ਤਲਵਾੜਾ / ਦਸੂਹਾ (ਚੌਧਰੀ )

12 ਅਕਤੂਬਰ : ਰੁੱਖ ਹੀ ਸਾਡੇ ਵਾਤਾਵਰਨ ਨੂੰ ਸਾਫ਼ ਅਤੇ ਪ੍ਰਦੂਸ਼ਣ ਮੁਕਤ ਰੱਖਦੇ ਹਨ । ਇਹ ਵਾਤਾਵਰਨ ਦੇ ਸੱਚੇ ਯੋਧਾ ਹਨ, ਜਿਹੜੇ ਇਸ ਨੂੰ ਸਾਫ਼ ਅਤੇ ਸੁੰਦਰ ਬਣਾਕੇ ਰੱਖਦੇ ਹਨ । ਇਸ ਉਦੇਸ਼ ਦੀ ਪੂਰਤੀ ਲਈ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਸੈਕਟਰ-3 ਤਲਵਾੜਾ ਦੀ ਕਲਰਕ ਬਲਜੀਤ ਕੌਰ ਨੇ ਸਕੂਲ ਦੇ ਵਾਤਾਵਰਨ ਨੂੰ ਮਨਮੋਹਕ ਬਣਾਉਣ ਲਈ ਆਪਣੀ ਕਿਰਤ ਕਮਾਈ ਵਿੱਚੋਂ ਸਕੂਲ ਦੇ ਚੌਗਿਰਦੇ ਵਿੱਚ ਬੋਤਲ ਪਾਮ ਦੇ ਰੁੱਖ ਲਗਾਏ । ਪ੍ਰਿੰਸੀਪਲ ਗੁਰਾਂ ਦਾਸ ਨੇ ਦੱਸਿਆ ਕਿ ਇਹ ਇਹਨਾਂ ਦੀ ਵਧੀਆ ਸੋਚ ਦੀ ਨਿਸ਼ਾਨੀ ਹੈ । ਅਜਿਹੀ ਸੋਚ ਵਾਲੇ ਕਰਮਚਾਰੀਆਂ ਅਤੇ ਲੋਕਾਂ ਦੇ ਸਦਕਾ ਹੀ ਸੰਸਥਾਵਾਂ ਅਤੇ ਸਮਾਜ ਤਰੱਕੀ ਕਰਦੇ ਹਨ ਅਤੇ ਅਜਿਹੇ ਕਰਮਚਾਰੀਆਂ ਅਤੇ ਲੋਕਾਂ ਤੋਂ ਸਾਨੂੰ ਸਭ ਨੂੰ ਪ੍ਰਰੇਨਾ ਲੈਣ ਦੀ ਲੋੜ ਹੈ । ਸਕੂਲ ਦੀ ਐੱਸ.ਐੱਮ.ਸੀ. ਕਮੇਟੀ ਅਤੇ ਸਮੂਹ ਸਟਾਫ ਨੇ ਇਸ ਪਹਿਲ ਕਦਮੀ ਲਈ ਉਹਨਾਂ ਦੀ ਪ੍ਰੰਸਸਾ ਕੀਤੀ ।ਇਸ ਮੌਕੇ ਲੈਕ. ਰਾਜ ਕੁਮਾਰ, ਲੈਕ. ਮੰਜੂ ਬਾਲਾ ਸ਼ਰਮਾ, ਰਘਵੀਰ ਸਿੰਘ, ਮਾਸਟਰ ਰਾਜ ਕੁਮਾਰ,ਯੋਗੇਸ਼ਵਰ ਸਲਾਰੀਆ,ਰਵਿੰਦਰ ਸਿੰਘ, ਮਾਲੀ ਜੋਗਿੰਦਰ ਸਿੰਘ ਅਤੇ ਰਾਹੁਲ ਚੌਧਰੀ ਹਾਜਰ ਸਨ ।
ਫੋਟੋ – ਕਲਰਕ ਬਲਜੀਤ ਕੌਰ ਨਾਲ ਪ੍ਰਿੰਸੀਪਲ ਗੁਰਾਂ ਦਾਸ ਅਤੇ ਸਟਾਫ ਮੈਂਬਰ ਪੌਦੈ ਲਗਾਉਂਦੇ ਹੋਏ ।