ਗੜਸ਼ੰਕਰ 28 ਫਰਵਰੀ (ਅਸ਼ਵਨੀ ਸ਼ਰਮਾ) : ਅੱਜ ਇੱਥੇ ਗੜ੍ਹਸ਼ੰਕਰ ਸ਼ਹਿਰ ਵਿੱਚ ਵੱਖ ਵੱਖ ਜਮੂਹਰੀ ਕਿਸਾਨ ਮਜ਼ਦੂਰ ਜਥੇਬੰਦੀਆਂ ਵੱਲੋਂ ਸਾਮਰਾਜੀਆਂ ਵੱਲੋਂ ਯੂਕਰੇਨ ਵਿੱਚ ਛਿੜੀ ਜੰਗ ਦੇ ਖ਼ਿਲਾਫ਼ ਰੋਸ ਮਾਰਚ ਕੀਤਾ ਗਿਆ। ਜਿਸ ਦੀ ਅਗਵਾਈ ਡੈਮੋਕਰੈਟਿਕ ਟੀਚਰਜ਼ ਫਰੰਟ, ਕਿਰਤੀ ਕਿਸਾਨ ਯੂਨੀਅਨ, ਤਰਕਸ਼ੀਲ ਸੁਸਾਇਟੀ ਅਤੇ ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਆਗੂਆਂ ਨੇ ਕੀਤੀ। ਇਸ ਸਮੇਂ ਰੋਸ ਮਾਰਚ ਕਰਨ ਤੋ ਪਹਿਲਾਂ ਗਾਂਧੀ ਪਾਰਕ ਵਿਖੇ ਰੋਸ ਰੈਲੀ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਡੀਟੀਐਫ ਦੇ ਸੂਬਾ ਜਨਰਲ ਸਕੱਤਰ ਮੁਕੇਸ਼ ਕੁਮਾਰ ਅਤੇ ਕਿਰਤੀ ਕਿਸਾਨ ਯੂਨੀਅਨ ਸੂਬਾ ਵਿੱਤ ਸਕੱਤਰ ਹਰਮੇਸ਼ ਢੇਸੀ ਤੇ ਮਜ਼ਦੂਰ ਆਗੁੂ ਬਗੀਚਾ ਸਿੰਘ ਨੇ ਦੱਸਿਆ ਕਿ ਇਹ ਜੰਗ ਸਾਮਰਾਜੀ ਦੇਸ਼ਾਂ ਵੱਲੋਂ ਆਪਣੀਆਂ ਪਸਾਰਵਾਦੀ ਨੀਤੀਆਂ ਤੇ ਮੁਨਾਫਾ ਕਮਾਾਊਣ ਦੀਆਂ ਖਾਹਸ਼ਾਂ ਕਾਰਣ ਛੇਡ਼ੀ ਗਈ ਹੈ ਜਿਸ ਵਿੱਚ ਅਮਰੀਕਾ, ਨਾਟੋ ਦੇ ਜੋੜੀਦਾਰਾਂ ਵੱਲੋਂ ਯੂਕਰੇਨ ਅਤੇ ਰੂਸ ਨੂੰ ਉਕਸਾ ਕੇ ਜੰਗ ਵਿੱਚ ਝੋਕ ਦਿੱਤਾ ਹੈ ਇਸ ਜੰਗ ਵਿਚ ਆਮ ਲੋਕਾਂ, ਮਜ਼ਦੂਰਾਂ ਦਾ ਜਾਨੀ ਨੁਕਸਾਨ ਹੋਵੇਗਾ ਅਤੇ ਸਾਮਰਾਜੀਏ ਵੱਧ ਤੋਂ ਵੱਧ ਲਾਹਾ ਲੈਣਗੇ। ਇਸ ਸਮੇਂ ਕਿਸਾਨ ਆਗੂ ਕੁਲਵਿੰਦਰ ਚਾਹਲ, ਪ੍ਰੋ ਕੁਲਵੰਤ ਸਿੰਘ ਗੋਲੇਵਾਲ, ਸਰਪੰਚ ਰਾਮ ਜੀਤ ਸਿੰਘ ਦੇਨੋਵਾਲ ਤੇਜਿੰਦਰ ਸਿੰਘ, ਜਰਨੈਲ ਸਿੰਘ ਗੋਲੇਵਾਲ, ਮੋਹਨ ਸਿੰਘ ਅਲੀਪੁਰ, ਤਰਕਸ਼ੀਲ ਆਗੂ ਨਰੇਸ਼ ਕੁਮਾਰ, ਡੀ ਟੀ ਅੇੈੱਫ ਆਗੂ ਸੁਖਦੇਵ ਡਾਨਸੀਵਾਲ, ਹੰਸ ਰਾਜ ਗੜਸ਼ੰਕਰ ਗੁਰਮੇਲ ਸਿੰਘ, ਜਰਨੈਲ ਸਿੰਘ, ਪ੍ਰਦੀਪ ਸਿੰਘ ਗੁਰੂ, ਡਾ ਅਮਰੀਕ ਸਿੰਘ, ਮਨਜੀਤ ਬੰਗਾ, ਸੱਤਪਾਲ ਕਲੇਰ, ਰਮੇਸ਼ ਮਲਕੋਵਾਲ, ਜਸਵਿੰਦਰ ਸਿੰਘ ਅਤੇ ਨਰੰਜਣਜੋਤ ਸਿੰਘ ਚਾਂਦਪੁਰੀ ਆਦਿ ਨੇ ਵੀ ਮਾਰਚ ਵਿੱਚ ਹਿੱਸਾ ਲਿਆ ।