ਸੀ । ਜਥੇਬੰਦੀ ਵੱਲੋ ਦਿੱਤੀਆ ਦਰਖਾਸਤਾ ਤੇ ਕੋਈ ਕਾਰਵਾਈ ਨਾ ਹੋਣ ਕਾਰਨ ਜਥੇਬੰਦੀ ਵੱਲੋ ਪ੍ਰਸ਼ਾਸਨ ਦੇ ਵਿਰੁੱਧ ਭੁੱਖ ਹੜਤਾਲ ਕਰਨ ਦਾ ਐਲਾਨ ਕੀਤਾ ਗਿਆ ਸੀ । ਅੱਜ ਜਦੋ ਜਥੇਬੰਦੀ ਦੇ ਪੰਜਾਬ ਪ੍ਰਧਾਨ ਰਮੇਸ਼ ਬਹਿਲ ਵੱਲੋ ਘਟਨਾ ਵਾਲੇ ਅਸਥਾਨ ਤੇ ਭੁੱਖ ਹੜਤਾਲ ਰੱਖੀ ਗਈ ਤਾਂ ਪੁਲਿਸ ਵੱਲੋ ਉਕਤ ਜਗ੍ਹਾਂ ਤੇ ਟੈਂਟ ਲਗਾਉਣ ਦੀ ਇਜਾਜਤ ਨਾ ਹੋਣ ਦਾ ਹਵਾਲਾ ਦੇ ਕੇ ਲੱਗੇ ਟੈਂਟ ਉਤਾਰ ਦਿੱਤੇ ਗਏ ਤੇ ਰਮੇਸ਼ ਬਹਿਲ ਤੇ ਉਸਦੇ ਸਾਥੀਆਂ ਨੂੰ ਸਖ਼ਤ ਗਰਮੀ ਵਿੱਚ ਬੈਠਣ ਲਈ ਮਜ਼ਬੂਰ ਕੀਤਾ ਗਿਆ । ਇਸ ਮਾਮਲੇ ਵਿੱਚ ਪੱਤਰਕਾਰਾ ਨਾਲ ਗੱਲ ਕਰਦਿਆ ਸ਼ਹੀਦ ਭਗਤ ਸਿੰਘ ਪ੍ਰੈਸ਼ ਐਸ਼ੋਸੀਏਸ਼ਨ ਦੇ ਪੰਜਾਬ ਪ੍ਰਧਾਨ ਰਮੇਸ਼ ਬਹਿਲ ਨੇ ਕਿਹਾ ਉਹ ਦੇਸ਼ ਦੀ ਆਣ ਬਾਨ ਤੇ ਸ਼ਾਨ ਰਾਸ਼ਟਰੀ ਝੰਡੇ ਦੇ ਹੋਏ ਅਪਮਾਨ ਦੇ ਸਬੰਧ ਵਿੱਚ ਭੁੱਖ ਹੜਤਾਲ ਤੇ ਬੈਠੇ ਰਮੇਸ਼ ਬਹਿਲ ਨੇ ਕਿਹਾ ਕਿ ਸਿਆਸੀ ਮਿਲੀਭੁਗਤ ਕਰਕੇ ਦੇਸ਼ ਵਿਰੋਧੀ ਤਾਂਕਤਾ ਦੇ ਇਸ਼ਾਰੇ ਤੇ ਪਹਿਲਾ ਰਾਸ਼ਟਰੀ ਝੰਡੇ ਦਾ ਅਪਮਾਨ ਕੀਤਾ ਗਿਆ ਹੈ ਤੇ ਅੱਜ ਤੱਕ ਨਾ ਹੀ ਇਸ ਝੰਡੇ ਨੂੰ ਬਦਲਿਆ ਗਿਆ ਤੇ ਨਾ ਹੀ ਅਪਮਾਨ ਕਰਨ ਵਾਲੇ ਦੋਸ਼ੀਆਂ ਵਿਰੁੱਧ ਕੋਈ ਕਾਰਵਾਈ ਕੀਤੀ ਗਈ , ਜਦ ਉਹ ਰਾਸ਼ਟਰੀ ਝੰਡੇ ਦੇ ਮਾਨ ਸਨਮਾਨ ਲਈ ਭੁੱਖ ਹੜਤਾਲ ਤੇ ਬੈਠੇ ਹਨ ਤਾਂ ਪੁਲਿਸ ਵੱਲੋ ਉਨ੍ਹਾਂ ਤੇ ਅਣਮਨੁੱਖੀ ਤਸ਼ੱਦਦ ਕੀਤਾ ਜਾ ਰਿਹਾ ਹੈ ਤੇ ਤੇਜ ਧੁੱਪ ਵਿੱਚ ਉਨ੍ਹਾਂ ਨੂੰ ਬਿਨ੍ਹਾਂ ਟੈਂਟ ਤੋਂ ਬੈਠਣ ਲਈ ਮਜ਼ਬੂਰ ਕੀਤਾ ਜਾ ਰਿਹਾ ਹੈ । ਪ੍ਰਸ਼ਾਸਨ ਵੱਲੋਂ ਬਹਾਨਾ ਇਹ ਲਗਾਇਆ ਗਿਆ ਕੇ ਉਨ੍ਹਾਂ ਕੋਲ ਭੁੱਖ ਹੜਤਾਲ ਕਰਨ ਦੀ ਇਜ਼ਾਜਤ ਨਹੀ ਹੈ , ਉਨ੍ਹਾਂ ਕਿਹਾ ਕਿ ਜਥੇਬੰਦੀ ਵੱਲੋ ਲਗਾਤਾਰ ਐਸਡੀਐਮ ਬਟਾਲਾ ਕੋਲੋ ਭੁੱਖ ਹੜਤਾਲ ਬਾਰੇ ਦਰਖਾਸਤਾ ਦਿੱਤੀਆ ਗਈਆ ਹਨ ਪਰ ਉਨ੍ਹਾਂ ਵੱਲੋ ਚੋਣ ਜਾਬਤੇ ਦਾ ਹਵਾਲਾ ਦੇ ਕੇ ਇਜ਼ਾਜਤ ਨਹੀ ਦਿੱਤੀ ਗਈ । ਰਮੇਸ਼ ਬਹਿਲ ਨੇ ਕਿਹਾ ਕਿ ਬਿਨ੍ਹਾਂ ਇਜਾਜਤ ਰਾਸ਼ਟਰੀ ਝੰਡੇ ਨੂੰ ਥੱਲੇ ਉਤਾਰ ਕੇ ਅਪਮਾਨ ਕੀਤਾ ਗਿਆ ਪਰ ਪੁਲਿਸ ਵੱਲੋ ਕੋਈ ਕਾਰਵਾਈ ਨਹੀ ਕੀਤੀ ਗਈ ਪਰ ਰਾਸ਼ਟਰੀ ਝੰਡੇ ਦੇ ਸਨਮਾਨ ਲਈ ਰੱਖੀ ਸ਼ਾਤਮਈ ਭੁੱਖ ਹੜਤਾਲ ਤੇ ਪੁਲਿਸ ਨੂੰ ਕੈਦੇ ਕਾਨੂੰਨ ਤਰੁੰਤ ਯਾਦ ਆ ਗਏ ਹਨ ਤੇ ਗੈਰ ਮਨੁੱਖੀ ਤਸ਼ੱਦਦ ਕੀਤੇ ਜਾ ਰਿਹੇ ਹਨ । ਉਨ੍ਹਾ ਕਿਹਾ ਉਹ ਪੁਲਿਸ ਤੇ ਸਿਆਸੀ ਅਤਿਆਚਾਰ ਦੇ ਅੱਗੇ ਝੁਕਣਗੇ ਨਹੀ ਤੇ ਆਖਰੀ ਸ਼ਾਹ ਤੱਕ ਇਹ ਅੰਦੋਲਨ ਜ਼ਾਰੀ ਰਹੇਗਾ । ਰਮੇਸ਼ ਬਹਿਲ ਨੇ ਕਿਹਾ ਕਿ ਸਰਦਾਰ ਭਗਤ ਸਿੰਘ ਜੇ ਤਿਰੰਗੇ ਲਈ ਛੋਟੀ ਉਮਰ ਵਿੱਚ ਸ਼ਹਾਦਤ ਦੇ ਸਕਦੇ ਹਨ ਤਾਂ ਉਸ ਵੱਲੋ ਸ਼ਹੀਦੇ-ਆਜਮ ਦੀ ਸੋਚ ਤੇ ਚੱਲਣ ਦੀ ਕੋਸ਼ਿਸ ਕੀਤੀ ਜਾਵਗੀ ਤੇ ਤਿਰੰਗੇ ਦੇ ਹੋਏ ਆਪਮਾਨ ਵਾਲੀ ਜਗ੍ਹਾਂ ਤੇ ਭੁੱਖ ਹੜਤਾਲ ਕਰਕੇ ਤੇ ਅਣਮਨੁੱਖੀ ਤਸ਼ੀਹੇ ਝਲਦੇ ਆਪਣੀ ਜਾਨ ਦੇ ਦਿੱਤੀ ਜਾਵੇਗੀ ।