ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ / ਪ੍ਰਦੀਪ ਕੁਮਾਰ) 

27 ਅਕਤੂਬਰ : ਅੱਜ ਦਿਨ ਦਿਹਾੜੇ ਇੱਕ ਅਣਪਛਾਤੇ ਵਿਅਕਤੀਆਂ ਵਲੋਂ ਪਿੰਡ ਜਮਸ਼ੇਰ ਚਠਿਆਲ ਦੇ ਇੱਕ ਘਰ ਵਿੱਚ ਘੁਸ ਕੇ ਇੱਕ ਔਰਤ ਦੇ ਕੰਨ ਚੋਂ ਟੋਪਸ ਝਪਟਮਾਰ ਕੇ ਲੁੱਟ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਨਾਲ ਔਰਤ ਦਾ ਕੰਨ ਬੁਰੀ ਤਰਾਂ ਲਹੂ ਲੂਹਾਨ ਹੋ ਗਿਆ ਅਤੇ ਡਾਕਟਰ ਵਲੋਂ ਟਾਂਕੇ ਲਗਾਏ ਗਏ ਹਨ।  ਇਸ ਸਬੰਧੀ ਪੀੜਤਾ ਦੇ ਪਤੀ ਪ੍ਰੇਮਪਾਲ ਸਿੰਘ ਪੁੱਤਰ ਸ਼ੰਕਰ ਦਾਸ ਵਾਸੀ ਪਿੰਡ ਜਮਸ਼ੇਰ ਚਠਿਆਲ ਥਾਣਾ ਗੜ੍ਹਦੀਵਾਲਾ ਜਿਲ੍ਹਾ ਹੁਸ਼ਿਆਰਪੁਰ ਨੇ ਦੱਸਿਆ ਕਿ ਮੈਂ ਉਕਤ ਪਤੇ ਦਾ ਰਹਿਣ ਵਾਲਾ ਹਾਂ। ਅੱਜ ਦੁਪਹਿਰ ਤਕਰੀਬਨ 2:00 ਤੋਂ 03:00 ਵਜੇ ਦੇ ਵਿਚਕਾਰ ਮੇਰੀ ਪਤਨੀ ਘਰ ਵਿੱਚ ਇੱਕਲੀ ਸੀ ਅਤੇ ਮੈਂ ਘਰ ਦੇ ਨਿੱਜੀ ਕੰਮ ਵਾਸਤੇ ਗੜ੍ਹਦੀਵਾਲਾ ਵਿਖੇ ਆਇਆ ਹੋਇਆ ਸੀ। ਉਸ ਸਮੇਂ ਸਾਡੇ ਘਰ ਕੋਈ ਅਨਪਸ਼ਾਤਾ ਵਿਅਕਤੀ ਲੁੱਟ-ਖੋਹ ਕਰਨ ਦੇ ਇਰਾਦੇ ਨਾਲ ਸਾਡੇ ਘਰ ਅੰਦਰ ਦਾਖਿਲ ਹੋ ਗਿਆ ਅਤੇ ਮੇਰੀ ਪਤਨੀ ਨੂੰ ਇਕੱਲੀ ਦੇਖ ਕੇ ਉਸਦੇ ਕੰਨ ਚੋਂ ਟੋਪਸ ਝਪਟਮਾਰ ਕੇ ਲੁਟਣ ਦੀ ਕੋਸ਼ਿਸ਼ ਕੀਤੀ। ਜਿਸ ਨਾਲ ਮੇਰੀ ਪਤਨੀ ਦਾ ਕੰਨੇ ਕਾਫੀ ਜਖਮੀ ਹੋ ਗਿਆ|ਉਹ ਮੇਰੀ ਪਤਨੀ ਦੇ ਕੰਨ ਨੂੰ ਝਪਟ ਮਾਰ ਕੇ ਕੇ ਸਾਡੇ ਘਰ ਦੀ ਛੱਤ ਤੋਂ ਹੁੰਦਾ ਹੋਇਆ ਅਤੇ ਗੁਆਂਡ ਵਾਲੇ ਘਰ ਚਲਾ ਗਿਆ। ਜਦ ਮੇਰੀ ਪਤਨੀ ਦਾ ਰੋਲਾ ਸੁਣ ਕੇ ਆਂਢ ਗੁਆਂਢ ਦੇ ਲੋਕ ਇਕਠੇ ਹੋਏ ਤੇ ਉਹਨਾ ਨੇ ਉਸਦੀ ਭਾਲ ਕੀਤੀ ਪਰੰਤੂ ਉੱਕਤ ਅਣਪਸ਼ਾਤਾ ਵਿਅਕਤੀ ਨਹੀਂ ਮਿਲਿਆ। ਪ੍ਰਮਾਤਮਾ ਦਾ ਸ਼ੁਕਰ ਹੈ ਕਿ ਲੁਟੇਰਾ ਟੋਪਸ ਲਿਜਾਣ ਵਿੱਚ ਕਾਮਯਾਬ ਨਹੀਂ ਰਿਹਾ ਕਿਉਂਕਿ ਅਚਾਨਕ ਟੋਪਸ ਥੱਲੇ ਡਿੱਗ ਗਿਆ। ਪੀੜਤਾ ਦੇ ਪਤੀ ਨੇ ਗੜ੍ਹਦੀਵਾਲਾ ਪੁਲਿਸ ਨੂੰ ਲਿਖਤੀ ਸੂਚਨਾ ਦਿੱਤੀ ਹੈ। ਸੂਚਨਾ ਮਿਲਦੇ ਹੀ ਪੁਲਿਸ ਘਟਨਾ ਦੀ ਜਾਂਚ ਵਿਚ ਜੁੱਟ ਗਈ ਹੈ।

ਫੋਟੋ : ਪੀੜਤਾ ਆਪਣੇ ਜਖਮੀ ਹੋਏ ਕੰਨ ਨੂੰ ਦਿਖਾਉਂਦੀ ਹੋਈ ਤੇ ਹੋਰ।